Курс валют
$
66.25
0.22
78.08
0.32
Курс валют
Курс валют
$
66.25
0.22
78.08
0.32
Меню
Поиск по сайту

Дмитрий ИВАНОВ: «Сулустаана Мыраан — куукуна дьахтара»

06.05.2018 18:01 25
Дмитрий ИВАНОВ: «Сулустаана Мыраан — куукуна дьахтара»

«Сомоҕо күүс» аатынан саптан Сулустаана Мыраан диэн улахан өйө суох, куукуна иһинээҕи санаалаах дьахтар ыам ыйын 5 күнүгэр араллааны тарта», — диэн «Сомоҕо күүс» общественнай тэрилтэ дьиҥнээх бэрэстээтэлэ Дмитрий ИВАНОВ этэр.

-Мин дьоммор эппитим — Навальнай тэрийбит пикетигэр мин тахсыбаппын, Владимир Путины кулун тутар 18 күнүгэр дьон-норуот президенинэн чиэһинэйдик талбыта, сокуонунан талыллыбыт президени утарбакка, кинилиин үлэлиэххэ наада диэн. Эһиги тахсар буоллаххытына тахсыаххытын сөп, ол гынан баран «Сомоҕо күүс » аатын туһаммакка эрэ диэн. «Сомоҕо күүскэ» сылдьар икки киһи одиночнай пикеккэ тахсыбыта. Биир — мэрия иннигэр, иккис — Правительство дьиэтин иннигэр турбуттара. Туох да сокуону кэһии тахсыбатаҕа, барыта сиэр иһинэн ааспыта. Оттон ити Сулустаана Мыраан, «Сомоҕо күүс» аатын сымыйанан туһана-туһана, бэйэтин интэриэһин туһугар оҕолору уган биэрдэ! Олох уһуну-киэҥи өйдөөбөт, өйүүр да кыаҕа суох дьикти дьахтар. Киһиргэттэхтэрин аайы хайдах да буолуон булбат. Ити кинини кытары бастаах дьахталлар — Ольга Саргыдаева эҥин диэн бааллар, олор бэйэлэрэ тоҕо эрэ ити пикеккэ тахсыбатахтар эбээт, ол Сулустаананы киһиргэтэн, арбаан төбөтүн иирдэн баран таһааран ыытан кэбиспиттэрэ, дьэ ити буолла.

Дьэ, ити айдаан таһааран, ыччаты угаайыга киллэрэн баран билигин бэйэтэ кутуруга купчус. Киһи туох эрэ сыаллаах-соруктаах, түмүктээх дьыалаҕа кыттыһыахтаах, тэрийиэхтээх. Билигин тугу гынар уонна мээнэ айдааран баран?

Улахан туох да үлэни үлэлээбэтэх, тэрилтэ диэҥҥэ түбүлээн үлэлээбэтэх дьон хайдах общественник буолуохтарай?! Уулуссаҕа тахсан хаһыытаатыҥ даҕаны «общественник» буола түспэккин эбээт. Ити Мырааны өрө тутар Иван Степанов диэн эмиэ ускул-тэскил сылдьыбыт, биир да үлэҕэ кыайан үлэлээбэтэх киһи. Ол дьон «общественниктыы» сылдьаллара дьэ сүрдээх. Биһиги ааппытын, дьиҥнээх общественниктары барыбытын түһэрэ сылдьаллар! — диэн Дмитрий ИВАНОВ алыс кыһыйан санаатын этэр.

***

Aartyk.Ru

Обсуждение • 25

Добавить комментарий
  1. Төрүт саха

    Кырдьаҕас отой сөпкө эппит. Дьиҥнээх, инникилээх дьыалаҕа киһи хамсаныахтаах. Көннөрү хаһыы-ыһыы биһиги курдук нүһүр майгылаах ыарахан дьоҥҥо барсыбат. Төрдө-ууһа суох, быстах санаалаах эрэ дьон быһыылара.

  2. Кырдьаҕас

    Былаас саллаата иванов д.д. тугу уонна этиэҕэй..

  3. Мин

    Д. Иванов былаастан ананан үөмэн киирбит саһыл буолар. Ол киирэн иһиттэн ыста ити тэрилтэни. Ити тэрилтэни сүбэлэһэн баран сабыахтарын наада. Уонна Судустаана депутакка киирсэн, онно үлэлээтин. Дьон туһугар.

  4. Sudurgu

    Миитэрэй огонньор дьэ булан эппит. Сулустаана ити оголору тохтото сатаабыта эрдэттэн суукка диэри туруорсан. Бука «Защитим реку Лену» «Сир» тэриллиилэр митиннэрин пикеттэрин сууттаьыыларын референдумы тэрийэ сатаан ЦИК ы кытта уьун киэн мунньахтары быьаарылары кимнээх тэрийэн иилээн сагалаан ыыппыттарын билбэт буоллага Миитэрэй кырдьагас хомуйуус кеннеру хомуйуус буолбатах бутун оройуону баартыйа аатыттан тутан олорбут киьи. Кэлин демократтыы керуулээх дьоццо сыста туьэн баран саьыл куобагы дьиэтиттэн уурбутугэр дылы буола сылдьар.
    Кэм кэрдиис кердеруе ким дьицнээх общественник буолан улэ хамнас буола свлдьарын Сулустаана Мыраан уонна Уйбаан Степанов дуу эбэтэр кырдьагас партократ Миитэрэй Иванов дуу.

  5. Мишико

    Бу былаас Сулустаана Мыраантан явно куттаммыт. Эбиитин справед.россия партияттан ил түмэнҥэ киирсэр буолан.беа эрэйдээх паника. Быйыл СР эрэллээхтик кыайар буолбут

  6. ч

    Кырдьаҕас киһи сөпкө соҕус, олохтоохтук эппит курдук. Ити тэрилтэлэригэр эмиэ бэт былдьаһыы бара турар быһыылаах. Ис иһигэр хайдаҕа эбитэ буолла. Дьахтар кырдьык куукунатыгар тиргиллэ сылдьыбыта буоллар.

  7. Сахабын

    Ити кырдьагас оруна суохтук урукку молтох партийный улэьит курдук этэр эбит дии санаатым, билигин демократтартан сомого куус диэн тэрийбит кууьэ быьылаах, олох уларыйан, элбэх партийный система былааьын билигин да ойдообокко олороохтууур, ол куукуна дьахтара диирин билбэппин эрээри актмвнайдык кырдьык борустуой дьон куукунага олорон бэйэлэрин санааларын билинни сымыйаны уоптарар, сиир алдтатар проектах былааска кыайан таьааран эппэт санааларын активнайдык обществога биллэрэн, улээлэьэн син туруорса сатыыр дии саныыбын!!

  8. Васса

    Сулустаана ыччаттары өҋдөтө, иҋэлии сүбэлии сатаабыта үчүгэҋ дии. Сүрэҕинэн салаҋтаран сылдьар киһи эбит.

  9. Екулуу

    Кырдьа5ас аьара барыма эрэ, саха терут омук буоларын конституция5а киллэриини Ольга Саргыдаева туох баар улэтин оцорон ситиспитин кэннэ баар буола туьэццин барытын бэйэц оцорбут курдук Ольга туьунан биир да тылы быктарбакка бэйэц эрэ махтал хомуйан дьоццо хай5ана сылдьарыц меку со5ус. Сулустаана Мыраан Сомо5о куус тумсууну тэрийбитин кэннэ бэлэмцэ сыста туьэн тылланан бэрэссэдээтэл буолан баран бэйэтин таьааран кэбиспитиц эмиэ меку. Уоскуйуоц этэ, кырдьа5ас. Дьон акаары буолбатах, кере сылдьар

  10. кырдьык исин

    Ити тугу улэлээбит, ким билэр Ивановай? Тэрилтэни ысаары киллэрбит засланнай казачоктара эбит дии, онтун кистии да сатаабат. Ити о5онньор курдук «общественниктардаах» ыраах барбат буоллахпыт.

  11. Мааппа

    Засланный казачок .боллаҕа эбиитин кырдьан маразм болбут.

  12. Лиза

    Засланнай казачогу Сомоготтон ууруеххэ!
    Иванов баарын тухары норуот сомо5олоспот!

  13. просто смешно от них

    их несколько человек, и даже в своей «организации» не могут общий язык найти, тьфу на них… цирк уехал, клоуны остались

  14. саркози

    Ити мырааннытын ду сулускутун ду билбит суох дьэ отто Ваня уолу багас билиллэр огонньору эмиэ билбит суох даганы Ваняны багас олох харахха биэрбит курдук ойуулаабыт Ити мин тус санаам.

  15. Саха уола

    Арассыыйа норуота манныкпыт иьин ВВП беле5е салайа олорор. Ессе, солбуллубат ыраахтаа5ыга ба5аран, чохчоцноьо сылдьыбыт. Д.Д.Иванов уйэтин тухары тутан кэлбит былааьа. Арыый да атын керуулээх киьи баар буолла5ына, норуот естее5е буолар. Кинилэр курдук улуу дьон эппиттэрэ барыта сеп буолан былыргы Арассыыйа ыраахтаа5ылаах былааьын теннурдибит. Ол да буоллар, эдэр ыччат итинник тахсар буолла5ына, ыраахтаа5ы да былааьа наьаа уьуо5а диэн эрэнэ хаалыахха.

  16. Татьяна

    Куһаҕаннык кырдьыбыт саха оҕонньотторо общественник эҥин буолаллара наадата суох,дойдуну ыспыт,эстэр суолга тиэрпит эһиги бааргыт!

  17. Герман

    Татьяна кырдьыгы этэр, урут былааска турбут дьон билигин да бааллар былааска. Кинилэр харахтарыгар, кинилэр кыттыгас буоланнар Саха норуотун хостонор баайын чааһынай дьоҥҥо буор босхо атыылаан кэбистилэр. Уонна билигин сырайдара сааппакка түөстэрин охсуналлар. Иванов Д кытта кэпсэппитим биирдэ, киһим отой да саастаах киһи диэтэххэ отой да ыча өйдөөх оҕонньорчоон эбит. Пахай да диэн баран түргэн соҕустук тахсан барбытым…

  18. Тимир Саппыкы

    Өссө биир иирээки Арамаан диэн баар ити дьоҥҥо.

  19. Ордос

    Сүнньэ суох быһаарыныы. Грудиниңңа бу Путины утарабын диэн быыбары бойкоттаан Навальнай диэки буолан баран билигин кэлэн аны Путин диэки буолбут. Сулустаанна тахсыбыта билэ билэ ол о5олору таах дъаабылаабатыннар диэн этэ этэ барбыта. Хата тиийэн ол 70 саастаах эмээхсин аптека5а тахсыбытын кыайыылаахтар дубинкалаах ньыгыл саллааттара ыкпыттарын көмүскэһэн дъыала5а эриллэ сыспыт. ДД дъиңэр туга да суох бэчээтэ эрэ баар ол аннулируйданан биэрбэккэ сылдъар. Дъон кинини батыспат билэр дъон балыыңкатыттан билбэт дъон тутта хапта саңара иңэрэ сылдъарыттан сэрэхэчийэн. Тойон лидер буолуон ба5арар ол кыаллыбат агыйах бэйэтин курдук балыыңка тулалаах. Дъиңинэн бу үчүгэй киһини спортсмены партия сэбиэскэй былаас буортулаабытын холобура. Маннык дъон холобур ити Мигалкин Афоня курдук хомсомуол сэкиритээрэ билигин а5абыыттыы сылдъар. ДД оппозиция лидера буола сатыыр. Уоскуйан айдаарсыбакка онно манна атааннаахха киирсибэккэ сылдъаллара буоллар кырдъык лидер да буолар кыахтаах дъон ыксыыллар быһыылаах. В.Т. Николаев Дима Иванов дуо диэн алдъархай убаастыыр киһитэ этэ мин эмиэ оннука киирэн биэрэ сылдъыбытым. Сулустаана бу 5 о5о ийэтэ хас сиэннээгэ буолла билбэтим бу биһигини сахалары көмүскээн итинник сылдъарыттан биһи саха эр дъоно кыбыстыах тустаахпыт. Олох кыраайга тиийэн олоробут. Үчүгэй уол о5олоро бө5ө арыгы уотугар былдъаннылар. Туруулаһар дъоммут үксэ дъахталлар курдуктар. Бу уустук оло5у өйдөөн туруулаһар эр киһи олох а5ыйах ба5ар уһуктуохтара. Эдэр ыччат үүнэн эрэр олору сатаан тохтопотторо буолуо дии саныыбын.

  20. Туораттан

    Куукуна дьахталлара диэн оттон дьиҥ норуот дьоно буолбатах дуо. Дьэ онно буоллаҕа аһаҕастык балаһыанньаны ырытыы, санаа атастаһыы. Оттон Сулустаана ол куукуна таһымыттан киэҥ эйгэҕэ таҕыстаҕа. Бу күһүҥҥү быыбарга ситиһиини баҕарыаҕыҥ, аартык бэрткэ пиардаата ;)))

  21. Мэхээлэ

    Ити сулустаанаҕыт провокатор дьахтар

  22. Уйбаан

    Дьиннээх провокатор Тумусов, акаары дьону харчыга ылан сии сылдьар

  23. Лукетрин

    Хайдах эрэ олус олого суох кураанах кэпсэтии курдук аагабын.Мин кими да билбэпптин гынан баран ити Сулустаана Мыраан туьунан кэлицци кэмцэ интернетка аагабын. Онтон Иванов курдук сааьырбыт дьону, билигин ким да истибэт, истиэхтэрин да багарбаттар, ити суруйалларын курдук агыйах тылы бырахсан баран тахсан барыахтара. Иванов эдэр келуенэ инники ологор наьаа кыьанара буолуо дии санаабаппын, бэйэтэ ону чел ейдеех буоллагына билиэхтээх уонна туоруохтаах!

  24. бээди1

    иванов кырдьа5ас өйө санаата эмиэ кырдьыбыт.таах эрэйи көрөр.сынньаныан наада.киһи аһынар.бэйэ кыаҕынан олоруллуохтаах.

  25. Нина

    Дискриминация по социальному статусу преследуется пр закону буотах да? Того правоохранительные органы молчат?

Оставить комментарий