Оҕо бэчээтин дьылҕата суукка тиийдэ
Бүгүн, ахсынньы 9 күнүгэр, Дьокуускай куорат суутугар “Кэскил”, “Юность Севера” хаһыаттар сүрүн редактордарын Евдокия Иринцееваны сокуоннайа суох үлэтиттэн ууратыы дьыалата көрүллэ турар.
Судьуйа – Макаров, эппиэттээччи – Н.Е.Мординов-Амма Аччыгыйа аатынан “Кэскил” оҕо издательствотын салайааччыта Ольга Семенова.
Ольга Семенова директорынан кулун тутарга анаммыта. Дуоһунаһыгар киириитин мининновация солбуйар миниистирэ Чокуур Гаврильев билиһиннэрбитэ. Гаврильев саҥа салайааччы ааттаах-суоллаах Нина Иннокентьевна Протопопова олохтообут үгэһин салгыаҕа, оҕо хаһыатын аныгы технологияҕа киллэриэҕэ диэн эрэннэрбитэ.
Ол гынан баран Ольга Семенова, хомойуох иһин, хара маҥнайгыттан оҕо хаһыатыгар өр кэм бэриниилээхтик үлэлээбит, саха суруналыыстыкатын уонна бэчээтин сайдыытыгар улахан кылааты киллэрбит суруналыыстары сойуолаһыынан дьарыктанан барбыта. Сүрүн охсууну биһиги биллэр, билинэр, ытыктыыр талааннаах суруналыыспыт, суруйааччыбыт Евдокия Иринцеева ылла. Бу туһунан Aartyk сиһилии эрдэ суруйан турар. Билигин ол дьыала суут саалатыгар салҕанар.
Сокуону баламаттык кэһэн туран киһини үлэтиттэн ууратыы, кэлин сыыһа гыммыттарын билинэн, “син биир уурай, ол эрээри моральнай компенсацияҕыттан аккаастан, ылбатах хамнаһыҥ онто да суох дэлэй” диэн бассаабынан сапыыскалааһын – саҥа салалта, буолаары буолан оҕо издательствотыгар бөрүкүтэ суох кэми аҕалбытын туоһулуур.
Харчы харчынан, оттон бу – саас, сайын, күһүн устата киһини үнтү мөрөйдөөн, доруобуйатын айгыратан, олоҕун, дьонун, уутун уйгуурдуу төһөҕү-туохха сыаналанара буолла… Киһи олоҕо диэн кылгас эбээт. Дуоһунас бүгүн баар, сарсын суох. Ол кэнниттэн киһи сирэйин таба көрүү кэмэ кэлэрин эмиэ өйдүөххэ баара.
Бүгүн суукка Евдокия Семеновна тулуйбакка өйүн сүтэрдэ, суһал көмө кэлэ сырытта. Сыл аҥаарын ордук туруулаһыы сыаннан аҕаабата биллэр. Эт киһи элэйэр. Ол да буоллар өр моруу гыммыт дьыаланы тиһэҕэр диэри тиэрдээри суруналыыс салгыы суут буоларыгар көрдөстө. Кинини өйөөн суукка кэлбит, сууту кэтиир дьоно-сэргэтэ, коллегалара аата-ахсаана суохтар.
Бүгүҥҥү суут соҕотох Иринцеева дьыалата эрэ буолбатах. Сахалыы бэчээт уопсай билиҥҥи туругун бу суут көрдөрөр. “Хаамаайы” диэбиккэ дылы, олохпутугар, салалтабытыгар устугас, хаамаайы дьон наһаа элбээтэ.
Уһуну-киэҥи толкуйдаабат, сахалыы төрүт тылын аанньа ахтыбат “инновационнай” маргиналлар баһылаатылар. Суут-сокуон диэни аахайбат, билбэт, хаардыы хаамар баҕалаах “эдэр-эрчимнээх” ыччат -салайааччы дьон, туораласпыты барытын төбөтүн үрдүнэн атыллаан барарга бэлэм. Оннук дьон саха бэчээтин суолтатын, ис дьиҥин, иитэр-такайар оруолун, тылы харыстыыр, тарҕатар аналын өйдөөн эрдэхтэрэ буолуо диэн эрэнэр улахан саарбах.
***
Aartyk.Ru
Тоҕо эрэ биир өрүт наар атаҕастаммыт-баттаммыт аатырда. Кэскилгэ бэрт аҕыйах сыл иһигэр үһүс директор үлэлээн эрэр. Икки бастакыны бу сууттаһа сатыыр эрэдээктэр ис буолбакка уураттарбыта ээ. Үһүс директор ону көрөн-билэн үлэҕэ киирдэҕэ. Тоҕо эрэ кини санаатын ким да ыйыппат. Үһүс директоры тииһэ хоппото быһыылаах сууттаһааччы.
Семеновтар хоттордулар. Огдо маладьыас!!! Унту тэпсиэхтэрэ суога!
Аа, Гоголев уонна Андреевв улэлээбиттэрэ. Гоголев хайдах уурайбытын билбэппин. Андреева издаткльство улэтин так и ейдеебекке уурайда, бадага. Анал буручуескэ онорор хамнастаах улэьити тутан олорон, хас эмэ солбуйааччытын кытта женсэбиэт улэтинэн дьарыгырара. Огдо ону хайдах батарбатах уьу?
Чокуур диэн чокуур буолла5а дии, хорошего не жди.
Гоголев, Андреева, Семенова дьэ диэ
Оттон пестряков То5о кемускэспэтэ5эй? Бэйэтин эрэ иннин керунэн олорбута кестен кэллэ. Еринцееваны Нина Протопопова бэйэтэ ал5аан хаалларбыта. Ону Бэстирикиэп ейдуе дуо? Суох буо.
Кэм да сахалар бэйэ бэйэлэрин сиэһэллэр.Сөптөөх каадырдары иитэн таһаарбатахтар.
Иллээх эйэлээх курдук НВк ҕа передача буолта дии.
Тугу үлэлиэхтээхтэрин өйдөөбөт маргынааллары үүртэлиэххэ наада,баҕар,сахалыы оҕо бэчээтин,сакааһынан суох оҥоро кэлбит дьон буолуохтара.