Курс валют
$
73.01
0.28
85.68
0.48
Курс валют
Курс валют
$
73.01
0.28
85.68
0.48
Меню
Поиск по сайту

Мэҥэҕэ турбут уоту умуруорарга Дьокуускайтан дьон тахсан көмөлөһөр

13.08.2021 10:57 0
Мэҥэҕэ турбут уоту умуруорарга  Дьокуускайтан дьон тахсан көмөлөһөр

Николай СТАРОСТИН, Мэҥэ Хаҥалас улууһун баһылыга, улахан уоту умулларарга көмөлөһө сылдьар үтүө санаалаах, хорсун дьоҥҥо махталын тиэрдэр.

ҮТҮӨ ДЬОҤҤО МАХТАЛ!

​Бүгүн Дьокуускайга ойуур баһаардарын утары охсуһар үтүө баҕа санаа өттүнэн тэриллибит ыстаапка сырыттым.

Ыстаап Дьокуускайга «Кыайыы 50 сыла» спорт дыбарыаһыгар үлэлиир. Ойуур баһаарыттан тахсыбыт иэдээни туоратарга үлэлэһиэн, ойуур уотун бохсорго көмөлөһүөн баҕалаах дьону көрсөн, үлэни быһааран, хайысхаларынан ыыталлар. Гуманитарнай көмөнү тутан, наардаан туһааннаах сирдэргэ тарҕаталлар. Ыстаап үлэһиттэрэ кэпсээбиттэринэн, дьон көмөҕө кэлиилэрэ, араас көмөнү оҥоруулара күннэтэ үксээн иһэрэ бэлиэтэнэр эбит.

Биһиги улууспутугар волонтердар Дьокуускайтан, Майаттан, Аллараа Бэстээхтэн түмүллэн кэлэн, нэһилиэктэр олохтоохторо түмсүүлээхтик саба түһэн баһаардары умулларыыга, бохсууга, көрдүгэннээһини кэтээһиҥҥэ үлэлии сылдьаллар. Бары биир киһи курдук ылыстахпытына‒уоту кыайыахпыт. Волонтердарга махтал!

***

Aartyk.Ru

Оставить комментарий