Курс валют
$
62.81
0.29
71.38
0.15
Курс валют
Курс валют
$
62.81
0.29
71.38
0.15
Меню
Поиск по сайту

Тойбохойго 90 миэстэлээх оҕо уһуйаана тутуллуоҕа

12.06.2019 15:11 0
Тойбохойго 90 миэстэлээх оҕо уһуйаана тутуллуоҕа

СӨ бырабыытылыстыбатын бэрэссэдээтэлин солбуйааччы Ольга Балабкина оробуочай сырыыннан Сунтаар улууһугар кэллэ. Тэрилтэлэринэн сылдьан тутаах салайааччылары кытта көрсөн үлэлэрин-хамнастарын уонна инники былааннарын туоһуласта.

Аан маҥнай доруобуйа харыстабылын тэрилтэлэрин, 1-кы №-дээх поликлиниканы уонна киин балыыһаны, «Ньургуһун»  оҕо уһуйаанын, саҥа тутулла турар култуура уонна духуобунай сайдыы киинин, Сунтаардааҕы олимпийскай эрэллэри бэлэмниир спортивнай оскуоланы уонна ону таһынан саҥа лицей оскуолата тутуллуохтаах сирин көрдө-иһиттэ.

 

Ольга Балабкина иккис күнүгэр Сунтаар улууһун баһылыгын Анатолий Григорьевы кытары нэһилиэктэринэн сылдьан тэрилтэлэр салайааччыларын уонна олохтоохтору кытта көрүстүлэр.

Тойбохой нэһилиэгэр тулаайах уонна көрүүтэ-истиитэ суох хаалбыт оҕолорго С.Г. Кривошапкин аатынан Тойбохойдооҕу киин оҕо дьиэлэрин, Г.Е. Бессонов аатынан Республикатааҕы историко-краеведческай музейга сырыттылар уонна саҥа тутуллар икки мэндиэмэннээх 90 миэстэлээх оҕо уһуйааныгар үөрүүлээх быһыыга-майгыга бастакы свайатын түһэрэн олук уурдулар.

Салгыы Кэмпэндээйи нэһилиэгэр тиийэн Г.Е. Чолбодуков аатынан санаторий туругун уонна үлэтин-хамнаһын билистилэр.

Нэһилиэктэринэн сылдьан баран «Олоҥхо» улуустааҕы этнокультурнай кииҥҥэ нэһилиэктэр баһылыктарын, улуус актыыбын, тэрилтэ салайааччыларын кытары көрүстүлэр. Манна тэрилтэ салайааччылара ыйытыылары биэрдилэр ону тэҥэ этиилэри киллэрдилэр. Мунньах кэмигэр Ольга Балабкина Сунтаар улууһун депутаттарын Сэбиэтин бэрэссэдээтэлигэр Ульяна Поповаҕа СӨ бырабыытылыстыбатын Бочуотунай грамотатын туттарда.

Инникитин Сунтаар улууһугар техническэй үөрэхтээх ыччаты бэлэмнииргэ, ньиэп-гаас бырамыысылынас салаатыгар СӨ бырабыытылыстыбатын кытары бииргэ үлэлииргэ былаан түһэристилэр. Ол кэннэ Сунтаардааҕы политехническай колледжка сылдьан, үөрэнэр сирдэрин усулуобуйаларын көрдүлэр-иһиттилэр.

***

«Сунтаар улууһа (оройуона)» муниципальнай оройуон дьаһалтатын пресс-сулууспата.

Оставить комментарий