Курс валют
$
62.69
0.43
72.53
Курс валют
Курс валют
$
62.69
0.43
72.53
Меню
Поиск по сайту

“Аэрофлот” айдаана. Дьиҥэ тугуй?

21.02.2018 14:28 20
“Аэрофлот” айдаана. Дьиҥэ тугуй?

Саха сирин Ил Дархана Егор Борисов көмөлөһөөччүтүн кытары Евгений Шигаповтыын, олунньу 17 күнүгэр “Аэрофлот”  сөмөлүөтүгэр айдаан тардыбыттарын, ол түмүгэр Шигаповы сөмөлүөттэн устубуттарын туһунан сураҕы аан бастаан олунньу 18 күнүгэр “Кремлевский рейтинг” телеграм-канал таһаарда.

Онно этиллэринэн, Егор Борисов көмөлөһөөччүтүн кытары киэптээбит, сөмөлүөт экипаһын үөхпүт, барыларын уураттарыах буолбут, араас тойон нүөмэрин төлөппүөнүгэр баарын көрдөрбүт, киэҥ сибээһинэн уордайбыт.

Сонно тута дойду бөдөҥ агентстволара РИА, Коммерсант, Интерфакс , 1 канал, онтон да атыттар күргүөмүнэн Саха сирин салайааччытын үрдүгэр түһэн куолаан бардылар — “Аэрофлот” эмсэҕэлээччи оруолун ылла. Сахалар айахпытын атан эрэ хааллыбыт.

Биһиги дьоммут 19-ка эбиэт кэннэ эрэ официальнай пресс-релиз суруйан таһаардылар. Онно этиллэринэн, “Аэрофлот” стюардессата посадочнай талон көрдөөбүтүттэн айдаан саҕаламмыт. Егор уонна Прасковья Борисовтарга, көмөлөһөөччү Шигаповка регистрацияҕа посадочнай талон биэрэллэрин умнубуттар, кэлин кэлэн бырастыы гынан баран туттарбыттар. Ол икки ардыгар стюардесса айдаан тардыбыт, урут да Саха сирин пассажирдарыгар “Аэрофлот” соччото суох сыһыаннааҕынан биллэр диэн пресс-релизкэ этиллибит. Ил Дархан правительство аппараатыгар сөмөлүөккэ тахсыбыт айдааны сокуон хараҕынан көрөн быһаарсалларыгар, наада буоллаҕына суукка биэрэллэригэр сорудахтаабыт.

Ити кэнниттэн федеральнай сайтар кэтэһэн олорбуттуу, Ил Дархан көмөлөһөөччүтэ посадочнай талоннары ылбытын туһунан, Шигапов стюардессаҕа маатырылаабытын, экипаж кабинатыгар киирэн  айдаарбытын туһунан “сырдаттылар”.

***

Араас эмоцияны быраҕан туран бу айдааны көрдөххө хайдаҕый?

Егор Борисов “дебоширдаабыт” диэҥҥэ, бэл Ил Дарханы утарар  да дьон итэҕэйбэттэр. Борисов былааска күн бээһээ тахсыбыт киһи буолбатах – дастабырыанньанан, сибээһинэн далбаатанар “киртэн тахсыбыт кинээс” буолбатах.  Арай ычата кыра киһи уһуктаат тойон буолбутун биллэҕинэ уолугунан тыыныан сөп.

Иккиһинэн, Борисов  публичнай киһи буоларын быһыытынан, хас хамсаныыта барыта  кэтэнэ-манана сылдьарын бэккэ өйдүүр, билэр, онон хайдах да оруо маһы ортотунан барчалыыр кыаҕа суох.

Аны, “Аэрофлот” стюардессата куруубайдаабыт диэҥҥэ тохтуоҕуҥ.

Сөмөлүөтүнэн көтөн-көтөн кэллэхпит. Ол тухары пассажирдары дьүһүнүнэн көрөн стюардессалар (!!!) хаһан да үөхпүттэрэ суох. Үлэлиир спецификалара атын, тоҥ куолаһынан саҥарыахтарын сөп, ол гынан баран хаһан даҕаны киһини аһаҕастык үөхпэттэр. Буолаары буолан бизнес-кылаас пассажирдарыгар. Ол аата, бу стюардесса куруубайдаабыт буоллаҕына – кинини эрдэттэн “оннук” гынарыгар дьаһайбыттар?

Бизнес-кылааска ВИП-персоналар көтүөхтээхтэрэ эрдэттэн бортпроводниктарга, экипажка биллэриллэр. ВИП-залтан анал үлэһиттэр бортка диэри атаараллар. Ол видеоҕа эмиэ көстөр. Посадочнайа суох киһини ВИП-залтан арыаллыа этилэр дуу?

Сорохтор этэллэринэн, айдаан Ил Дархан көмөлөһөөччүтэ Евгений Шигапов эконом-кылаастан бизнес-кылааска көһө сатаабытыттан тахсыбыт: “Стюардесса онно көһөрөргө эбии харчы көрдөөбүт”.  Кистэл буолбатах, сорох сөмөлүөттэргэ стюардессалар оннук гынан эбии харчы оҥостоллор.

“Аэрофлот” стюардессатын көмүскээн айдааны таһаарда дииллэр. Оччотугар ыйытыы: хас бөдөҥ хампаанньа боростуой үлэһитин көмүскээн ити айылаах СМИ сэриитин тардыбытын билэҕит? СМИ сэриитин тэрийэргэ мөлүйүөнүнэн суумма ирдэнэр, буолаары буолан федеральнай улахан агентстволарга, телеканалларга тахсарга. Ол кэриэтин буруйдааҕы тыаһа-сыма суох ууратар быдан барыстаах буолбатах этэ дуо? Хас биирдии кыра-хара үлэһитин аайы СМИ сэриитин тэрийдэҕинэ “Аэрофлот” ыал устун барбат дуо?

***

Итинник ыйытыы кэнниттэн, Ил Дархан көмөлөһөөччүтүгэр Евгений Шигаповка тиийиэххэ. Туох киһиний, хантан хааннааҕый, кимтэн кииннээҕий, хаһааҥҥыттан үлэлиирий? “Телохранитель, сытар ынаҕы туруорбат, күөх оту тосту үктээбэт, Мохсоҕоллоох уола, соторутааҕыта киирбитэ”, — диэн уруһуйдаатылар.

Телохранитель… быччыҥ быһа сиэбит киһитэ өйө-санаата, интеллегэ, култуурата төһө таһымнааҕа сэрэйиллэр. Ол гынан баран, официальнай биографиятынан,  бу «телохранительбит» икки тылынан -английскайдыы, французстуу босхо кэпсэтэр эбит.

“Күөх оту тосту үктээбэт” Шигапов эмискэ туох туора муостааҕа иһигэр киирэн стюардессаҕа маатырылаата, посадочнайын тоҕо тута көрдөрбөтө (видеоҕа сиэбигэр укта турара көстөр) эбиитин экипаж кабинатыгар киирэн айдаарда? Ил Дархан посадочнайы ирдэһэр-көрдөһөр эбээһинэһэ суох, онуоха анал хамнастаах дьон баар. Бу түбэлтэҕэ – Шигапов оннук дуоһунаска сылдьыбыт. Туох санааттан дуу, туох манньаттан дуу, бу Шигапов стюардессалыын куомуннаһан айдааны тартылар? Баччааҥҥа диэри айдаана суох Ил Дархан айаннаан кэллэҕэ. Нэдиэлэҕэ иккитэ-үстэ ити айылаах ыраах сиргэ кырынар.

Онон сылыктаатахха, айдаан мээнэҕэ тахсыбатах. Мээнэҕэ СМИ сэриигэ турумматах.

Оччотугар төрүөтэ туохханый?

2016 сыллахха “Аартык.ру”  муус устарга “Захват воздушного пространства Якутии. Пробный выстрел” (http://old.aartyk.ru/obshestvo/item/7585-zahvat-vozdushnogo-prostranstva-yakutii-probnyy-vystrel) диэн ыстатыйа таһааран турар. “Аэрофлот” регионнар авиакомпанияларыттан саҕалаан “Трансаэро” курдук улахан хампаанньаны ыйыстыбытын бары көрө-билэ сылдьабыт. Дальнай Востокка “Аврора” диэн самалык тэрилтэтинэн (“Аэрофлот” 51% акция хаһаайына, 49% Сахалин уобалаһын правительствота бас билэр)  кимэн киирэн регинальнай авиакомпаниялары былдьаталаата.

2016 сыллаахха “Авиабилетная аномалия” диэн документальнай киинэ федеральнай каналга көрдөрүллэн турар. Ол киинэ — «ИрАэро», «Ангара» и  «Ленсиб» САО (Бодойбо аэропорда), саха авиакомпанияларын — «Полярные авиалинии», «Якутия» уонна федеральнай казеннай тэрилтэ «Аэропорты Севера» утары ис хоһоонноох этэ. Киинэ сакаасчыта — “Аэрофлот”  диэн бары экспертэр түмүк оҥорон турардаахтар. Ити киинэни дьүүллэһэр кэпсэтиигэ Саха сирин правительствотын аатыттан Павел Маринычев  1 каналга баран кыттыбыта. Инньэ гынан, бэрт сытыы кэпсэтиигэ олох дьоһуннаахтык кыттан үөрдүбүтэ.

Авиакомпаниялар, ис дьиҥэр туох да хамсаабат баайдара-дуоллара суох: бас билэр портара суох, сөмөлүөттэрэ барыта лизиҥҥэ сылдьар. Кинилэр саамай былдьаһар былдьаһыктара – маршруттар. 90-с сылларга авиакомпания ахсаана ыһар кумах курдук элбэх этэ. Оннооҕор Саха сиригэр уонтан тахса авиакомпания баара. Онтон кэлин хампаанньалар холбоһон, силлиһэн барбыттара. Дальнай Востокка икки улахан авиакомпания хаалбыта —  “Дальавиа” уонна “Владивостокавиа”. Олору кэлин “Аэрофлот” атыылаһан ылбыта. Авиакомпаниялары бэйэлэрин ыһан кэбиһэн баран маршруттарын эрэ хаалларбыта.

Сол курдук “Аэрофлот” эмиэ биһиги республикабытыгар  кимэн киирэр. Биллэн турар, олохтоох авиакомпаниябыт “Якутия” килиэбин аҥаарын былдьатар. “Аэрофлот” топпот, барытын ылыан баҕарар. Ол иһин ити ыаллыы регионнарбыт авиакомпанияларын эмиэ былдьаары 1 каналга киинэ сакаастыыр буоллаҕа.

Арктикаҕа дьоҕус авиация сайдарыгар 2025 сылга диэри 9-тан тахса млрд  солкуобай көрүллүөхтээх. Барыта Арктика уонна Дальнай Восток сайдарыгар 2013-2025 сс. 500-чэкэ миллиард көрүллээри турар. Ким ымсыырыа суоҕай? Дьэ, ол иһин тоҥолохтоһуу кытаанаҕа.

Егор Борисов, биллэн турар, “Якутия” авиакомпаниятын көмүскүүр, бюджеттан үп көрдөрөр, дотациялыыр. Оннук гымматаҕына тутан сииллэр. Оттон олохтоох авиакомпанияҕа — олохтоох дьон үлэлиир. Ол пилоттарыҥ буоллун, техниктарын буоллуҥ – саха уолаттара сылдьаллар. Кинилэри атын авиакомпанияларга үлэлэтиэхтэрэ дуо? Онон, биир өттүнэн, “Якутия” авиакомпания саха омугун техническэй идэлэргэ сыстар кыһата, оскуолата буолан турар. Хайдах барытын туран биэрэн иһиэхпитий, көмүскэннэхпитинэ, кыратык ытырсан биэрдэххэ сатанар.

Ити биир төрүөт – “Аэрофлот” стюардессата уонна Дархан көмөлөһөөччүтүн ибили кумахтаспыттарын түмүгэр  Саха сирин салайааччытын аатын ыыта сатаатылар.

***

Иккис төрүөт – “Дагестан-2” сценарийын Саха сиригэр киллэрии.

Саха элитэтэ дэнэр дьон үрүө-тараа сылдьалларын ааһан, бэйэ-бэйэлэрин хобулаһан, уксан, сэтэрэһэн тахсаллар. Наар кинилэр баппат айдааннара. Биир да салайаачыны бэркин диэн билиммиттэрэ суох.  Ойон тура-тура тиниктэһии, төттөрүтүн оҥоруу.

Бу күннэргэ биир федеральнай сайт “Саха сиригэр Дагестаҥҥа курдук коррупция хончоҥнос” диэн дакылааттаата. Национальнай элитэ бары коррупционердар, сахалар былааһы уйбаттар, сииллэр-аһыыллар, уораллар… Муниципальнай баһылыктартан саҕалаан үөһэ тиийэ. Бэйэлэрин салайынар кыахтара суох.

Нэһилиэк, улуус баһылыктарын баччаны сиэбит-аһаабыт диэн тутаттаан хачыгыратан эрэр кэмнэригэр ити ыстатыйа “түмүк” оҥорор. Билэҕит дуо, аныгы сокуонунан баһылык буруйданан сууттанар түгэнигэр кини ОҔОТО, СИЭНЭ – ситэриилээх былаас систиэмэтигэр үлэлиир бырааба букатыннаахтык быһылларын? Бу тымныы дойдуга хорҕойон олорор, атааннаах-мөҥүөннээх кыра омук 90 бырыһыана муниципальнай, государственнай былаас систиэмэтигэр уонна бюджеттэн астанан-таҥастанан олорор.  Ынырык буолбатах дуо, киһи оҥорбут буруйугар сиэнигэр диэри накаастанара?! Халыҥ омук ханна баҕарар үлэ булуо, барыа-кэлиэ, оттон саха ханна барыай? Нэһилиэк дьаһалтатыгар муоста сууйарыгар да оҕобун, сиэммин ылбат буоллахтарына?! Ситигирдик кыра омугу сиир иэдээннээх сокуон ылыллан турар. Ити сокуону сотору Ил Түмэҥҥэ региональнай сокуон быһыытынан ылыннарыахтара.

“Дагестан-2” сценарийа Саха республикатыгар киирэр буоллаҕына, “коррупционер”- сахалар былаастан тэйитиллиэхтэрэ. Буолаары буолан, үөһэ суруйбуппут курдук, Арктика уонна Дальнай Восток сайдарыгар триллионунан суума кэлээри турдаҕына аҕыйах нуулга “мунар” дьону чугаһатыахтара суоҕа. Баһылыктары тутаттааһын – көрдөрүүлээх таһыйыыга тэҥнээх. Итини көрө-көрө баһылыкка дураһыйар саха ахсаана лаппа намтыа. Бэл, быыбардарга муниципальнай тэриллии депутатыгар кандидат тиийбэт. Ол оннугар кэлии дьон улуус, нэһилиэк баһылыктара буоллулар. Быыбардарын хампаанньатын Москваттан тиийэ үбүлээтилэр. Билигин Ил Түмэҥҥэ тоҕо анньан киирэ сатыахтара.

Дьэ, онон “Ил Дархаммыт, олохтоох былааспыт ону гыммата, маны гыммата” диэн атаахтаан, куттаан оонньобуппут аны тохтоон барыаҕа. Арааһа кэлэр былаас дьоно миитиннэтэн чобуорхаппаттара буолуо ээ, уоспутун быһа эрийээ инилэр. Онооҥҥо диэри төттөрү төлкөлөнөн кытаатан ыыстаһан, этиһэн, сэтэрэһэн хаалыҥ.

***

 “Аартык.ру”.

 

Обсуждение • 20

Добавить комментарий
  1. Аноним

    Ньурба улууhун кулубатын Попову сууттуу сылдьаллар

  2. Һөҕүҥ

    Попову бэйэтин дьоно, ньурбалар тойон эргимтэлэрэ үҥсүһэн-харсыһан ситэри сиэн эрэллэр.

  3. Бродяга

    Сначала министр Антон Сафронов высказался, Затем подключился к утихомириванию депутат Виктор Федоров. А теперь вот — министр Александр Борисов.
    Ну что ж, давайте рассмотрим все это:

    Первое: на просторах информационной сферы Якутии однозначно и быстро был реализован тезис: нас не любят и поэтому нас гнобят в лице нашего Ил Дархана. По законам информационной войны — кто опередил — тому и тапки. Ну, а то, что говорят «опосля» на просторах информационного поля России (за пределами якутского поля) — не столь важно.

    Второе: российские интернет-ресурсы опомнились чуть позже и то в качестве реакции. То есть изначально проиграли. Даже со своими доказательствами — они и воспринимаются уже в другом свете и не совсем «правильно». Тем самым удалось главное — спровоцировать федеральную структуру на действия, после которого можно говорить: а что вы ждали еще от них?!

  4. Бродяга

    Третье: сила информационного удара от якутской блогосферы была такая, что пришлось подключаться всем ресурсам федеральных СМИ первой величины — начиная с Первого канала, кончая популярными интернет-ресурсами. Администрация Путина говорила: ни-ка-ких скандалов. И тут грянул скандал. Знатный. От души. И многие сравнили ее с публикацией Елены Масюк в свое время. Хороший игнор указаний Путина, правда?

    Четвертое: скандал, несмотря на серьезные предостережения с Кремлевского холма, не был УДЕРЖАН со стороны ДП-1. Наоборот, он послужил катализатором. Тем самым сработано достаточно жестко: теперь на настроения избирателя Якутии оказано заметно сильное воздействие — «ох уж эти охамевшие федеральные структуры…». Дело ведь не в Аэрофлоте, а в «этих федеральных структурах» — Сургутнефтегаз, Транснефть, Аэрофлот… и т.д.

    Пятое: наш лидер (Ил Дархан Республики Саха (Якутия) Егор Афанасьевич Борисов) оказался «голым» — без прикрытия и поддержки федеральных чиновников — куда грозил пожаловаться. Он понял, что его жалобы уже не будут услышаны. Вся ЯКОБЫ выстроенная система взаимоотношений с федеральными структурами — на деле оказалась НОЛЬЮ. Что-то произошло. И это — урок на будущее любому руководителю Республики в будущем.

    Шестое: ситуация начинает выходить из-под контроля республиканских структур. Федеральные структуры смотрят и не понимают, что происходит » в связи с этим». А происходит грандиозный тектонический сдвиг в сознании народов Республики Саха: вчера Сургутнефтегаз и его «герой» Лейкин, сегодня — Аэрофлот и его «герой» Борисов. Все бы ничего — но он является все еще лидером народов Республики. И этот сдвиг проявится не сейчас, в марте, а осенью на выборах.

    Вот — как-то так….

  5. Бродяга

    Еще:

    Если многие ура-патриоты Республики, которые до этого Егора Афанасьевича «записывали» в предатели интересов народа саха, и обвинение в том, что он продался федералам — стало общим местом — то теперь мы видим совершенно другое явление: образ гонимого, страдающего от федеральной структуры НАШЕГО лидера. Своей аппаратной мобилизацией против произвола федеральной структуры решил продемонстрировать — что он в первых рядах в борьбе против произвола федеральных структур.

    Теперь, «получив по шапке» от Кремлевского холма, наш Лидер решил поменять свою позицию. Для чего и призвал своих министров и особо преданных депутатов помочь. И они начали выступать. Вот такие вот «загогулины» пошли….

    Грехи наши….

  6. Сепке суруллубут

    Барыта кырдьык итинник

  7. Восток

    Барыттан бары куттанан туьэн.90-сылга диэри Совет. былааска нууччалар салайан кэлтэрэ ким да олбото5о дьадайбата5а билицци курдук.»Табаьыттар» табаны да сатаан салайбат эрээри ата5ын быьан тылын тууран ураьа курдук туппут евро-хотонноро кэннилэриттэн сууллар тоьо суоьуну суорума суоллаатылар.Саха сирин атыылаан уьун сонноммотторо буолуо.Билигин а5ай биир презд.кандитат эттэ: олорор сиргитин Инвесторга босхо биэрэн хастарымац бэйэ5ит умнаьыт буолуоххут диир.СевКав костон турары уодьуганаатылар дойду да урдунэн бэрээдэк баар буолуохтаах.Магадацца диэри суол тутуутугар раб. сила наада буолуо.

    • Мария

      Ол советска былаас буолан буоллаҕа. Булан эппит дии. Билигин хищниктэр былаастара буолбат дуо. Акаары толкуй дии.

  8. 12

    ама да5аны, биhи итиччэ юлюгэр акааарыларбыт ду…бэрт былдьаhарга баар а5ай 8йбютюн биир санаа5а тюмпэт сордоохторбут ду. Оччо5о оол «8йбют» да томо5о суо буолла5а. Чэ кэбис, онноо5ор кыылларга да баар ээ — бэйэни к8мюскэhэр, 8лб8т буолтан бииргэ буолуу, бэйэ бэйэни сиэбэт инстинкт…Уонна дьэ айыл5аны-кыыллары 8йдююр дьоммут дэнэбит…пахай диэх курдук… Оол эрэн, эрэл баар…Хата итинник оннук-маннык тюбэлтэлэр норуот хара5ын кырдьыгы ис суолтатын ис-иhиттэн тёрют-чолуу кёрёргё аhаллар.

  9. Байбал

    Миисэ курдук акаары дьон баарын тухаоы норуот енуйбэт. Хомолтото ол баар.

  10. 12

    уонна наьаа ити дьыала5а суолта биэрэр сатаммата ду хайдах эбитэ буолла. Киьи барыта билэр, автобуска да кондуктардар наьаа оннук культура5а ёрэммэтэх дьонннор ини. Онно барытыгар аа5ыстахха олохпут да ааьар ини. ООл эрэн, сыаллаах дьон кыраттан да ин,нэн ону маны айдаараллара баар суол буолла5а. Ону 8т8 к8р8н , хайдах эрэ мындырдык быьаарыахха наада буолуо. дьэ иннэ к8рюллу8, т8ь8 8йбют баара))ыраа5ы — киэни сатыырбыт…

  11. фома

    далеко зашли в поисках первопричин. возможно, провокация была, а возможно все очень банальна и имеет чисто психологические , бытовые, так сказать первопричины как со стороны стюрдессы и экипажа, как и со стороны нащих.Скорее со стороны экипажа. Вип- есть вип, они обязаны были отнестись соответственно. Вообще все эти сюжеты по телику о авиадебоширах и о том как страдают от этого экипаж и стюардессы, принятие соответствующих законов, похоже. привели к тому, что некоторые стюардессы и экипажи стали чувствовать себя некими всевластными лицами на борту, реализующими на борту самолета свои комплексы и неутоленные жажду власти. а впрочем все как в россии. хотели лучше, получилось как всегда.

  12. мин

    Оттон Артык ол манна5ы кыра иирсээнэри мэлдьи кууркэтээччи буолбатах этэ дуо? Попову да ылын, Балакшины да ылын. Аны кэлэн тумсун дул5а5а соттооччу кини буолбут эбит.

  13. 4435

    Оттон олохтоох авиакомпанияҕа — олохтоох дьон үлэлиир. Ол пилоттарыҥ буоллун, техниктарын буоллуҥ – саха уолаттара сылдьаллар. Кинилэри атын авиакомпанияларга үлэлэтиэхтэрэ дуо? Онон, биир өттүнэн, “Якутия” авиакомпания саха омугун техническэй идэлэргэ сыстар кыһата, оскуолата буолан турар.
    ========
    Сыбыс-сымыйанан! «Якутия» АК-5а биир да саханы кере иликпин.

    • Сымыйаччы эбиккин дии доо!

      Оттон бу биЬиги сахалар элбэх буолан манна улэлии сылдьабыт дии
      Иирээкигин быЬыылаах?
      Баран эмтэн ээ

      • 4435

        Биир да саха пилотун да стюардессатын да кере иликпин Москва5а кетерге. Ба5ар уборщицанан улэлиирин буолуо, билбэтим. А5ыйах саха баара буолуо атах-бытах улэ5э. Хамнастаах еттугэр барыта кэлии омук.

  14. Бу киЬи кырдьык иирээки эбит

    Ол пилоттар сахаларын-нууччаларын хантан биллин доо?
    Били Шигапов курдук кабинка5а кетен туЬен кербутун даа?
    Саха пилот уолаттар бааллар.
    Саха стюардессалар бааллар.
    Аппараакка саха буолунай, гендиректор эмиэ саха кыыЬа.
    Ханна да кеппекке Котенко5а палаата5а хаайыллан олорон куолулуугун быЬыылаах, бугага!

    • 4435

      Керен билэр буолла5ым дии. Гендиректор Григорьеваны кыыс диэн ааттыыгын дуо? Бу киьи иирээки быьыылаах.

  15. ЧЕК

    БЕА купил недвижимость в США.

  16. мин

    господи! народ! вспомните нашего тойона в комитете. Его повадку, голос, вальяжность и пр. Это копия того поступка на борту самолета

Оставить комментарий