Петр Петров: “Быыбар – ким эрэ кыайар, ким эрэ кыайтарар…”

Аллараа Бэстээх бөһүөлэгин баһылыгын талар быыбар ньиргийэн ааста. Быыбар түмүктэннэ, күннээҕи үлэ-хамнас саҕаланна. Саҥа таллылыбыт баһылыктар кыайыыларын уйан, үлэлэрин аттаран, саҕалаан барыахтарын наада.

Бэстээх баһылыгын быыбарыгар алта кандидат кииристэ. Олортон бастакы миэстэни Юрий Колмаков (ЕР) ылла, Бор – иккис, Дмитрий Коваленко – үһүс, төрдүс – Петр Петров буоллулар, онтон Владимир Ю уонна Евгений Перфильев (ЛДПР) иһэллэр.

Хоппут да, хотторбут да кандидаттар быыбар кэнниттэн дьонноругар-сэргэлэригэр, бэйэ-бэйэлэригэр  ис санааларын тиэрдэллэр.

Бэстээх быыбарын сэргэхсиппит кандидат Петр Николаевич Петров:

• Быйыл сайын дьиктитик сонуннук, хатыламматтык ааспытыттан эмиэ да астынным… Аҕыйах бырааттарбын кытта түмсэн алтыспыппыттан астыныы, олоҕу арыый атыннык анаарыы, дьон-сэргэ бүгүҥҥү олоҕун илэ көрүү, санаа тууйуута – бу барыта олоҕум миэхэ биэрэр түгэннэрэ эбит… Быыбарга ким эрэ кыайар, ким эрэ кыайтарар. Ол эрээри бу мөккүөргэ кыттарга сананыы ис туруккун бөҕөҕргөтөр, өйгүн- санааҕын сааһылыыр эбит… Күһүн кэлбитин билбэккэ хааллым…. Бу кэм устата бырааттарбыттан элбэххэ үөрэнним, тугу эмэ үөрэппит да буолуохпун сөп… Дьон-норуот олоҕо бүгүҥҥү күҥҥэ ыарахан… Быыбары кыайбыт баьылык дьон туһугар үлэлиэн уонна олоҕу олоруон баҕарабын. Көмүс күһүнү көрсөҕүҥ, кини ыраас салгынын түөспүтүгэр толору тыына, өрүүтүн сырдыкка-ырааска тардыһа…

***

Aartyk.ru