Курс валют
$
76.47
0.61
90.41
0.94
Курс валют
Курс валют
$
76.47
0.61
90.41
0.94
Меню
Поиск по сайту

Эдэр ырыаһыты муҥун муҥнаан эрэллэр

19.09.2020 13:46 8
Эдэр ырыаһыты муҥун муҥнаан эрэллэр

Намтан төрүттээх KitJah диэн эдэр ырыаһыт уол социальнай ситимҥэ оҕотун хаартыскатын таһаарбытын ким эрэ атын социальнай ситимҥэ — Твиттергэ — туруорбут.

Интернеккэ араас дьон олорор. Оҕо хаартыскатын дэлби ырыппыттар уонна сорохтор быдьардык үөхпүттэр. Эдэр аҕа онтон абаран видео таһаарар: «Ылан кэбис, ылбатаххына булуом, өлөрүөм», — диэн.

Ити видеоттан сылтаан аны КитДжа бэйэтин үрдүгэр түстүлэр. Билигин суут-сокуон кытаанах. Социальнай ситимҥэ итинник тыллары ыһыктар сүрдээх содуллаах буолуон сөп.

Өтөрдөөҕүтэ эрэ бу эдэр ырыаһыт  уол «Звезда» ханаал ыытар куоҥкуруһугар кыайбытыгар ханнык тылынан хайҕыахпытын булбатахпыт. Аны кэлэн билигин сорун сордоон…

Дьэ диэ. Онон социальнай ситимҥэ бэйэ оҕотун, аймаҕын туһунан информацияны, хаартысканы таһаарар сэрэхтээх. Уопсайынан, ити эйгэ бары өрүтүн барытын учуоттуур тоҕоостоох. Саха сиэринэн кыра оҕону сэттэ сааһыгар диэри туора дьонтон кистиир, киһи ахсааныгар киллэрбэт буолаллара. Харыстаан. Билигин сорох эдэр ыччат да буоллун, саастаах да дьон буоллун социальнай ситимҥэ тугу гыммыттарын, тугу туппуттарын, аһаабыттарын-сиэбиттэрин, тахсан киирбиттэрин кытары «запости» гынар буоллулар.

Публичнай дьон социальнай ситимҥэ олороллоро өссө өйдөнөр —  үлэлэрин, уобарастарын сороҕо буолар. Ол гынан баран ол содулун, иккис өрүтүн эмиэ өйдүөххэ наада. КитДжаҕа саастаах аймахтара, табаарыстара сүбэ-ама буолуохтара диэн эрэнэбин. Оттон атын дьон уолу олус үөхпэккитигэр, эдэр киһини харыстыыргытыгар көрдөһүөм этэ.

***

Прасковья НИКАНОРОВА,

«Аартыкка» анаан.

Обсуждение • 8

Добавить комментарий
  1. Оннук

    Мээрийэлэр холобур кердереллер дии — куну быЬа Инстаграмна олороллор, онно эрэ кыра-хара дьону кытары общайсы буолаллар, норуот ыйытыктарыгар эмиэ онно эрэ хоруйдууллар, атын ханнык да нэЬилиэнньэни кытары кэпсэтэр ханааллара таЬы мэлигир.
    Ону кере-кере утуктэллэр буо — соцсеттэн тахсыбат буолаллар, тугу гыммыттарын онно эрэ кэпсии уерэнэн хаалаллар, куорат былааЬа итинник буолар буолбутун кэннэ?
    ЭбиЬийээнэлээЬин диэн сахаларга былыргыттан баар.

  2. икки өттүттэн тыллара быдьарда

    Ырыаһыппыт да ол кинини үөҕэр дьонтон уратыта суох курдук тыла өһө эбит. Этэргэ дылы чоху чохутугар, баҕа баҕатыгар! Бэйэтин тыла өһө сааныылаах үөҕүүлээх ди, оччотугар кинини да ырытар комментарийдыыр дьон оннуктар буоллаха, соһуйбута буоларый?! Икки өттүттэн соччото суохтар. Публичнай киһи буолар ыарахан, өрүү ытыс үрдүгэр сылдьыахпыт дии саныыллар дуо? Араас араҥа олорор буоллаха интернет ситимигэр, интеллигентнай дьонтон саҕалаан отой хаайыы да иһигэр олорон быдьардык үөхсэр дьон. Дьон айаҕын барытын саба бүөлээбэтэ буолуо, бэйэтэ олоҕун ыһа тоҕо көрдөрүө суох этэ буоллаҕа тириитэ чараас уйан дууһаалаах буоллахына эбэтэр күүстээх санааланан аахайыа суохтаах хас биирдии «ыт үрүүтүгэр».

  3. 😄

    Мунун муннууллар,
    Эрэйин эрэйдииллэр,
    Сорун сордууллар,
    Кэбин кэбилииллэр,
    Ээгин этитэллэр,
    Уонна эбиитин эмэЬэгэ тэбэллэр.

  4. О5онньор

    Киһи аймах оннук буоллаҕа, Даллес былаана Россияҕа үлэлии турдаҕа….

  5. Тыа уола

    Бэйэтигэр эппиэт биэрдэхтэрэ дии.

  6. хаалыма

    Билиҥҥи кэм киһитэ үлэтэ суох буолан интэрниэти хасыһан үптэнэ сатыыр быһыылаах.Истэригэр санаабыт санаалара эфиргэ тахсан хаалар.Билиҥҥи ойууннар ойунннуур быһыылара.шаманят.

  7. Мэри не Поппинс

    Нам буолбатах,Сунтаар ээ

Оставить комментарий