Курс валют
$
92.37
0.1
99.53
Курс валют
Курс валют
$
92.37
0.1
99.53
Меню
Поиск по сайту

Кулан Хаан: «Уолуйума. Куттаныма»

25.09.2022 11:41 3
Кулан Хаан: «Уолуйума. Куттаныма»

Балаҕан ыйын 21 күнүгэр дойду баһылыга Вл. Путин бастакы хомуур туһунан Ыйаах таһаарбытын кэннэ, соһуччута бэрдиттэн дьон олус уолуйда, ыгылыйда.

Бойобуой уопуттаах, 35-гэр диэри саастаах дьону уонна 50-гар диэри саастаах саппааска сылдьар аппыһыардары эрэ хомуурга ыҥырабыт диэн этиллибитин үрдүнэн, военкоматтар туох да туос бөтөрөҥүнэн аҥаар кырыытыттан дьону хомуйан автобустарга угаттыы-угаттыы Дьокуускайга, онтон Хабаровскайга утаарбыттара. Саас да, уопут да, социальнай балаһыанньа да учуоттаммаакка – түбэһиэх.

Онтон Хабаровскайтан элбэх киһи сыыйыллан төннөн кэлэр буолла диэн сонун таҕыста.

Aartyk.Ru ааҕааччылара көрдөһүүлэринэн, Кулан Хаантан буола турар быһыыга-майгыга бэйэтин санаатын этэригэр тиэрдибиппит. Онуоха сарсыныгар ютуб-ханаалыгар видео уһулан туруорда. Сиһилии ссылканан киирэн көрүҥ.

Кылгатан эттэххэ, Кулан Хаан буола турар олоҕунан олоруҥ, Дьылха хаан оҥоһуутун, тургутуутун холкутук ылыныҥ. Сиҥҥэ түспэккэ, ортотунан сылдьыҥ. Атаарааччылар оҕолоргутун, эрдэргитин, бырааттаргытын, убайдаргытын алыс аймаммакка, төттөрүтүн этэҥҥэ сылдьарыгар алҕаан, кытаанах сүрү иҥэрэн ыытыҥ. Ол буолуо көмөҕүт – үтүөнү түстээһин. Ытыыр-соҥуур, куһаҕаны түүйүү – сатаммат, алдьархай аанын аһыы. Бу буола турар улахан тургутууну ким хайдах туоруура – ис туруктан тутулуктаах.

Балаһыанньа уустук, барыта этэҥҥэ буолуо диир кыаҕым суох, араас барыта тахсыан сөп. Бу Айылҕа тургутуутун төһө этэҥҥэ ааһабыт? Соҕурууттан-арҕааттан ас, табаар тиэйиллибэт буоллаҕына, сахалар бэйэбит айахпытын ииттинэр кыахтаахпыт дуо? Байыаннай балаһыанньа биллэрилиннэҕинэ, оборона туһугар кыраттан-улаханыттан, оҕоттон-кырдьаҕастан тутулуга суох кыайыы туһугар түмсэн күнү-дьылы аахсыбакка ыарахан үлэҕэ үлэлиир кыахтаахпыт дуо?

…Сэрии илбиһин иҥэриммит, кыылын уһугуннарбыт дьон дойдуларыгар төннөн кэллэхтэринэ, кыылларын саба баттаан, илбистэрин намырытан, сыһытан оҕоҕо-дьахтарга кырыктыйбакка эйэлээх олоххо киириэхтэрин наада.

…Тойоҥҥо-хотуҥҥа, салалтаҕа, чуолаан Ил Дархаҥҥа үҥэн-сүктэн туран – норуоккутун харыстааҥ, урукку алҕастары хатылаабат курдук ортотун булан дьаһаныҥ, үүт-хайаҕас тобулуҥ. Холобурдар таҕыстылар. Толкуйдааҥ. Ульяна Винокурова суруйбутун алыс астына аахтым. Дьахтар наҕыл, үтүө тыына, ийэ амарах санаата тыйыс кэмҥэ өрүһүлтэ.

Бэйэмсэх санаа наһаа элбээтэ. Бу алдьаныахтаах. Норуот, дьон-сэргэ туһугар олоруу, үлэлээһин сыаналанар кэмэ кэлиэҕэ.

…Аныгы сэрии түргэн-тарҕан, наһаа уһуо суоҕа. Атын кэм кэлээри турар.

***

Aartyk.Ru

 

Обсуждение • 3

Добавить комментарий
  1. Мда

    “Бу Айылга содулун..” диэбит. Айылга буолбатах, политика. “Сэрии илбисин инэриммит, кыылын усугуннарбыт дьон дойдуларыгар эргиллэн кэллэхтэринэ..” диэбит. Сэриигэ сылдьыбыт Саха дьоно хасан да илбис инэриммит, кыыллара усуктубут буолан тонно иликтэр этэ. Кимнээгэр эйэлээх ологу сыаналыыр, туспэтийбит, дьиппиэн дьон эргиллэр этилэр. Ага дойду улуу да сэриитин кэннэ, афган, Чечня да сэриилэрин кэннэ. Хата манна, эйэлээх олоххо, Туймаада хочотугар, Аргаалартан кэлбит уп – харчы эрэ эккирэтиитин ухханыгар, Аргаалар киси – кисиэхэ боро диэн идеологияларынан сутуллан, илбискэ киирэллэрэ, кыыллара усуктара баар бысылаах.. Бу сэрии биир улахан соруга ол – Аргаалар кисиэхэ кыылы усугуннарар илбистэриттэн босхолонуу.

  2. Оннук

    Сепке эппит. Учугэйи эрэниэххэ наада.

  3. Дьэ диэ

    Кулан сэриигэ сылдьан эргиллибиттэр ортотугар араас дьон баар буолуохтарын, “кыылларын киллэрбиттэр”, диэн син сопко этэр. Сорох оннук дьон сэриигэ сылдьыбыт онолоругэр манна кэлэн туох эрэ сокуону тасынан, дьонно тугу эрэ соннуур, “былаастарын олохтуу”, осуобай болгомто, “авторитет” кордуу сатааччылар баар буолуохтарын соп. Криминальнай, околокриминальнай тумсуу сана корунэ уоскуон соп. Оннуктар, сорох сурагынан, бэлиэр агыйахтыы ый сылдьан кэлбиттэр ортолоруттан костуох курдуктар дииллэр. Манныгы хара тордуттэн саба охсуллуохтаах. Аан бастаан сэриигэ сылдьан кэлбит маасса дьон бэйэлэрин ортотуттан дьарыйыахтара диэн эрэнэ саныагын. Уонна дьон – сэргэ, общество бэйэтэ.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»