Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

«ТУЙМААДА» АГРОХОЛДИНГ ПРОИЗВОДСТВЕННАЙ ТИҺИГИН САЙДЫЫТЫН СТРАТЕГИЯТА» КОНФЕРЕНЦИЯ ИККИС КҮНЭ СЭРГЭХТИК БАРДА

17.03.2021 18:21 0
«ТУЙМААДА» АГРОХОЛДИНГ ПРОИЗВОДСТВЕННАЙ ТИҺИГИН САЙДЫЫТЫН СТРАТЕГИЯТА» КОНФЕРЕНЦИЯ ИККИС КҮНЭ СЭРГЭХТИК БАРДА

“Туймаада” Агрохолдинг сылын аайы ыытар конференциятын бастакы күнүгэр хаһаайыстыбаларынан сылдьан миэстэтигэр ыытыллыбыт буоллаҕына иккис күн Арктика Государственнай Агротехнологическай университетын аактабай саалатыгар ыҥырыылаах ыалдьыттар уонна агрохолдинг үлэһиттэрэ кыттыылаах сүрүн мунньаҕа буолла.


Манна бары ыалдьыттары таһынан республика биллэр учуонайдара уонна специалистара бэйэлэрин идэлэринэн иһитиннэрии оҥордулар. Ол кэннэ тута ыйытыыларга хоруйдаатылар. Онтон ыалдьыттар диэн бүтүн дойдуга ону ааһан арҕаа дойдуларга киэҥник биллэр бөдөҥ хампаанньалар, холобур, “SUSSEPIGS” Германия-Белгород кыттыылаах, Новосибирскайтан «Сибирская Нива», «МолСиб», «Сиббиофарм», Саратовтан «Константа-Сколково», Краснодартан «СХНПП Биоинженер Куб ГАУ», Москваттан «МВА имени К.И. Скрябина» хампаанньалар, тэрилтэлэр салайааччылара, бэрэстэбиитэллэрэ уонна Саха Өрөспүүбүлүкэтин научнай тэрилтэлэрин учуонайдара, специалистара саха сирин усулуобуйатыгар ынах сүөһүнү иитии, көтөрү, сибиинньэни көрүү-харайыы боппуруостарыгар тохтоон бэйэлэрин көрүүлэрин эттилэр.

Ордук сытыы боппуруос аһылыгы бэлэмнээһин технологиятыгар турда. Манна үүнээйи көрүҥнэрин үүннэрии уонна ону бэлэмнээһин технологията туохтан турарын специалистар бэрт ылыннарыылаахтык быһааран биэрдилэр.

Биир ураты боппуруос ынах сүөһү боруодатыгар, селекциялааһыҥҥа турда. Биһиги республикабытыгар сүрүннээн симэнтээл уонна холмогор ынах сүөһү иитиллэр буоллаҕына, кэлиҥҥи сылларга истиэп кыһыл боруодата, хара эриэн ынах сүөһү уонна да атын боруодалар аҕалыллан кинилэр көрүллүүлэрэ, аһылыктара уратылааҕар эмиэ тохтоотулар. Ыччат сүөһүнү көрүү, аһатыы технологиятын туһунан специалистар кэпсээбиттэрэ ураты болҕомтону тарта.

Сибиинньэ аһылыгын уратытыгар уонна кини ордук ханнык ыарыыларга кэбэҕэстик ылларарын, онтон сэрэтэр үлэни хайдах ыытыахха сөбүн туһунан агрохолдинг үлэһиттэрэ сөптөөх быһаарыыны ыллылар. Итини таһынан ыалдьыттар ынах сүөһүттэн, сибиинньэттэн ылыллар бородууксуйа улаатыытыгар практическай сүбэлэри биэрбиттэрэ улахан сэҥээриини таһаарда.

Онон агрохолдинг маннык конференцияны ыытыыта хаһаайыстыбалар уонна тэрилтэлэр специалистара уонна үлэһиттэрэ билиилэрин дириҥэтэллэригэр чахчы элбэҕи биэрэр буолан сыалын-соругун ситтэ диэххэ сөп. Салгыы конференция кыттыылаахтара Хаҥалас улууһун Улахан Аан нэһилиэгэр “Бөртө сылгы собуота” ХЭТ үлэтин билсиэхтэрэ.

***

Прокопий ХАБАРОВ.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»