Курс валют
$
63.79
0.17
71.72
0.2
Курс валют
Курс валют
$
63.79
0.17
71.72
0.2
Меню
Поиск по сайту

 Сөдүөт Тумууһап: “Айсен Николаев мин эппит киһибиттэн кими даҕаны үлэҕэ ылбата”

26.03.2019 15:32 23
 Сөдүөт Тумууһап: “Айсен Николаев мин эппит киһибиттэн кими даҕаны үлэҕэ ылбата”

-Көрбөтөх күтүр өр буолла. Дорообо, Сөдүөт Сэмэнэбис!

-Дорообо, олох уларыйбатаххын, энергия бөҕө!

Москубалар култуура бөҕө дуу? – култууралаах дьон куолутунан бэйэ-бэйэбитин хайҕастыбыт. Ол эрээри, кырдьык, Тумууһап кур бэйэтэ кубулуйбатах. Куйааска от охсубатах, тымныыга мас мастаабатах.

ДП-2 иккис этээһигэр анал хостоммут, аанын таһыгар сурук-бичик буолунай. Былаас уларыйан күнэ чэмэлкэйэ өтө көстөр.

Госдума депутата Сөдүөт Тумууһап “Аартыкка “ анаан интервью биэрдэ. Көмөлөһөөччүтэ кыыс “хайдах баҕарар боппуруоһу биэриэххин сөп” диэн эрдэ сэрэтээһиннээх көрсүһүү тэрийдэ.

Бастатан туран, ааспыттааҥҥы миитини ырытыстыбыт.

“Мин экономист да, политик да быһыытынан ханнык баҕарар общественнай көстүүгэ экономическэй төрүөтү көрөбүн”, — диир. Кини санаатынан,  кэлиҥҥи сылларга Россия үрдүнэн дьон-сэргэ дьиҥнээх дохуота 40-ча бырыһыантан ордук түспүтэ, дьадайыы барбыта, онтон сылтаан тыҥааһын мунньуллан-көймөстөн баран омук киһитэ буруйу оҥорбутугар детонатор суолталаммыт.

Иккис төрүөтүнэн, депутат, Россия правительствота Уһук Хоту территорияларга сыһыаннаан чопчу государственнай политиката суоҕун ыйар:

  “Биир өттүнэн, Сэбиэскэй былаас саҕана ылыллыбыт Уһук Хоту уонна онно тэҥнээх оройуоннарга компенсация көрүллэрин туһунан сокуон баар: оройуоннааҕы коэффициент, хамнаска хотугу эбии төлөбүр ааҕыллыыта, икки сылга биирдэ айаны уйунуу, оҕо сынньалаҥын уйунуу, аска-табаарга, сөмөлүөт билиэтигэр дотация о.д.а. чэпчэтиилэр бааллара. ССРС саҕана хамнаспыт киин регионнардааҕар 2,5 төгүл элбэх этэ. Оттон билигин төттөрү икки төгүл аччаата.

Иккис өттүнэн, Егор Гайдар правительство бэрэссэдээтэлинэн олорон этэн турардаах хоту дойдуга дьон олоруо суохтаах, дьону хотуттан соҕуруу көһөрөбүт диэн. Онуоха анал  программа ылларан турар. Дьиэ сертификатын биэрэ-биэрэ, проеһын төлүү-төлүү көһөрүү саҕаламмыта. Ол гынан баран, программаҕа хапсарга  30-40 сыл уочаракка туруоххун наада. Онон Россия правительствота, биир өттүнэн, дьону хоту олохсутарга  социальнай өттүн көрөр курдук, иккис өттүнэн, эмиэ да көһөрө сатыыр курдук. Уонна хайатыгар да  түптээн үп көрбөт”.

-Миитини салайар дирижер баар этэ диэн этиигэ сөбүлэһэҕин?

-Туох баҕарар диэн куолулуохха сөп. Ол гынан баран, мин биир алҕас оҥоһулунна дии саныыбын. Аан бастаан мустубут 200-чэкэ киһиэхэ тахсан тоҕо сарсыныгар “Триумфка” ыҥырыахха наада этэй? Тарҕаһыҥ, суут-сокуон быһаарыа диэн этиллиэхтээҕэ. Ким сорудаҕынан дуу, бэйэтин санаатынан дуу АГИП салайааччыта дьону “Триумфка” ыҥырбытын билбит суох. Ол гынан баран АГИП салайааччыта республикаҕа төрдүс киһи, кини ыҥырыыта бүтүн республика олохтооҕор туһаайыллыбыт ыҥырыы курдук буолан таҕыста. Дьон кэлиминэ… Сыыһа хамсаныы.

-Онтон Ил Дархан, мээр?

-Ил Дархан, мээр даҕаны бу балаһыанньаҕа саамай сөптөөхтүк дьаһаннылар. Мустубут дьон күүһүн-уоҕун, кыһыытын-абатын сөптөөх хайысхаҕа хайыһыннардылар. Өскөтүн кинилэр утарылаһан дуу, уоскута сатаан дуу саҥарбыттара буоллар ким истиэх этэй? Ол кэнниттэн туох хамсааһын тахсыаҕа биллибэт этэ. Билигин кинилэр эппит тылларын быһыта-орута тардан ылан олох да үлүбээй эргитэ, буруйдуу сылдьаллар. Ити олох сыыһа. Быһылааны, балаһыанньаны, дьон күүрээнин, тыл этиини барытын ситимнээн көрүөххэ наада.

-Сорох федеральнай ханааллар, Саха сиригэр кытаанах ытарча, илии наада, хаайталыахха, сууттуохха диэн ыҥыран эрэллэр.

-Өрүс мууһа барарыгар бөх-сыыс, кир-хах, күүгэн бөҕө тахсар. Муус барбытын кэннэ уу ырааһырар. Ханнык баҕарар үчүгэй хамсааһыҥҥа кытыытыгар кир-хах баар буолар. Ол гынан баран ол куһаҕан санаа баһыйыа суохтаах. Ол баһыйбатын туһугар салалта да үлэлиэхтээх, общество да, дьон-сэргэ да түмсэн биир санаанан үлэлиэхтээх. Куһаҕаны санааһын, куһаҕаҥҥа ыҥырыы – ньүкэн быһыы.

-Эн санааҕар, бу кэннэ Саха сиригэр сыһыаннаан федеральнай киин санкция ылыныа дуу?

-Ханнык баҕарар көстүүнү ырытарга, сыаналыырга хайдах хараҕынан көрөртөн  улахан тутулуктаах. 30-с сыллардаахха саха чулуу дьонун, интеллигенциябытын “ньиэмэс, дьоппуон үспүйүөннэрэ”, “националистар” диэн буруйдаан репрессийэлээбиттэрэ.  50-с, 80-с сыллардаахха эдэр дьон иирсээниттэн сылтаан бүтүн норуоту омугумсуйууга күтүрээбиттэрэ. Урут дойдуга баар проблеманы “национализм” таһымыгар таһааран быһаара сатаабыттара. Билигин оннук кыһалҕа суох дии саныыбын. Биһиги экономическай боппуруостары быһаарыахтаахпыт. Дьон олоҕо-дьаһаҕа тупсуохтаах, сөптөөх дьиэлээх-уоттаах, астаах-үөллээх, таҥастаах-саптаах буолуохтаах. Оччоҕо итинник миитиннэр тахсыа суохтара. Экономическай кыһалҕаны быһаарбакка эрэ “омугумсуйууга” сигэнэ сырыттахха балаһыанньа уларыйбат, өссө сэтэриэн сөп.  Аны олох тупсарыгар дойду, республика былааһа эрэ буолбакка хас биирдии киһи, ыал, общество эмиэ биир саналаах буолуохтаах, холбоһон, түмсэн үлэлиэхтээхпит. Кими эрэ сирэй-харах анньан, үтүрүйэн, тутан-хаайан тугу да ситиспэппит. Дьон олоҕо тубустаҕына ким миитиннии тахсыай?

-Дьөгүөр Барыыһаптыын сыһыаҥҥыт билигин хайдаҕый?

-Хайдах да буолбатах. Сыһыаммыт суох.

-2014 сыллаахха Ил Дархан быыбарыгар тоҕо кыттыбатаххыный? Урут бэйэҥ этэр этиҥ дии – политикпын, быыбарга кыттыахтаахпын, сыалым-соругум президент буолуу диэн. Эбэтэр кырдьык “Бассаап” кэпсииринии, турумматыҥ туһугар 60 мөл. биэрбиттэрэ дуу?

-Наһаа үчүгэй буолуох этэ 60 мөлүйүөн биэрбиттэрэ буоллар, 6 да солкуобай биэрбиттэрэ буоллар (күлэр). Мин турарга уонна кыайарга бэлэм этим. Саха Республикатын сокуонунан, Дьөгүөр Барыыһап уонна кини Ил Түмэнэ ылбыт сокуоннарынан, Ил Дархан быыбарыгар биирдиилээн киһи турар бырааба суох. Партия эрэ туруорбут кандидата быыбарга кыттыахтаах. Путин Мироновы (“Сиэрдээх Россия” партия лидерин) ыҥыран ылар уонна эһиги кандидаккытын көрдүм ол эрээри Барыыһабы талабын, быыбарга кыттымаҥ, кэлэн-баран дьону буккуйумаҥ диир буоллаҕа. Сергей Михайлович Миронов миигин ыҥыран баран ол кэпсэтиини тиэрдэр уонна партия президиума мин кандидатурабын бигэргэппэт. Бүттэ.

-Оччоҕо үөһэ бэлиэр быһааран кэбиспиттэр диэтиҥ?

-Быһааран. Биирдиилээн дьон Ил Дархан быыбарыгар кыттар бырааптаахтара буоллар мин кыттыам этэ. Муниципальнай барьеры ааһар кыахтаах этим, очччолорго да, билигин да бэрэстэбиитэллээх уорганнарга депутаттарбыт ахсаана сөп түбэһэр.

-Оттон Александр Жиркову ааспыт быыбарга тоҕо кыайан туораппатыгыт?

-Бээһээ РФ Үрдүкү суутугар хоттордубут.

-Но.

-Хотторон.

-Быыбар кэнниттэн сууттаһан хоппут кандидат диэн суох ээ.

-Россияҕа оннук практика суох. Ол гынан баран салгыы сууттаһыахпыт, РФ Конституционнай суутугар тиийэ барыахпыт.

-Жирковтыын сыһыаҥҥыт тоҥкуруун?

-Мин өттүбүттэн өс-саас ситиһэр санаа төрүкүттэн суох. Жирков, 2004 сыллаахха үлэтэ суох сырыттахпына, бэйэтин солбуйааччытынан үлэҕэ ылан абыраан турар.

-Ол ону былырыын быыбартан уста сатаан “махтанныҥ”?

-Бэйи, кэпсиим, кини миэхэ туохтан өһүргэммитин. Ил Түмэн үһүс ыҥырыылаах мунньаҕар депутат дьахтары биир мунньахха куһаҕан баҕайытык саҥаран кэбиспитэ. Ону мин киэһэ көрсөн хайдах буолаҕын диэн кыыһырдаҕым дии. Охсуһа сыспыппыт. Ол кэннэ дорооболоспот да, кэпсэппэт даҕаны. Бэйэтэ оннук киһи.

Быыбары этэр буоллахха, быыбар туһа туспа. Быыбар — анал үлэ, хас да салаалардаах. Билигин үксэ юристар сэриилэрэ.  Сокуон тутуһулларын-тутуһуллубатын тула мөккүөр.

Санаттахха, былырыын Ил Түмэн быыбарыгар Бороҕоннооҕу биир мандаттаах уокурукка, эсердэр Жирков  спойлерын быыбартан уһулан баран, бэйэлэрин киһилэрин эмиэ уста сатаабыттара кыаллыбатаҕа. “Жирковтаах  тактическай өттүнэн сөпкө дьаһаммыттара.  Байыастар буоллаҕа. Ол гынан баран сокуону кэһэн туран”, — диэн Тумууһап бэлиэтиир.

-Конституционнай суукка кыайдаххытына Жирковтан мандатын былдьыыгыт?

-Конституционнай суут кимтэн да, тугун да былдьаабат.

-Хата.

-Быһаарыы биэрэр. Ханнык баҕарар кандидат ыалдьыбыт, ыспыраапкалаах буоллаҕына, бэйэтин баҕатынан быыбартан хаһан баҕарар уһуллар кыахтаах диэн. Ол наада биһиэхэ.

-Кэлэр быыбардарга хайыҥ охсунан диэ.

-Оннук.

-Иван Степанов, “Сир” хамсааһын салайааччыта эһиэхэ көмөлөспүтэ ахан. Үлэ буларыгар тоҕо көмөлөспөтүҥ? Ханна эрэ көскө ыытан кэбистигит?

-Барыларыгар көмөлөһө сатыыбыт.

-…даҕаны үлэ суох?

-Мин эппит киһибиттэн Айсен Сергеевич кими да үлэҕэ ыла илик. Быһаарбата.

-Дуо, оттон ДП иһэ тобус-толору САПИ буолбатах дуо?

-Бааллар, “сапилар” элбэхтэр. САПИ диэн сүрдээх үчүгэй тэрилтэ этэ. Айсен Сергеевич да онтон үүммүтэ. Онно чулуу дьону талан үлэлэппитим. Ол иһин да онно үлэлээбит дьон инники күөҥҥэ сылдьаллар эрээри, бу сырыыга, мин ааттаабыт дьоммуттан ДП-га ким да суох.

-Ээ, Сөдүөт уолугар этэн кадровай боппуруоһу быһаарбыт дии санаабыппыт баара… Икки улууска уонна Жатайга баһылыгы талар быыбар буолар. Онно эсердэр кыттыһаҕыт?

-Үлэлии сылдьабыт эрээри, чуо кыайыан сөптөөх күүстээх кандидаттарбыт суохтар. Онон партията суох дьон биһиэхэ кэлиэхтэрин сөп, өйүүргэ бэлэммит.

-…испииһэк аһаҕас?

-Өлүөхүмэҕэ биһиги партиябытыттан туруналларыгар икки киһини кытары кэпсэтэ сылдьабыт даҕаны, иккис киһи саарбахтыыр быһыылаах дуу? (көмөлөһөөччү уолуттан ыйытар). Аллараа Халымаҕа, Жатайга дьон көстүөх курдук.

-Өлүөхүмэҕэ Матвей Евсеев Эдуард Кондратьевы өйүүр дииллэр. Оччотугар эһиги Евсеевы утары киирсэҕит?

-Биһиги кими да утары киирсибэппит, биһиги куолас иһин киирсэбит.

-Политик хоруйа. “Аартык” эйигин кириитикэлиирин туох дии саныыгын?

-Наар ыыстаан тахсарын? (күлэр). Туйаара Нутчинаны киһи да быһыытынан, суруналыыс да быһыытынан убаастыыбын, ханнык эрэ түгэҥҥэ бэйэтэ позициялаах, көрүүлээх буолара бааламмат. Оннук да буолуохтаах. Тус бэйэм ол онтон киһилии сыһыан алдьаныа суохтаах дии саныыбын. Кириитикэҕэ, биллэн турар, ханнык да киһи улаханнык үөрбэтэ буолуо эрээри политик киһи быһыытынан кириитикэҕэ холкутук сыһыаннаһабын.

-Отучча сыл иһигэр этиҥ да үөрэннэҕэ.

-Ханнык баҕарар пиар, некрологтан ураты, пиар буоллаҕа.

-Некролог эмиэ пиар. Ол эрээри — тиһэх.

-Бэйи, өлөн да баран пиарданар дьон баар.

-Госдума аныгыскы быыбарыгар киирсэҕин дуу?

-Норуот тур диэтэҕинэ, норуот өйүүр буоллаҕына – киирсиэм.

-Үгэһирбит хоруй быһыытынан эппиэттээтиҥ. Үһүс болдьоххо Госдума депутатынан талыллан сылдьаҕын. Дьон итэҕэлин боруостаатым дии саныыгын дуу?

-Госдума депутата диэн тугуй?

-Дьэ эрэ…

-Дойду үрдүкү сокуонун оҥорор уорганыгар сахалар ааттарыттан бэрэстэбиитэл: сахалар маннык кыһалҕалаах, маннык боппуруостары туруорсар, маннык саҥалаах-иҥэлээх, өйдөөх-санаалаах, тыллаах-өстөөх дьон диэн. Сахалар ааттарын түһэн биэрбэккэ, дьоһуннук үлэлээн-хамсаан кэллим дии саныыбын. Убаастыыллар, ытыктыыллар. Тыл эттэхпинэ, партияларыттан тутулуга суох, оруннаахтык эттиҥ диэн кэлэн илии тутуһаллар.

Иккиһинэн, депутат сокуону онорор киһи. Дьон олоҕун сокуон өттүнэн көрөн чэпчэтиигэ утумнаахтык               үлэлэһэбин. Холобур, доруобуйа харыстабылыгар сыһыаннаах элбэх сокуон барылын оҥорон                     киллэрбитим, сороҕо ылылынна, сороҕо суох. Ахсаан уонна хаачыстыба өттүттэн,  450 депутаттан, биир саамай   инники күөҥҥэ сылдьабын. Ити киһиргэнии буолбатах, официальнай статистика баар.

Урут, кистэл буолбатах, республика салалтата бииргэ үлэлэһиэхтээҕэр буолуох, Дьөгүөр Барыыһап бэл приемнаабат да этэ.

-Соторутааҕыта “сомоҕолоһон” ахан турар хаартыскаҕыт баара дии?

-Путин Илдьитигэр кэлэн баран эмискэ түбэһэн хаартыскаҕа түспүппүт.

-Оҕолоруҥ Москваҕа бааллар дуо, Сөдүөт Сэмэнэбис?

-Москваҕа. Ким үлэҕэ ылыах этэй манна мин оҕолорбун? Онон Москваҕа олороллоругар күһэллибиттэрэ.

-Тугунан дьарыктаналлар?

-Биир — госкорпорацияҕа, иккис – госсулууспаҕа.

-Төннүөхтэрэ этэ дуу? Баҕараллар?

-Баҕаран бөҕө буоллаҕа. Үчүгэй үлэ, хамнас баар буоллаҕына төннүөх этилэр.

-Хас сиэннэнниҥ?

-Үс. Сиэн диэн баар эбит дьикти дьон… Биир сиэним манна кэлсэ сылдьар, Соня, 9 саастаах.

-Кийиит, күтүөт сахалар?

-Сахалар.

Кэпсэтэн бүтэн баран хаартыскаҕа түһэрэр кэммэр, Тумууһаптан ыйытабын: “Губарев (КПРФ)  быыбар аайы туой туонна көмүһү сураһар дии”. Онуоха: “Хоббита буоллаҕа, — диир. – Прокуратураҕа уонна Силиэстийэлиир кэмитиэккэ хаста да баһааҕырдар диэн үҥсэн көрбүтүм – хамсаабат”. Политик онуоха Л.Диодоровы (уруккута прокурор, билиҥҥитэ хомуньуустар албакааттара) уонна А. Алексеевы (Төлөннөөх Артур уола Силиэстийэлиир управлениеҕа солбуйар салайааччы) күтүрүүр эбит.

Онон оннук.

***

Кэпсэттэ Туйаара НУТЧИНА,

Aartyk.Ru

Обсуждение • 23

Добавить комментарий
  1. Артур

    тонна көмүспүт?

  2. Кугдаров

    Надо признать, Тумусов вобще то, красавчик, единственный кадр, сумевший обвести вокруг пальца нашего всего — первого Президента М.Е.Н, и до сих пор находящийся на гребне волны.

  3. Евсеев

    Все знаем , что на выборах ил т.үмэн СР спасли только общественники. У них своих то кандидатов не было. Все ушли. Надеялись на московских юристов и то они о.босрались. Даже деревенскому мужику Ша.маеву в Москве с юристами москвичами проиграли пух и прах. Говорят , это первый и наверно последний случай

    • 🤨

      Почему Шамаев деревенский? Оскорбить хотите? Он настоящий ставленник народа, а не ваш Тумусов. Эсеры в истории всегда были перевертышами, желающими кататься в масле. На народ они начхали.

  4. Минсаха

    Маладьыас! Эсердэри сепке талан, Госдума5а депутаттаан оло5ун моноото. О5олорун курлук, манна ким кинини улэ5э ылыа этэй, правительство5а дуу, былааска дуу. Ил- Тумэннэ да быыбарданара биллибэт этэ. САПИ -га элбэх харчы ыскайдаммыта, норуот бэйэтэ сиэтэ5э дии. Хонторуол мелтех курдук этэ. Учугэй менеджер буолбакка, политикка кеспутэ, Остап Бендер курдук: » Графа Монте-Кристо из меня не получилось. Придётся переквалифицироваться в управдомы»

  5. Хопто

    Эппиэт да ыйытыы да сүрдээх боростуойдар.Киьи,ааҕан саҥаны билэрэ суох.Нутчина да, Аартык рулар саха баар суох тахсыбыт дьонун хотор идэлээхтэр. Инники өттүгэр уларыйан өйүүллэрэ буоллар ааҕааччы быдан өйдүө этэ

  6. Марина

    Мне нравится как подает материал Туйаара Нутчина😄. Читабельно, с юморком, скучные темы обретают интересные оттенки👍🏻👍🏻👍🏻

  7. Байбал

    Олус умсугуйбат политигым. Ол эрэн бэркэ суруллубут.

  8. Долгун

    Үс республика бастакы сирэйдэрэ баһылыыр кэмнэригэр кытаанах опалаҕа сылдьыбыта да, 3 төгүл Госдума депутата буолбута сөхтөрөр. Норуот ол аата өйдүүр уонна өйүүр киһитэ! Дьиҥ норуот депутата, Тумусов. Дьон ааттыырыттан да ол көстөр- судургутук Тумус дииллэр эбэтэр Һөдүөт дииллэр. Оттон кими эрэ андаатартан атыннык ааттаабаттар, билиҥҥэ дылы. Ити элбэҕи этэр бэлиэ буолар.

  9. 🤨

    Тонна көмүһү сиэн баран… Сапи — мафия, уоруйахтар. Правительствоҕа сапилар элбэх буоллахтарына тугу күүтүллүөй? Саарбах балаһыанньа.
    Тумусов куруук кэнниттэн далбаатанар уонна харах баайан пиардана сатыыр.
    Итэҕэйиллибэт буолта ыраатта.

  10. Оннук

    Саха чулуута буолан, мунутуур былаас урдуку органыгар уьус срокка талыллан улэлии сырытта5а. То5о эрэ кинини сволочь дииллэр да, наша сволочь:) Маладьыас киьи, ситиьиилэри ба5арабыт!

  11. hаха

    «Көрбөтөх күтүр өр буолла»- кутур диэн тыл учугэйгэ туттуллубат эни. «Бу кутуру» — синоним «Бу абааhыны», «Дьаабы кутур». Ол аата Туйаара кэпсэтэр киhитин то5о «кутур» диэтэ, иhэ истээх…

  12. Мичилиис

    Саха тылын билбэт журналист, боппуоруостара да сыыса бэриллибиттэр

  13. Тунгус

    Сахалыы судургутук, киьи эйдуур гына суруллубут интервью дии санаатым. Норуот абааьы кэрэр, итэ5эйбэт киьитэ диэн этэллэр эбит сорох дьон кооментарийдарга. Сэ5э5ун эрэ ити дьон кылгас эйун, кыра ычатын. Саха Сирэ барыта билэр, тэьэлээх уп, тэьэлээх административнай ресурса Тумууьабы Госдума5а талларбат туьугар улэлээбитин. Ол урдунэн ити улугэр харгыстары то5о солоон Улуу Россия Чыпчаал органын депутатынан талыллыы сэ5умэр дьыала. Киьи сэ5уэн уонна хайгыан эрэ сэптээх. Ол аата дьон-сэргэ ылынар, эрэнэр буолла5а эбээт, кини туьугар Избирком подделка, сброс оцорбото5о чуолкай, хата тэьэ кыалларынан кэ5урэтэ сатаабыттарын киьи саарбахтаабат. Дьэ дьицнээх Тумус Таас диэтэ5иц.

  14. Рио

    А кто эта роковая женщина, из за которой поссорилисьполитики?

  15. Ээ

    ЖАН Лиза Сидорованы улту уехпут этэ
    Ону Тумус кемускэспит эбит

  16. мда

    В отношениях с Жирковым, оказывается, всего-навсего знаменитое «ищите женщину!». по-итогам интерьвю » хорошая жена, хорошие дети, хорошие внуки в госкорпорациях, что еще нужно человеку на старость!». а так видно, что человек все свои проблемы в основном решил. расслабленно -довольный.

  17. уйбан

    «триумф» событиетын, федор борисов тусунан бэрт интэриэсинэйдик эппит. адьас бэйэтин тус мнениета эрэ буолбатах бысыылаах. «Уосээлэргэ» агип тойоно борисов алгасы онорбутун, ону ил дархан икки мээр икки «быысаабыттарын» курдук версияны тиэрдэргэ улэлэспит бысыылаах. Николаевтаах Аквсентьева «уосээлэри» кытта обьяснениеларын тактиката оносуллубут. Борисов киситэ Борисов арааса, сотору ….

  18. Тыа уола

    Тумусов ФС одномандатнайынан талыллыбыт киьи ол аата дьин норуот бэйэтэ талбыт киьитэ буолар. Ол да элбэ5и этэр, буолаары буолан ус тегул.

  19. 63

    Тумус норуот депутата, туох да диэбиттэрин иһин. Маладьыас киһи!

Оставить комментарий