Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

“Чурапчылар эрэ от хаачыстыбатын сирдилэр”

16.11.2021 09:58 1
“Чурапчылар эрэ от хаачыстыбатын сирдилэр”

Бассаап ситимигэр тыа дьоно атын регионтан куһаҕан от кэлбитин сүөргүлээн видео устан ыыталлар. Ким эрэ сүөһү сиэбэт отун уоттуур, мөҕүттэр. Биллэн турар, тустаах дьоҥҥо кыһыылаах. Сүөһү иитэр, көрөр улахан сыралаах, түбүктээх үлэ, харчы төлөөн аҕалтарбыт кэтэһиилээх отуҥ таах быраҕыллара кими үөрдүөй.

Тыа хаһаайыстыбатын министиэристибэтэ биллэрбитинэн, от хаачыстыбатын чурапчылар эрэ сирбиттэр, атын улуустартан үҥсүү суох.

Чурапчыга аҕалыллыбыт от хаачыстыбатын бэрэбиэркэлии сылдьаллар диэн олохтоох дьаһалта тыатын хаһаайыстыбатын управлениета этэр. От хаачыстыбатын сирбит хаһаайыстыбалар оту аҕалбыт тэрилтэни кытары бэйэтэ сууттаһан отун уларыттарыахтаах, эбэтэр эрдэ дуогабарыгар ыйыллыбыт буоллаҕына – от атыылааччы тэрилтэ бэйэтин суотугар (сууттаспакка эрэ) уларытыахтаах. Онон хаһаайыстыбалар дуогабаргытын ырытан көрүөххүтүн наада, куһаҕан хаачыстыбалаах оту уларытар туһунан дуогабарга чопчу суруллубут дуу, суох дуу.

ЦУР Якутии:    

***

Санатар эбит буоллахха, Чурапчы улууһа бу сотору саҥа баһылыгын талыахтаах. Урукку баһылык Андрей Ноговицын дьыалаҕа эриллэн үлэтиттэн уурайбыта. Республика былааһын өттүттэн улуус баһылыгар Ыччат миниистиринэн үлэлии сылдьыбыт Степан Саргыдаев кандидатурата бигэргэммитэ биллэр. Саргыдаев билигин баһылык эбээһинэһин толорооччунан үлэлээн эрэр. Бу атын регионтан кэлбит от хаачыстыбатыгар тахсыбыт айдаан быыбар хампаанньатыгар охсуулаах буолла диэн штабын үлэһиттэрэ этэллэр, онон ити кыһалҕаны Саргыдаев хайаан да быһаарсара наада.

***

Роман ДЬЯЧКОВСКАЙ,

“Аартыкка” анаан. 

Обсуждение • 1

Добавить комментарий
  1. Балбаара

    Оттон Кыымна тахсыбыт дии Чурапчылар бэйэлэрэ ити сытыган оту бэлэмнээбит курдуктар уьу дии…!

Оставить комментарий