Баһылык Алексей Иннокентьев Марха эбэ эргин олорор нэһилиэктэр баһылыктарын, тустаах салаа салайааччыларын кытары мунньахтаата уонна Марха эбэ уута иһэргэ, туттарга көҥүллэммэтин иһин маннык быһаарыныы ылла:
1.Ыам ыйыттан Марха эбэ уутунан туһанар нэһилиэнньэлээх пууннарга биир иһит (19 лиитэрэлээх) ыраастаммыт иһэр ууну станцияттан ыларга 50 солкуобайнынан быһарга. 200 л буочука ыраастаммыт иһэр уу сыанатын 200 солкуобайынан быһарга.
2.Ууну ыраастыыр станцияны арендаҕа ылан үлэлэтэ олорор тэрилтэлэр сыана араастаһыытын төлөтөргө расчеттарын улуустааҕы үп салаатыгар ыам ыйын 14 күнүгэр диэри аҕалан туттаралларыгар.
3.Үөрэх тэрилтэлэрэ ыраастаммыт ууну станцияттан ылан иһэллэрин Үөрэх управлениетыгар хонтуруолга ыларыгар.
Маны тэҥэ Алексей Иннокентьев Киров, Хорула, Хаҥалас, Маар ууну ыраастыыр станцияларын бу ый 30 күнүгэр диэри өрөмүөннээн, чөлүгэр түһэрэн үлэлэтэллэригэр дьаһайда.
Баһылыктарга ый аайы уу лабораторнай аналиһын түмүгүн нэһилиэнньэҕэ биллэрэллэригэр быһаарда диэн УлуусМедиа тиэрдэр. Сөп быһаарыы, оччоҕо араас сурах-садьык даҕаны тарҕанара тохтуох этэ.
***
Aartyk.Ru
Оставить комментарий