Курс валют
$
62.44
0.18
73.24
0.45
Курс валют
Курс валют
$
62.44
0.18
73.24
0.45
Меню
Поиск по сайту

Ил Түмэн бэрэссэдээтэлэ Александр ЖИРКОВ ааспыт быһылааҥҥа сыһыанын эттэ

05.05.2018 00:45 12
Ил Түмэн бэрэссэдээтэлэ Александр ЖИРКОВ ааспыт быһылааҥҥа сыһыанын эттэ

Ыам ыйын 4 күнүгэр Нам Хатырыгар Улуу Кыайыы 73 сылыгар аналлаах тэрээһиҥҥэ тахса сылдьан, Ил Түмэн спикерэ Александр ЖИРКОВ парламеҥҥа тахсыбыт быһылааҥҥа санаатан эттэ.

Ол туһунан «Ил Түмэн» хаһыат бэчээттээтэ:

«Бу дьыл муус устар ый 25-26 күннэригэр Ил Түмэн уочараттаах пленарнай мунньаҕа буолбута. Мунньах буоларын туһунан дьаһал биир ый иннинэ тахсыбыта, онон туһааннаах тэрилтэлэр бары бу күн Ил Түмэн пленарнай мунньаҕа буоларын билэллэр этэ. Пленарнай мунньах иккис күнүгэр, 26-ка, сарсыарда 8 чаастан саҕалаан Ил Түмэн икки кабинетыттан докумуоннары ылҕааһын буолбута. Ол күн икки депутаты утары холуобунай дьыала тэриллибитэ. Билигин кинилэр дьиэлэригэр тутуллан олороллор.

Маннык бөрүкүтэ суох түгэннэр урукку өттүгэр эмиэ буолаллар этэ. Бэһис ыҥырыылаах Ил Түмэн үлэтин устатыгар хас даҕаны маннык охсууну ылла.

Бу быһылаан дьону-сэргэни долгутта, аймаата даҕаны. Ил Түмэн аатыгар түөн, күлүк түстэ. Дьон санаата эмиэ атын-атын.

  1. Сорохтор Ил Түмэн Правительствоны алыс истэр, эбэтэр, төттөрүтүн, Правительствоны кытта утарсан сүгүн үлэлээбэт тэрилтэ курдук этэ сатаатылар.

Манна тугу этиэҥий?

Ил Түмэн Правительствоны кытта бииргэ үлэлиэхтээх, биир өрөспүүбүлүкэ, биир дойду туһугар. Онно сөпсөһөр да, сөпсөспөт да түгэннэр баар буолаллар. Ити – күннээҕи үлэ түбүгэ. Инникитин даҕаны Ил Түмэн ити суолу тутуһуоҕа. Утарыта турсуу, хардарыта өсөһүү судаарыстыбаннай таһым буолбатах. Итинник быһыыланыыны биһиги таһаарыа суохтаахпыт.

  1. Сорохтор бу быһылаан эрдэттэн бэлэмнэнэн, өрөспүүбүлүкэ аатын-суолун, эбэтэр салалтатын мөлтөтөр соруктаах анаан оҥоһуллар диэн улаханнык дьиксинэллэрин биллэрдилэр. Оннук буолбатар ханнык диэн баҕа санаалаахпын.
  2. Сорохтор бу тоҕо Саха Өрөспүүбүлүкэтин Правительствотынан тэриллибит, сүнньүнэн онтон үбүлэнэр, салаллар Саха телевидениетэ, ЯСИА курдук бэчээт уорганнара алыс сытайан туран Ил Түмэн үрдүнэн көтө сатаатылар, ити аата өрөспүүбүлүкэҕэ былаас иһигэр киирсии бара турар эбит диэн түүйдүлэр.

Маннык санаа сыыһа буолуоҕа.

Биллэн турар, ити икки этиллибит сибээс тэрилтэлэрэ үөһээттэн дьаһала суох буолбатахтар. Ол гынан баран бу сырыыга ол дьаһал алыс үөһэттэн буолбакка, ортоку соҕус тойоттор үлүмнэһиилэрэ буолла.

  1. Сорохтор бу быһылааҥҥа түбэспит дьону тус бэйэлэрин буруйдууллар, онуоха эмиэ – ким сэтэриир, кэлэйэр, ким аһынар, көмүскүү саныыр.

Ис дьиҥэр ким буруйдааҕын – буруйа суоҕун суут эрэ быһаарар кыахтаах. Сокуон оннук. Билигин бу дьон уорбалааһыҥҥа түбэстилэр. Силиэстийэ барар. Мин кинилэри үһүөннэрин өрдөөҕүттэн билэбин. Кинилэр эмиэ бэйэ-бэйэлэрин үчүгэйдик билсэр дьон. Маннык быһыыламмыттара буолуо диэн санаам хоппот. Ол туһунан этэн турабын. Силиэстийэ киһилии, сиэрдээхтик барыахтаах. Онтон ким кырдьыгын-сымыйатын суут быһаарыаҕа.

Дьон-сэргэ баһыйар үгүс өттө бу быһылааҥҥа мындырын, киэҥин көрдөрдө. Оннук буолуохтаах даҕаны. Уһун тыыннаах, киэҥ санаалаах норуот хаһан баҕарар ордук бөҕө, бөҕөх буолар. Ханныгын да иһин, бу түгэнтэн Ил Түмэн үлэтэ тохтоон хаалыа суоҕа. Дьон-сэргэ ону өйдүүр.

Үлэҕэ итэҕэс, кыаллыбатах да үгүс. Ол гынан баран, бэһис ыҥырыылаах Ил Түмэн үлэтин таһы мэлдьэһэр кыаллыа суоҕа. Ил Түмэн Ил Дарханы, Правительствоны, муниципальнай тэриллиилэри, дьону-сэргэни кытта утумнаах, өрөспүүбүлүкэ интэриэһигэр туһуламмыт үлэни дьаныһан туран тутуһан кэллэ.

Бэһис Ил Түмэн өрөс­пүүбүлүкэ иһинэн муҥур­даммакка, Федеральнай таһымҥа бэйэтин этиитин балайда тириэртэ. Өскөтүн ааспыт өттүгэр түөрт ыҥырыылаах Ил Түмэн Федеральнай мунньахха киллэрбит этиилэрин 3-5 бырыһыана ылыныллыбыт эбит буоллаҕына, бэһис ыҥырыылаах Ил Түмэн хас төрдүс этиитэ барыта Федеральнай таһымҥа ылынылларын ситистэ.

Өрөспүүбүлүкэ хас да сокуона атын субъектарга тар­ҕанна, федеральнай таһымҥа сэҥээриини ылла. Ил Түмэн депутаттара Федеральнай Мунньах араас хамыыһыйаларыгар, бөлөхтөрүгэр үлэлэстилэр уонна үлэлии сылдьаллар. Кинилэр этиилэрэ Федеральнай сокуоннары бэлэмнээһиҥҥэ, ылыныыга балайда туһалаах буолла.

Ил Түмэн өрөспүүбүлүкэ судаарыстыбаннай баайын-дуолун, сирин-уотун дьаһайсыыга олохтоох дьон интэриэһин тутуһан үлэлээтэ. Төрөөбүт тыл, төрүт омуктар көмүскэллээх буолууларын туһугар Россия атын субъектарыгар суох сокуоннары ылынна.

Ил Түмэн ылыммыт Экологическай доктрината төрөөбүт дойдубут айылҕата, сирэ-уота чөл буоларын үгүс сылларга араҥаччылыы туруоҕа.

Ил Түмэн депутаттара Саха Өрөс­пүүбүлүкэтин судаарыстыбаннаһын сайыннарыыга, бэйэбит норуоппут историята ситимнээх буоларыгар, саха норуотун инникитин, норуоттарын дьылҕатын туһугар үлэлэспит  дьоннор ааттарын үйэтитиигэ утумнаахтык, сыал-сорук туруоран үлэлээн кэллэ.

Ил Түмэн депутаттара өрөспүүбүлүкэҕэ, дойдуга буолар хамсааһыннарга көхтөөхтүк кытталлар. Дойду, ону таһынан норуоттар икки ардыларынааҕы таһымнаах тэрээһиннэргэ Ил Түмэн депутаттара төрөөбүт Сахаларын сирин, бүтүн Россия аатын ааттаттылар. Ил Түмэҥҥэ үрдүк профессиональнай таһымнаах депутаттар үлэлииллэр, өрөспүүбүлүкэ сокуоннара Россия правовой хонуутугар үрдүк хаачыстыбалаахтарынан, ситэ-хото чочуллубуттарынан билиниллэллэр. Бу таһымы биһиги намтатыахпыт суоҕа. Үлэ оннук барыахтаах.

Ытыктабыллаах ветераннар! Барыта санаа хоту буолбатах. Олохпут оннук. Бу түһүүлээх-тахсыылаах кэмҥэ Ил Түмэн үлэлээбит тэтимин ыһыктыа суоҕа. Ил Түмэҥҥэ дьон итэҕэлин, бэйэлэрин ааттарын, дойдуларын туһун үрдүктүк тутар депутаттар үлэлииллэр. Инникитин даҕаны оннук буолуохтаах, буолуоҕа даҕаны».

***

http://news.iltumen.ru

Обсуждение • 12

Добавить комментарий
  1. Сепке эппит

    КиЬи ылынарын курдук быЬаарбыт.
    Сахалар, тумсуулээх буолуохха!

  2. 3567

    Рука руку моет, это даже понятно от комментарии борисова.

  3. Минсаха

    Студент са5аттан ейдее5е биллэрэ. Инники дьыл5ата дьэ хайдах буолар? Быыбардар энин. Ил-Дарханна анньыhыа этэ.
    Онно быыбар буолар куннээх буолла5ына. Арай Тумусов, Айсен, Жирков, Борисов кииристиннэр. Дьэ атыыр айдаан буолар дии, тэннээхтэр курэстэhиилэрэ.

  4. 456

    Санаатын сөпкө аһаҕастык эппит

  5. ч

    ЖАН өйдөөх бөҕө киһи буоллаҕа, ол гынан баран дьон туһугар үлэлииллэрэ буоллар. Маныаха диэри дьон туһугар үлэлээһин мөлтөх.

  6. Республиканец

    Итинник ким ба5арар сымыйанан отчуоттуон сеп. Бездельник чиновниктар «онорбут улэлэрин» хастыы да чаасы быса араатардыыллар. Дьону кырбаан хаайыллыбыт уолун босхолууругар республика бюджетыттан хас харчы барбытын, 25 сылы быса депуттаттан олорон материальнай благосостояниета тесе тупсубутун уонна туох имуществолаа5ын (хас пенсияны ыларын), билинни созыв депутаттары норуот то5о «криминиальнай Ил Тумэн» диирин энин кэпсиэ этэ буолла5а. И еще, республика актива барыта атыыламмытыттан кинилэр хас суумалаах откаты-доляны ылбыттарын?
    Саатар сирэйэ суох киси, ессе Парижка тиийэн коментарийдыы олоруохтаах.
    Пора ему туда, куда он заслужил!
    По ним всем тюряга плачет. Уаровтаа5ы учугэйдик хастахтарына, все всплывет.

  7. Якутянин

    Эйэлээх,тумсуулээх буолуо5ун

  8. Айсен

    Жирков плохой человек

  9. нюрбинец

    Жирков правду сказал

  10. Небаран

    Жирков, Давно нужно было к народу обратиться. Все верно сказал вроде.

  11. Тимир Саппыкы

    Уопсайынан бу сааттаах парламены ыһан кэбиһиэххэ наада. Коррупция саба бүрүүкээн олороро биллэр. Саҥа дьону талан, сыымайдаан ылыахха. Ити хас да болдьоххо олорбут депутаттартан туһа суох. Республика дириҥ иэскэ киирбитигэр бу дьон сыһыаннаахтар! Бастакы парламент эрэ киһилии үлэлээбитэ. Билигин кимнээҕий ити дьон А. Акимов куорат ортотугар үс этээстээх дьиэни босхону үрдүнэн ылбыта. Иэһэ 88 мөлүйүөн (!). Билигин да турунаары сылдьар. Итинник дьонтон ураты дьоммут суох дуо ама? Алина Винокурова инбэлимдтэри албыннаан сууллаары турар мас дьиэни атыылаан баран сууттаһан хотторон баран төлөһө илик. Итинник дьон Саха Сирин умса тартылар. Сахалар өйдөнүҥ! Хас албын тыллваҕы истимэҥ!

  12. Саха уола

    Ыллаан да ытаан да, бу ааьан эрэр ИЛ Тумэн V созыв депутаттара сунньэ суох улэлэрэ норуокка кесте сылдьарын хайдах да кеннербеккун. БЕА ба5арда5ын аайы киирэн тугу эппитин куоластатан тахсар. Барыыьап ииктиир иьитэ, тэстэр тэллэ5э буолбут Ил Тумэн норуокка наадата суох. Аны куьуццу быыбарга парламент састаабын 100% уларытыахха наада. Бэйэлэрин санааларын, керуулэрин туруорсар уонна онтукайдарын кемускуур дьон буолуохтаахтар. Уаров курдук пиаданан, ватсабынан суругунан оонньообокко.

Оставить комментарий