Курс валют
$
73.64
0.6
87.17
0.55
Курс валют
Курс валют
$
73.64
0.6
87.17
0.55
Меню
Поиск по сайту

Алексей ИННОКЕНТЬЕВ салайааччылар хамнастарын аҥарын бэтэрээннэргэ аныылларыгар ыҥырда

28.03.2020 09:18 0
Алексей ИННОКЕНТЬЕВ салайааччылар хамнастарын аҥарын бэтэрээннэргэ аныылларыгар ыҥырда

Ньурба улууһун баһылыга Алексей Иннокентьев улууска баар тыыл бэтэрээннэригэр – 211 киһиэхэ — медицинскэй маасканы уонна дезинфекциялыыр сириэстибэлэри ылан биэрэргэ кулун тутар ыйдааҕы хамнаһын аҥарын биэрэрин туһунан суруналыыс Геннадий Антонов «Улус.Медиа» сайтка суруйар.


Улуус уонна тэрилтэлэр салайааччыларын, нэһилиэктэр баһылыктарын уонна улууска баар федеральнай, өрөспүүбүлүкэтээҕи тэрилтэлэр салайааччыларын кини холобурун батыһан кырдьаҕастарга, кыамматтарга ким төһөнү кыанарынан көмөлөһөллөрүгэр ыҥырда.

Билигин Ньурбаҕа урбаанньыттар биэрбит матырыйаалларынан тэрилтэлэр үлэһиттэрэ элбэхтэ кэтиллэр маасканы тигэ сылдьаллар. Улуустааҕы киин библиотека үлэһиттэрэ 691 маасканы тигэн дьоҥҥо түҥэттилэр, ол иһигэр Ньурбатааҕы улуустар икки ардыларынааҕы кырдьаҕастар уонна инбэлииттэр интэринээт-дьиэлэригэр эмиэ тиксэрдилэр.

Дьокуускайтан бэнидиэнньиккэ 2000 мааска кэлиэхтээх, онтон 500 бэлиэр Ньурбаҕа кэллэ, волонтердарга уонна кырдьаҕастарга түҥэтилиннэ диэн «Улуус. Медиа» сайтка Геннадий Антонов суруйар.

Ньурба баһылыгын холобурун атын салайааччылар өйүөхтэрэ дии саныыбыт. Бу кутталлаах дьаҥ бастакы уочарат кырдьаҕас дьоҥҥо сэрэхтээҕин быһыытынан, кинилэри харыстыах тустаахпыт. Эбээ-эһээ барахсан сылаас тыына, муударай өйө кини төрөппүт оҕолоругар, сиэннэригэр эрэ буолбакка, бүтүн уопсастыба киһилии сиэрин-майгытын тута сылдьарыгар сүҥкэн оруоллаахтар.  Онон тойон-хотун тылынан эрэ буолбакка, дьиҥ дьыаланан, бэйэтин холобурунан, кырдьаҕастарга  көмө оҥорор бачыыҥҥа кыттыһыахтара диэн эрэнэбит.

***

Денис ПОТАПОВ,

Aartyk.Ru.

 

 

Оставить комментарий