«Духовный клининг» уонна мээр лекцията
Ааспыт субуотаҕа Дьокуускай куорат мээрэ Евгений Григорьев Атласовтар уһаайбаларыгар куорат олохтоохторун кытары көрүстэ. «Мээрдиин дүҥүр киэһэтэ», «мээр иккис болдьоххо хааларын туһугар кыырыы», «ойууннары кытары көрсүһүү» диэн соцситимҥэ сурах-садьык бөҕө тарҕаммыта. Ол онтон мээр бэйэтэ да соһуйбутун бастаан быһаарда.
Предприниматель Айаал Макаров («Мясной двор» хаһаайына) Хордоҕой Бахсыны уонна Добун Эрчимэни кытары билсиһиннэрбит. Приемҥа киирбиттэр быһыылаах. Ону Евгений Григорьев бэйэтин көрүүтүн эппит, онуоха бу санааҕын аһаҕастык дьоҥҥо кэпсээ диэн буолбут. Чэ, буоллун диэбит. Уонна бэйэтин дьыалатынан Москвалаан каалбыт. Арай Москваттан көтөн кэлэн баран соцситимҥэ хайп буола турарын туһунан дьон скрин бөҕө түһэрэн ыыппыттар. Бэйэтэ да соһуйан хаалбыт.
-Голливуд киинэтин афишата сымыйа, оҥорбут уолга – биэс сыана! – диэтэ.
Хордоҕой Бахсы уонна кини кутуруксутабын диир Добун Эрчимэн былаас киһитин «ээх» дэттэрдибит диэн итиитинэ туттумахтаһан арбанан хаалбыттар. Атын киһинэн сирэйдэнэн, бастатан туран, ааттарын-суолларын сураҕырдыбыттар – бээ, бро, көрүҥ, кими кытары үлэлиирбитин! Иккиһинэн, маннык-маннык реклама таһааран эрэбит диэн сирэйдэнэр киһилэрин кытары эрдэ сүбэлэспэтэхтэр. Дьикти соҕус дьон буолан таҕыстылар.
Чэ, сөп, билигин итинник «духовнай коммерсаннар» буолунайдар, үп-харчы хантан кэлэрин билэллэр.
Мээрбит бу көрсүһүүтүн тиэмэтэ «Аҕа баһылык диэн кимий, кинини хайдах иитиэххэ сөбүй?» диэн, лекция форматынан барда диэххэ сөп. Эрдэ кини санаатын Aartyk.Ru бэчээттээн турар. Эр киһи норуотун туһугар эппиэтинэһин өйдүөхтээх, бэйэ бодотун тардыныахтаах, дьонугар-сэргэтигэр араҥаччы буолуохтаах диэн.
Көрсүһүүгэ син балайда киһи кэлбит, ол эрээри саала ыы-быччары диэбэккин.
***
Добун Эрчимэн (уруккута Ларик Баишев урбаанньыт уол, киирэн-тахсан элэгэлдьийбит эдэр киһи) киирии тылы төлөппүөнүттэн аахта. Ойууттарбыт саҥа дьыллааҕы харыйа курдук симэнэн, кылабачыһан ахан мээри кытары биир остуолга олордулар. Биир чаас олордум да, бу дьонтон улахан саҥа-иҥэ суох. Инстаграмы (бобуллубут ситимҥэ) көрдөххө олох «үлэлэрэ» оргуйан олорор быһыылаах, биир чаас приемнара – 6 тыһ., өбүгэни кытары ситимниир үлэ – 30 тыһ. солкуобай эбит. Ону таһынан сири-уоту ыраастаан куйаабыллыы аҕай сылдьаллар. Ыраастыыллар эрэ, ыраастаабаттар ким билиэй. Рекламаларыттан көрдөххө барыны-бары эмтииллэр, ыраастыыллар эбит – «духовный клининг». Сэрэйдэххэ бу мээри кытары көрсүһүү кэнниттэн прайстара лаппа үрдүүр буолуохтаах.
Петр Николаев – Хордоҕой Бахсы (Баараҕай Бахсы буолбатах) кутуруксут-продюсера эргитиитэ сүрдээх: киэһээ 21.00 чаастан ыраастаныы, биир киһиттэн 500 солк. диэн реклама ыыта охсубут. Элик бэрдэ мээринэн сирэйдэнэн клиент була охсон, сыана быһа охсон, көрөн-истэн чолбоодуктанан абытай уоль диэтэҕиҥ.
***
Көрсүһүүгэ кэлбит дьон 60%-на дьахтар аймах, 40% – эр дьон. Эр киһи уонна дьахтар «сэриитэ» буолла да, биллэн турар, «Үс түмсүү» сорҕото Киэсэ Макаарап этэрээтэ баар буолар. Бу сырыыга кини эмиэ баар. Хааһын түрдэччи туттан туран эмиэ «түүҥҥү куоракка кыыс-дьахтар мэнээктээбитин» сүрдээҕин хараастан туран эттэ-тыынна, сүрэҕин тутунна. «Бэрээдэктии сатаан баран кыайбатым, дьахтары дьахтар эрэ кыайар эбит, дьахталлар рейдэҕэ сылдьыҥ», – диэн ыҥырда. Лже-кафелары саппыт да, өссө элбээн тахсыбыттар. Халтайга хаамыы, сииккэ сиэлии буолбут.
Киэсэни кэлин таһырдьа көрсөн: «Туох ааттааҕын дьахтар аймахха таалыҥ кырыыламмыт киһигиний?!» – диэн ыктым. Кыыс оҕото суох быһыылаах, кыыстаах аҕа тыла-өһө атын буолар, дьахтартан ирдээбэт, төттөрү харыстыыр, харыһыйар тыллаах-өстөөх, дьаһаллаах буолар.
Кырдьык кыыһа суох эбит, үс уоллаахпын диир. Уонна: «Эс, миигин сыыһа өйдөөбүккүн. Мин – саха дьахтарын саамай өйдөөх, муударай, күүстээх саналаах диэн сыаналыбын!» – диэтэ уонна чыпчык-чыпчык гынна.
Уолаттара кыыс сиэн бөҕөнү төрөтөн баран эһэлэригэр аҕалан быраҕыахтарын наада быһыылаах, арыый быара сымныырын курдук.
Сэҥийэтин тула уһун бытыктаах биир киһи Ньургун Боотурга мэҥэ бэлиэ туруорарга Владимировка мыраанын үрдүгэр миэстэ баар, кумааҕыга илии баттыы охсон (солоҕуттан көтүөҥ иннинэ диэбит курдук) ол сири кулу диэтэ. Олоҥхоҕо – саха итэҕэлэ, айылҕаны, аан дойдуну анаарыыта барыта тиһиллэ сылдьар диэн бастаан үчүгэй баҕайытык саҕалаата. Онтон кэлин: соцситим дьахталлары буорту гынна диэтэ. Бэккэ саҕалаан иһэн түмүгэр ычыкка киирэн мунан хаалла. Бээ, Ньургун Боотурга эрэ миэстэ көрдүүр эбит, оччотугар Туйаарыма Куо таастан кутуллар дьолтон маттаҕа.
Биир дьахтар сиэнэ уолун көрөөрү тыаттан куоракка көһөн киирбит уонна күтүөтэ наар вахтаҕа сылдьарын, вахтаттан кэлэн баран дьиэ тутуутугар эҥин үлэлиирин кэпсээтэ. «Дьиэтигэр көстүбэт, уолугар болҕомто уурбат, куоракка аҕалар, эр дьоннор түмсүүлэрэ дуу, туох дуу баар дуо, сиэммин онно сырытыннарыам этэ», – диир.
Аҕалаах уолу атын эр дьоҥҥо ииттэрэ ыытары ол төрөппүт аҕата туох дии саныыра буолла? Ыал ийэтэ тугу саныыра буолла? Тоҕо туспа ыал олоҕор эбээ олус күүскэ орооһоруй? Уопсайынан, эр киһи оҕону, ордук уол оҕону тылынан буолбакка, холобурунан иитэр эбээт. Наһаа үлэһит күтүөттээҕинэн киэн туттуон оннугар үҥсэргиирэ дьиибэ. «Дьэ, бу аҕаҥ үлэлээн-хамсаан, булан-талан аһаан-таҥнан, киһи-хара буола сылдьабыт, аҕаҥ курдук үлэһит киһи буол», – диэн оҕону оттон ийэтэ, эбэтэ күннэтэ оройуттан имэрийэ-имэрийэ этэ-тыына сылдьыахтаахтар этэ буоллаҕа. Ол бэйэ оҕотун дуу, сиэнин дуу атын эр дьоҥҥо ииттэрээри, найылаары гынар дуо? Эппиэтинэһи атын киһиэхэ көлбөрүтүү буолбатах дуо? Кэлин аны туох эмэ буоллаҕына аны ол дьону буруйдаан туруом суоҕа дуо?
Биир юрист-консультаммын диэн эдэр дьахтар мээртэн ыйытта: эр дьон наһаа ыгылыйа сылдьар, саныыр санаатын кыайан аһаҕастык эппэт, аһаҕастык ис туругун этинэр буоларыгар тугу гыныахха сөбүй?
Мээрбит дьахтар тугу этэ сатыырын өйдөөбөтө, «оттон ыгылыйбатыннар ээ» диэтэ. Мин өйдөөн көрбүппүнэн, Евгений Григорьев дьахтар саҥатын, санаатын кыайан ситэри истибэт быһыылаах, #яжмужик холбонор дуу, туох дуу.
Киэсэ Макаараптаах туох баар сиэр-майгы сатарыйыытыгар дьахтары буруйдуур эбит буоллахтарына, Евгений Григорьев – эр дьону. Эн мөлтөх буолаҥҥын – кыыһыҥ, дьахтарыҥ түүҥҥү кулууптарынан сылдьар, эр киһиттэн барыта тутулуктаах. Эн хайдаххын да, кэргэниҥ, оҕоҥ, балтыҥ, дьонуҥ-сэргэҥ – соннук.
***
Биир эдэр киһи арыгыны тастан киирэри аччатыахха, «оччоҕо Киэсэ Макаарап түүҥҥү кулууптарынан күүлэйдиирэ – оонньоон этэбин – аччыах этэ» диэн күллэрдэ.
Саха эр киһитэ арыгыны олох иһиэ суохтаах диир Евгений Николаевич.
Биир өттүнэн сөпкө этэр. Олох аҕыйах саха бэйэтин хонтуруолланан арыгыны иһэр. Үгүстэрэ бытыылка түгэҕин көрөн баран иккиһи, үсүһү көрдүү сүүрэллэр. «Тохтоо!» диэн опция мэйиилэригэр сүтэн хаалар. «Нет хуже ничего, чем пьяный якут», – диэн нуучча дьахталлара эппиттэрин саныыбын. – «Өйдөөҕөр киһи киһитэ, истэ да… бүттэ». Арыгы иһэн тупсубут киһини биири да билбэппин, эһиги да билбэккит буолуо.
-Итирэн баран эр дьон кыргыттарбытын буортулуубут, этиһэбит-охсуһабыт, өлөрсөбүт буолбат дуо? – диэн Григорьев этэр.
Кырдьык, аһы ас курдук сатаан испэт буоллаххына, олох да испэтиҥ көнө буолбатах дуо? Биһиги аспыт буолбатах, эппит-сииммит, өйбүт-санаабыт уоттаах утаҕы кыайбат. Кыайбаккын билин уонна иһимэ.
Эр дьон, ордук саха эр дьоно – арыгыны стресс таһаарар ньыма курдук өйдүүллэр. Илэ өйүнэн сылдьан кыайан саныыр санаатын сайа эппэт, барытын туттуна, тута сылдьар. Онтон иһэн баран дьэ онто сүөргү өттүнэн ыһыллан-тоҕуллан тахсар.
Ис санааны аһаҕастык эппэт буолуу, көрдөрбөт буолуу – национальнай майгыбыт диэххэ сөп. Ол томороон тымныыга, өҥүрүк куйааска ытыы-соҥуу, дэлбэритэ бара сырыттахха – олох олорбоккун, ол иһин үйэлэртэн үйэлэргэ кыһалҕа кыһарыйан саха эмоциятын тута, туттуна үөрэннэҕэ. Ол сылаас сиргэ олорор дьон эмоцияларын, туруктарын кистиир кыһалҕалара суох – барыта аһаҕас, көстөр. Астара-таҥастара маска үүнэн турдаҕа.
Ол гынан баран кэммит уларыйдаҕа, олохпут чэпчээтэҕэ. Аҕаларбыт, эһэлэрбит, хос, хос-хос өбүгэлэрбит туттуммут эмоцияларын тиритэн-хорутан хара үлэнэн таһаарынар эбит буоллахтарына, биһиги сылаас, сырдык дьиэҕэ олорон заалга баран эти-сиини мускуйан көлөһүммүтүнэн таһаарбакка арыгыга умсабыт. Содула биллэр буоллаҕа. Тыҥаабыт, ыгылыйбыт эти-сиини, өйү-санааны холкутутарга дьиҥэ – көлөһүнү таһаарыы. Бүттэ.
Мээр: спордунан дьарыктаныы – эр киһиэхэ, уол оҕоҕо булгуччулаах ирдэбил дииригэр сөбүлэһэбин.
***
Аны куттал туһунан. Биир кырдьаҕас туран: «Евгений Николаевич бу маннык тиэмэҕэ аһаҕастык санааҕын этэриҥ олус хайҕаллаах уонна хорсун быһыы, ол эрэн кутталлаах, сэрэн», – диэн этэр.
Тоҕо бэйэ санаатын аһаҕастык этэр кутталлааҕый уонна сэрэхтээҕий? Чэ, ол политикаҕа буоллун, олуйуохтарын сөп. Оттон сиэр-майгы, иитии, духуобунас тиэмэтигэр бэйэ санаатын этинии туох куһаҕаннаҕый? Сиилиэхтэрэ, сэмэлиэхтэрэ? «Дьон туох диэҕэй?» – диэн эмиэ ытырыктатыы, дьаахханыы. Дьон диэн-диэн кэллэҕэ.
Кутталга симии, кутталга баттатыы наһаа күүстээх, ордук саастаах өттүлэригэр. Киһи хаһан баҕарар ис көҥүллээх буолуохтаах. Ис көҥүл – ис күүс, сүр күүһэ. Ким сүрэ күүстээх – ол туохтан да тостубат, толлубат, санаата бөҕө, туруга чөл.
Евгений Григорьев – «честь и достоинство» диэн тыллар сахалыы тылбаастарын көрдүүр. Омук-омук майгыта, толкуйа атын-атын, олоҕу көрүүтэ, философията уратылаах. Нууччалар «честь» уонна «достоинство» диэни туспа тутан араарар эбит буоллахтарына, саха итини – киһи майгытын ураты көстүүтүнэн аахпат. Ити өйдөбүл этигэр-сиинигэр, сүрэҕэр-быарыгар соторутааҥҥы диэри олоро сылдьыбыта, базовай настройкатыгар. Оннуга суох эн хайдах да тыйыс усулуобуйаҕа тыыннаах хаалбаккын.
Онтон дьэ 90-с сыллартан, саха алааһыттан күргүөмүнэн көһөн барара саҕаламмытын кэннэ, төрүт сириттэн тэйэрин кытары – майгы уратыта эрэ буолан хаалбыта. Билигин «саха уорбат, албыннаабат» диэн оннугар «саха сааппат» диэн ордук элбэхтик туттуллар буолла.
***
Эдэр баҕайы уол туран «эдэр ыччат бэрэссэдээтэлэбин, сахабыт-сахабыт диигит да, куоракка сахалыы караоке суох» диир. «Бэрэссэдээтэллиириҥ таһынан тугунан дьарыктанаҕын?» – диэн мээр ыйытар. Уол ону-маны урбаанньыттаан аһа сатыыр эбит да, табыллыбатах. «Эн сахалыы караокета арый, бастакы киэһэҕэр тиийэн ыллыаҕым», – диэтэ мээр.
***
Чэ, чаас иһигэр итинник кэпсэтиини иһиттим. Салгыы да дьон хаалбыттара.
Түмүккэ тугу этиэҕи баҕарабын диэ?
Бастатан туран, үрдук сололоох чиновниктартан, былаастаах дьонтон, итинник сахалыы лоп-бааччы духуобунай тиэмэҕэ Евгений Григорьев лекция форматынан көрсүһүү тэрийбитэ сонун уонна хорсун быһыы. Мээрдээн бүттэҕинэ лектордаан да аһыыһы.
Иккиһинэн, тойон-хотун кириэстэнэ-кириэстэнэ муустаах ууга чомполонор кэмигэр, ити – сахалыы итэҕэли аһаҕастык өйөөһүн көрүҥэ.
Үсүһүнэн, бу атын дьону сирэйдэнэн пиарданар «духовнай коммерсаннары» хаарыйыахпын баҕарабын. Итэҕэли, сиэри, саха буолары тарҕатар дьон бэйэлэрэ эмиэ сиэрдээх буолуохтаахтар. Уопсайынан киһи тугу этэрэ-тыынара уонна хамсанара-дьаһанара биир буолуохтаах. Толкуйа – биир, этэрэ – атын, хамсанара – туспа буолла да саарбахтардаах. Тугу этэргин дьыалаҕынан эмиэ көрдөр. Бэйэҥ таҕыс, бэйэҥ саҥар, атын киһинэн, солонон саптыммакка.
Төрдүһүнэн, дьахтар уонна эр киһи диэн арахсан бүтүҥ. Былдьаһарбыт суох. Массыынаны уонна тыраахтыры тэҥнээбит кэриэтэ. Киһитэ суох бу техникалар туһата суохтар. Киһи буолуохха. Киһилии сиэрдээх, майгылаах, сыаллаах-соруктаах. Сыалбыт-сорукпут түмүк уһугар биир – кэнэҕэски ыччаты хаалларыы уонна кинилэри киһилии иитии. Бастаан бэйэттэн, бэйэ аймахтан саҕалыахха. Туора ыал оҕотун баран кыыһыра-кыыһыра буойа, иитэ сатаабакка. Кими да күүһүлээн, баҕарбат киһини үчүгэй оҥорбоккун ээ. Уонна үчүгэй-куһаҕан диэн хас биирдии киһиэхэ атын-атын буолуон сөп. Бэйэҕинэн холобур көрдөр – батыһар дьон батыһыа, батыспат дьон сэттэтэ да тиийэн дирбий – баардылыа суоҕа.
Онон оннук.
***
Туйаара НУТЧИНА,
Aartyk.Ru
Ааптар хаартыскаҕа, видеоҕа түһэриитэ
Мощь статья✊🏻✊🏻✊🏻
Автор этиллибит санаатыгар холбоҺобун.
Мин эмиэ.
Оннук
🔥🔥🔥 оннук
Оннук
Плагиаттааман😂Санаагытын суруйун.
Мин санаам – полностью согласен ни дать ни взять😁
Соптоох дьыала эбит. Истиц кэпсэтии уопсай дьыала5а комолоьhор. Итии боппуруоьа кыаллыбат. Сатаан сынньаммат дьоммут. Арыгылаан баран Саах курдук итирэн охсуhан этиhэн. Ол аата кабакка баран сынньаныы уhу.Арыгы атыыта а5ыйыан наада. Куорат таhыгар эрэ. Уонна оробуллэргэ эмиэ бобуц. Сабан.Сыбаайба юбилей эрэ. Кафеларга ресторацца.МКД таhыгар суох буолуохтаахтар. Ол бу ларек кабак наливайка диэннэрэ.Арыгы наркотик улаxан омук угаайыта. А5ыйах ахсааннаах омук эстэр. Америка индеецтера Мексика Бразилия Куба ЮАР эмиэ. Наркота арыгы сиэтэ.Хайдах курдук коцул доруобай кырасыабай норуоттарый. Ону эhэн бутэрдилэр.
Ким да тиэрэ баттыы сытан айаххар куппат буолбат дуо? Киьи бэйэтэ быьаарыахтаах – кии буолабын дуу, киьи буолабын дуу. Ол атыылыыллар диэн тугу барытын ылагын дуо? Ылыма да буттэ. Эн ологун – эн эппиэтинэьин. Киьи сознательнай буолуохтаах. Бэйэтэ.
Стресс таһаарар сир куоракка биир – спортзал.
Мин ити этиигэ сөбүлэһэбин на все 💯
Залга барыҥ уолаттар.
Мээр мээрилээбэккэ уулуссатын хомуйтарыа этэ буо.
Хомуйаллар дии айсен быраата.
Мусульманнарга: Мужчины ведут себя достойно в семье и обществе, а женщины знают свое место в семье и обществе.
Мэрбитин Евгений Григорьевы ессе салгыы улэлэттэрэллэрэ буолллар. Дьиннээх саха киhитин. Орджоникидзе болуоссатын икки ааттыа этэ: Орджоникидзе уонна Ойуунускай эбэтэр Андрей Борисов аатынан (театр баарын исин). Андрей Борисов аатын туохха иҥэрэллэрэ буолла. АГИКИ-га дуу, Олонхлендыгар дуу, Театрга дуу.
Источник: Aartyk.ru
Былаас өртүттэн дьону кытта киһилии холкутук санаа атастаһыы суох буолта ыраатта. Былыр Михаил Николаев олохтообут сибээс ханаала – сыллааҕы отчуот эрэ хаалла. Ол да ритуал благодарностей властям эрэ буолла. Норуот сылдьыбат, кэпсэтэ сатаабат. Былаас закрытай каста буолла. Кутуйахтар чуумпу, таһыттан хатааһыннаах, тыас – уус суох , астаах ампаарга уйаланалларын ордороллорун курдук. Бу Евгений Григорьев , куорат тойоно кэм дьону истэ – кэпсэтэ сатыыра, сэҥээриэххэ сөп. Политик быһыытынан бэйэ суолун – аартыгын, уобараһын көрдөнө сылдьар буоллаҕа буолуо. Только ити көрсүһүүгэ бары да бутукаай соҕус дьон мустубуттар дуу, хайдах.
Мин эмиэ 100%сөбүлэһэбин ааптарга, сөпкө бэлиэтээн суруйбут, иитии дьиэ-кэргэттэн, аймахтан саҕаланыахтаах. Мээрбин Е Григорьебы хайҕыы, сэргии истэбин, этэӈӈэ үлэлээтин, сайыннардын. Эр дьон буоллаҕа мындыр, холку, киэӈ көҕүстээх баар суох дьоммут элбээн истиннэр!
Норуот инникитэ – эр дьоммутугар, Дурда-хахха буолар, холобур оностор, куустээх анардар буоллага. Ого-дьахтар комускэллээх, нус-хас олохтоох, инникитигэр эрэлэ барыта кинилэртэн тутулуктаах.
Соптоох ырытыыны Туйаара Нутчина онорбут. Махтал!
Оттон шаманизм коуч блохер таролог астролог гадалкар диэннэри сокуонунан боппуттара. ВВП сокуон таhаарта сыл буолла. Дьону албыннааhын. Статья “Мошенничество” диэн. Биhиги дьоммут Сууту&Сокуону билиммэт. Хата оро баран дьону мунньан ойдорун иирдэллэр. Улэлээбэттэрин саптаары. Мэр сокуону кэhэн олох да быыбара суох таах хаалла.ГорДума эмиэ таах бэйэтэ билэринэн бачаачайдыыр. Барытын клоунада оцордулар.Куорат олохтоохторо Респбл.столицата ыт ата5ын тутан хааллыбыт.Бу маннык шоу былаас дьоццо хайдах сыьhыанна5а костор.
Оннук сокуон суох сымыйалаама. Инициатива была со стороны РПЦ. Всего лишь борьба за души. Саха итэгэлэ баар. Саха тыллаах баарын тухары баар буолуога. Ессе кэнээн иьиэгэ.
Детский сад тугу – угу туойан барда? Сокуону билбэт аата, ойдоогумсуйэ олорор.
Мэр улэлээбэт аатырдагай ама? Дьон, норуот тугу этэрин истэр, кыалларын оноро сатыыр. Кэлэн кэпсэтэн барбыта туох куьаганнаагый? Айылгалаахтар тугу гыналларын мэртэн ыйыппатылар ини. Дунурдээьиннэ сылдьыбакка мэр эрдэ барбыт уьу. Ким тугу ылынара, итэгэйэрэ бэйэтин дьыалата. Киьилии киьи, дьону дьон курдук ылынан, убаастаан сылдьара, кэпсэтэрэ – мэр сиэрдээх, суобастаах буоларын кордорор.
Мээрбит мээрилээн эрэ тахсар.
Мээр дьонун-сэргэтин кытта корсон кэпсэтэрэ омнуоламмат, улэтин эбээьинэьин биир хайысхата, хайганар эрэ буоллага. Саьан сытан эрэ, ыыс тылларынан уьаарааччылар, дьэ олор буолаллар – “мээрилээччилэр” ))).
Мээр биирдэ да куораты хомуйуу, өрөмүөн туһунан биирдэ да кэпсэппэт. Өрүү халлааны таһыйан тахсар. Куораты буолуохтааҕар мэриятын дьиэтин иһин да хомуйтарбат подкаблучник.
Сымыйанан туьэрэн бут! Сылы быьа олохтоохтору кытта корсор, кэпсэтэр. Мин урукку мэрдэр маннык норуокка тахсыбыттара ойдообоппун. Отчуот сыл аайы пригород ар, уокуруктар аайы буолар, дьон санаатын этинэр. Олбуордар оромуоннарын олохтоохтор бэйэлэрэ корон планныыллар. Урут итинник баарын билбэппин. Куоракка олорбот аатагын ону– маны туойума!
Тугу хомуйтарда, тугу оҥортордо? Маннык мөлтөх салайааччы аан дойдуга суох ини.
Ордук санаан, бэрт былдьаан харагын буолэннэгэ дии))) . Тугу да туой. Мээр улэлиирин бары коро бут.
а5ыйатыахха наада. Бу манна мэр Григорьев Е. Н. ейуубун , уонна утары улэни ессе кууhурдуэххэ наада.
Yйэ тухары степка биир сиргэ таба олорбот дьон. Куорат оло5ун билбэттэр. Барыта ыhыллан то5уллан быыл да бадараан сытыйбыт уу. Кыайан хомуйбаттар. Хаар муус халтараан.Свалка мусор умайа турар. Таах харчыны сииллэр. Аварийный дьиэттэн коhоруу былаана туолбата. Нацпроект харчыта Ханна барта биллибэт.Дьиэлэри суоллары строймусор урдугэр бадараацца туталлар.Ойдоро бэлэмцэ шоуга игры хороводы эрэ тиллэр.Гордума отстой.
Никто не хотел потерять кормушку. Потому тут всякие шестёрки начинают перепираться со взрослыми людьми. Раз так надо написать видео обращение СК России. Видимо у них есть чего терять.
Обиженкин тучи сгущает…)))