Курс валют
Курс валют
Меню
Поиск по сайту

Мэҥэҕэ «сиэрдээхтэр» партияларын отделениятын ыһан эрэллэр?

11.08.2017 11:49 2
Мэҥэҕэ «сиэрдээхтэр» партияларын отделениятын ыһан эрэллэр?

«Сомоҕо күүс» активистката, ООН трибунатыттан «саха — олохтоох омук быраабынан туһаныахтаах» диэн туруорсубут Антонина Гаврильева  «Сиэрдээх Россия» партия хара ааныттан чилиэнэ этэ. Ол гынан баран билигин кэлэн партиятыттан үүрүллэр турукка киирэн «шок» ылбытын туһунан «Бассаапка» тыл тарҕатта.

Ааптар суруга хайдах баарынан:

«Туох да диэц эрэдээктээх балаьыанньа уескээтэ. СР диэн партия хайдах уонна туох партияный ? — диэн толкуйдуубун да, ырытабын да.

Мин сиэрдээх диэн аатыгар сеп тубэьэр партия буолуохтаах дии саныыбын. Единэйдэр норуот санаатын аахсыбат, бас билэр партия буолан бэйэлэрин эрэ саныыллар игин диэн миэхэ СРдар — бэйэм дьонум — партиям кэпсиирэ.

Боростуой киьи буоламмын ейум бааллыбыта буолуо дуо? Норуот курдук сананан интэриэспин кемускуе — санаабын истиэ диэн итэ5эйэр этим. Арааьата урукку олох киьитэ буолан итинник санаата5ым буолуо…

Онтум баара мин сордоох санаатын истэ да барбаттар эбит. СР диэн оппозиционнай — меньшинство санаатынан салайтарар, а5ыйах ахсааннаах ол эрэн «Чоот!» диэбиттэринэн сылдьыбат кецул уонна куустээх санаалаах- ба5аларын аьа5астык этэр дьон партиялара дии саныыр этим.

Мэцэ Хацалас улууьугар син сирэйдээх уонна авторитеттаах партия буолабыт дии саныырым… Син балай эмэ сыллар устата араас быыбардарга киирсии бе5етун киирсэн, сиэрдээх олох уонна тутул кэллэр диэн туруулаьан кэлбит киьи улахан дьиксиниигэ (шоковай) турукка киирдим.

СР партия мантан антах Мэцэ Хацаласка саца дьонунан тацыллар диэн уеьээттэн быьаарыы миэхэ — партия тыынынан олорбут киьиэхэ ыарахан тугэн. Бутун улуус СРдара уонна ол тула сылдьар элбэх ахсааннаах дьон (сочувствующие) туора сотуллан хаалаллара хайдах эрэ дии санаабаккыт дуо?

Мин тус бэйэм сиэрбин да тэбистэрбиппиттэн (уязвленная гордость) сацата суох хаалыахпын ба5арбаппын. Буолаары турар уонна кэлэр быыбардарга СРпартияны туох уонна хайдах сиэрдээх дьон биьиги улууспутугар ейууллэрин билиэхпин ба5ардым.

Улуус иьигэр СР партия билиэттээх чилиэттэрэ уонна бу сыллар устата СР партия тула тумсэн сылдьыбыт биир санаалаахтарбыт (сочувствующие), мин санаабар, тумсэн мунньах — кэпсэтии ыытыахпытын наада буолла дии саныыбын.

Дьиэ — уот арендалыыр кыаллыбата буолуо… таьырдьаа сылаас дии… олохтоох былаастан кецул ылан ( 3 киьиттэн ордук дьон тумсуе суохтааххыт диэн сокуон баар курдук ейдуубун. Арыгылыырга эрэ тумсуц диэбит курдук сокуон эбит дии. «Сообразим на троих» — дииллэр дии убаайдарбыт).

Майа5а тумсэн санаабытын аьа5астык этэн бэйэбитин кемускэниэххэйиц. Хайдах да гыныц… сирэйгэ о5устаран баран атын сыцаахпын тоьуйан олорон хаалар санаам суох буолла.

Хайдах норуоту ким барыта тэпсэ — албынныы сылдьыахтаа5ый? Теье бэйэтин сиэрин ( достоинство) кемускэнэр киьи СР партия иьигэр уонна ити партия тула мустан араас сылларга киирсиилэри ааспыт Мэцэ Хацалас улууьугар илэ баарын билиэхпин ба5ардым.

Онтон со5отох мин эрэ дууьам муунту буолар эбит буолла5ына, партия сепке быьааран биьиги тус санаабытын аахсыбатах диэн тумуккэ кэлиэм. Онон тумсэн кэпсэтиэххэйиц диэн ыцырыы таьаарабын!

Санаа5ытын суруйун уонна тумсэр куну быьаарсан Майа5а бары сирэй керсен кэпсэтиэ5ин инникибитин торумнуо5ун. Сацата суох олорон хаалар сурэ бэрт дии.

А.Гаврильева — Елизавета партия уескуе5уттэн чилиэнэ. Майа беь. олохтоо5о«.

***

«Сиэрдээх Россия» партия чилиэнэ, Дьокуускайдааҕы Дума дьокутаата Ольга Саргыдаеваттан «дьоҥҥутун тоҕо ыһаттаатыгыт» диэн ыйыппыка маннык хоруйдаата:

— Ити суругу аахпытым. Ол гынан баран, Гаврильева этэрэ барыта сөп диэн буолбатах буоллаҕа. Партия Устаабын быһыытынан, икки сыл буола-буола олохтоох отделение уопсай мунньах тэрийэн отчуоттаан, салалтатын талан, бигэргэтэн иһиэхтээх. Мэҥэ Хаҥалас улууһун отделениета мунньах тэрийбэтэ5э, онон салайар уорганнара легитимнэйэ суох.  Ол иһин партия Президиума кинилэр үлэлэрин тохтотто.

Киһи быһыытынан, Гаврильеваны өйдүүбүн, ол гынан баран партийнай ирдэбил тутуһуллуохтаах.

****

Сорохтор «Сиэрдээх Россия» партия Президиумун быһаарыытын атыҥҥа күтүрүүллэр.

Билигин Мэҥэҕэ улуус баһылыгын быыбарын хампаанньата буола турар. Олохтоох эсердэр отделениялара тутуспутунан Николай Старостин туһугар үлэлии сыльаллар. Киһи кими,тугу талара көҥүл. Ол гынан баран Старостин — «Единэй Россия» чилиэнэ.  Оттон «Сиэрдээх Россия» партия бэйэтэ туруорбут кандидаттаах — Тимофей Нестеров.

Маннык балаһыанньаҕа саха киһитигэр уустук балаһыанньа үөскүүр: биир өттүнэн партия ирдэбилэ, иккис өттүнэн, киһи көҥүл талар бырааба. Түмүгэр: сахаларга партиянан арахсыы, партиялаһыы барсар дуо?

***

Aartyk.Ru

 

Обсуждение • 2

Добавить комментарий
  1. миша

    Ол аата Старостин госдеп улэьитэ эбит. Ити Гаврильева диэн дьахтар Мэнэ Ханалас убулээн ООН тиийэн доклад аахта5а дии. Былаас сахалары ата5астыыр диэн.

  2. Хэх

    Скажете тоже)). Сурэх багатынан дьон таллын ээ кимиэхэ куоластыырын. Того бобо сатыыллар.

Оставить комментарий    

!