Курс валют
$
74.36
0.99
90.41
1.44
Курс валют
Курс валют
$
74.36
0.99
90.41
1.44
Меню
Поиск по сайту

Евгений ФЕДОРОВ кыыһыгар бэлэхтэппит дьиэтин тула айдаан (эҕэ-дьаҕа)

11.12.2020 14:35 19
Евгений ФЕДОРОВ кыыһыгар бэлэхтэппит дьиэтин тула айдаан (эҕэ-дьаҕа)
Ил Дархан уонна правительство дьаһалтатын солбуйар салайааччыта Евгений ФЕДОРОВ соторутааҕыта Саха сирин Киин быыбардыыр хамыыһыйатын салайааччытынан ананна. Үөрүү бөҕө.
Евгений ФЕДОРОВ үйэ саас тухары Дьокуускай куорат мээрийэтигэр үлэлээн кэлбит тобус-толору тойон. Тойоттор  «сиэрэй кардиналлара», «охсор-тэбэр илиилэрэ» диэн ааты хара күүһүнэн сыһан-соһон тиритэ-хорута сылдьар.
Евгений ФЕДОРОВ туох баар айдаантан мүлчү туттарар саһыл саҕалаах сатабыллаах салайааччы, эр бэрдэ эристиин. Бэл, «Михальчук мээрийэтин» курдук муутунуй ууттан дьэҥкир ыраас тахсан, хата федеральнай тэрилтэҕэ ньылбырыс гынан, айдаан сөҕүрүүрүн ээр-сэмээр кэтэһэн чороллон олорбуттаах. Онтон былаас уларыйарын-тэлэрийэрин кытары эмиэ ас таһаарынар киин куоратын дьаһалтатыгар сыбыс гынан киирэн бочуоттаах олбоҕор олорунан кэбиспиттээх. Үс үөстээх, тэмтэрийбэт дьылҕалаах диэн кинини этэн эрдэхтэрэ. Айаҕалыы сатаан дьон «арааһа хотуппат «хотугу ыал» киһитэ дуу, туох дуу» диэн бэркиһиэхтэригэр диэри.
Евгений ФЕДОРОВ, «аҕыйах киһиэхэ киэҥник биллэр киһи», соторутааҕыта хаһыаттанна, сирэй-харах анньылынна. Михальчукка үлэлии сылдьан кыыһын сыбаайбатыгар байыаннай бэтэрээннэргэ анаммыт кыбартыыраны кып гыннарбыт диэн суруйдулар. Аҥаардас бу сылга түөртэ холуобунай дьыала көбүтэр-көбүппэт, тэрийэр-тэрийбэт турукка киирэн тахсыбыттар.
2020 сылга киирэн баран ИДьМ лейтенана  Белолюбского түөрт төгүл холуобунай дьыаланы көбүтэри олоҕо суоҕунан аахпыт. Аны ол Белолюбскай санаатын республика прокуратурата утарар эбит — дьыала тэриллиэхтээх, туох аатай диэн. Бүтэһигин бу сэтинньи 3 күнүгэр бырачыастаабыт:  «Өссө биирдэ бэрэбиэркэлээҥ!» — диэн.
Дьэ, Евгений ФЕДОРОВ, мээрдэр сүбэһиттэрэ, Ил Дархан, правительство дьаһалтатын солбуйар салайааччыта, ЦИК бэрэссэдээтэлэ урут-хойут тугу гыммытый? «Гыммыта» элбэҕэ буолуо да, биири ороон таһаарбыттар.
20 сыл анараа өттүгэр (эчи ырааппытын)  Илья Михальчукка үлэлии сырыттаҕына Евгений Николаевич кыыһа эргэ барбыт. Онуоха Михальчук кыттыгастаах курдук наһаа үөрбүт. Уонна оруобуна байыаннай бэтэрээннэргэ анаан дьиэ тутулла турар эбит, онтон  икки хостоох кыбартыыраны Федоров кыыһыгар «бэлэх» ууммут. «Кыбартыыра 35% сыанатын төлөөбүтүм, мээр бэйэтэ бэлэхтээбитэ, мин ону тугун билиэхпиний», — диэн Федоров полицияларга быһаарыы суруйан тумсун дулҕаҕа ньылбы соттон кэбиспит. «Оттон эн дьиэ түҥэтэр испииһэккэ бэйэҥ илии баттаабыккын буолбат дуо?» — диэн полициялар тоҕо эрэ кинини муннукка ыкпатахтар.
Полициялар сайыны быһа «кыбартыыранан бэлэх уунар» Михальчугу доппуруостаары тымтыктана-тымтыктана көрдүү сатаабыттар.  Дьокуускайга. Михальчук Саха сириттэн барбыта уонтан тасха сыл буолбутун уонна уопсайынан куоракка атын мээр, дархан эҥин талыллыбытын полициялар ончу билбэттэр эбит. Хата дьолго Путин уларыйбата да сөп эбит, бу дьонуҥ аны атын киһини көрдөөн бэйэлэрэ дьыалаҕа эриллиэхтэрэ этэ.
Михальчук арааһа манна олорор буолуохтаах диэн биир аадырыска тиийэ сылдьыбыттар. Дьиэлээх хаһаайын «ээ, манна мин олорбутм ыраатта, көрдүүр киһигит Дьокуускай кэнниттэн Архангельскайга эҥин губернатордыы сылдьыбыта, билигин Москубаҕа олороро буолуо» диэбит. Онуоха полициялар олус соһуйбуттар уонна  «Михальчук И.Ф. кыайан доппуруостаабатыбыт» диэн боротокуолга киллэрбиттэр.
Оттон Федоровы ким үҥcүбүтүй диир буоллахха — Николай Васильев, ССРС сэбилэниилээх күүстэрин бэтэрээнэ. Былырыын сэтинньи 19-гар ФСБ Саха сиринээҕи управлениетыгар сурук суруйбут: «Бу киһи дуоһунаһын туһанан бэтэрээннэргэ анаммыт дьиэттэн бэйэтин кыыһыгар кыбартыыра ылан биэрбитин иһин быһыытын-таһаатын, майгытын-сигилитин сокуон хараҕынан сыаналааҥ, ноһуоратын көннөрүҥ», — диэн. ФСБлар ол суругу бастаан Следственнэй кэмитиэккэ биэрбиттэр, ол дьон прокуратураҕа ыыппыттар, онтон аны олор ИДьМҥа  утаарбыттар. ИДьМ буоллаҕына учаастактааҕы полицейскайга — Белолюбскайга түһэрбиттэр. Участковай итиччэ улахан чыыннаах-хааннаах киһини хайдах эппиэккэ тардыаҕай, дьыаланы сабан кэбистэҕэ.
Ол айдааннаах кыбартыыра хаһаайката — Евгений Николаевич мааны кыыһа — Надежда билигин «Водоканал» солбуйар генеральнай дириэктэрэ, хотуннаатар хотун. «Михальчуктан бэлэхтэппит» дьиэтин бэлиэр атын киһиэхэ атыылаабыт үһү. Ол гынан баран хаһыаччыттар суруйалларынан, атыы-тутуу докумуона сүүрүҥүй.
Суруналыыстар Николай Васильевтан, байыаннай бэтэрээнтэн, тоҕо урут үҥсүбэтэххиний, билигин эрэ кэлэн үҥүстүҥ диэн токкоолоспуттар. Ону Васильев эппит: «Урут үҥсээри гыммытым ону Федоров «киэҥ кэскилбин сарбыйыма, архааннаах аартыкпын быһа түһүмэ» диэн үҥэн-сүктэн көрдөспүтүгэр нохтолоох сүрэҕим толугуруу мөхcөн аһынан алдьаммытым», — диэбит.
Евгений ФЕДОРОВ бэйэтэ буоллаҕына кыбартыыраны ылбытын олох умнан кэбиспит.  Саас баттаатаҕа. «Аа, сайын ыҥыра сылдьыбыттара быһыылааҕа этэ дуу… Түһээтим этэ дуу… Умнубуппун. Прокуратура бырачыастаабыт дуо-аа? Тоҕо? Миигин утары холуобунай дьыала тэрийтэрээри дуо? Һым… мин ону олох не знаю… Иэдээн эбит дии».

Барахсан маннык умнуган-тэмнигэн киһи дьэ куоласпытын хайдах түҥ-таҥ ааҕаахтыыр.

***

Aartyk.Ru

Обсуждение • 19

Добавить комментарий
  1. ГОСТЬ

    Судить казнокрадов надо, неприкасаемый , кто крышует его ?
    Всю банду под суд!!!

    • Малдер

      Приобретение квартиры оплачено по существовавшим в то время правилам в размере 35% стоимости. Никакого казнокрадства нет в помине.
      Моральные издержки возможно имели место быть…

  2. Сэмэн

    Сымыйаны суруйуу, 20 сылла5ы, Михальчук са5анаагы. Хайдах да дьыала тэриллибэт. Ити ахталыйар аартык хотуна наар саханы сиир

    • Дьэ

      Ээ оннук уордуннар тойоттор👍🏻👍🏻👍🏻Саната суох ону керен олоруохха🤣

  3. Мин

    Аартыктар того эрэ айдааннаах Ньурба улуусун басылыгын тыыппаттар, того эбитэ буоолар, Попов сагана Ньурбага кыра да эдьигэни кербеттере, барытын суруйан аан дойдуга тисэллэрэ , дьэ саарбах Аартык буолбут, харчы сыттаах дуо?

  4. Анна

    Былаас аайы баар дьон, Федоровтар. Советскай былааска агата обком бастакы секретарын чугас комолоьооччутэ, Сэбиэскэй былааьы эспиттэригэр эмиэ бааллар. Комсомолу Женя саныыра дуу, суога дуу?

  5. Семион

    Аата сүрүн! Баҕайылар байан-байан бараннар кыбартыыраларын да атыыласпакка босхо ылаллар эбит буолбат дуо.

  6. киьи

    Ити тойон дьону унсэринэндьарыктанар этэ, билигин бэйэтин этинэн-хаанынан биллин. Уонна бу статьяны Обедин булан таьаарбыта бастаан.

  7. 8сс8 биир киьи

    Уус-ураннаан, учугэй ба5айытык суруйбуттар. Хомойуох иьин, улуустарга сахалар интернета суох олордохторо дии. Ким да, тугу да билбэт. Ас айдааныгар сылдьаллар билин,ээн,н,э дылы.

  8. 3363

    Он же сам подписал документ о выделении квартиры. Это чистой воды коррупция, мошенничество, превышение полномочий. Посмотрим как будут судить своего! Неприкасаемых не должно быть!

    • Малдер

      По регламенту обязан подписывать все выходные документы Мэрии Руководитель аппарата!

  9. Да

    Бедолага страдает за новую должность руководителя избиркома , так как видимо должен обеспечить 2 срок Главы . То ли еще будет , если так ретиво взялись.

  10. Кулгаах

    Оҥорбутугар эппиэттиэхтээх буоллаҕа. Тугуй ол, квартираннан бырахса сылдьар туохтарый кинилэр? Уонна ити Федоров киһийдэх суобастаах буоллаҕына устунуон сөптүҥү.

  11. Копченый

    Подумаешь, выкопали один случай из нескольких. Да и срок давности давно прошёл.

  12. ГОСТЬ

    СК, ФСБ, ПРОКУРАТУРА у НАС есть ?
    Нужно провести проверки и письма писать в Москву
    почему проверок нет и посадок ?
    Откупаются или в связке работают все?
    Ни одного громкого дела нет , тишина

  13. Аксакалы

    Весной 2021 года пора людям выходить и требовать власть к ответу
    за все дела темные , пусть увидят по России что твориться

    Беспредел, казнокрадство, и коррупция под чьей крышей Москвы?

  14. Узбоглйтесь

    Суор харагын суор онпот.

  15. Куоста уол

    онноо5ор буолуохтар кэлэн 1-2 сыл улэлииллэригэр хастыы эмит квартираны эргитэн барбыттарын билбэтэ5э буолаллар дуу, дойдутугар улэлии олорор киьи харчытыгар 20 сыллаа5ыта дьиэлэммитэ туох айдааны таьаарыахтаа5ый, ветераммыт да унсуугэ !

  16. Мэнэ киьитэ

    Куоста уол сепке этэ5ин, мэрийэ5э теьелеех элбэх сыл улэлээбитэй, айдарыахха эрэ диэн айдаара5ыт

Оставить комментарий