Курс валют
$
71.23
0.35
80.27
Курс валют
Курс валют
$
71.23
0.35
80.27
Меню
Поиск по сайту

Макар ЯКОВЛЕВ: «Стабильность» диэн төннүү

25.06.2020 16:22 28
Макар ЯКОВЛЕВ: «Стабильность» диэн төннүү

Биллиилээх юрист, бастакы президент урукку көмөлөһөөччүтэ Макар Макарович ЯКОВЛЕВ Төрүт сокуоҥҥа уларытыыга бэйэтин санаатын мессенджеринэн тарҕатта. Ону кылгастык сурукка тиһэбит:

-Конституционнай быраапка, быраабы туһаныы теориятыгар специалист буоларым быһыытынан, дойду Төрүт сокуонугар самалык киллэрэр пууннары ырытан үөрэттим. Арассыыйаҕа конституционнай быраап үөрэхтээхтэрэ, улахан политиктар сэрэхэдийдилэр, уларытыыны утардылар.

Путин өссө 2004, 2010, 2015 сыллардаахха Төрүт сокуону тыытымаҥ, «свои мозги меняйте» диэбитэ. Оччолорго мин этэр этим: «Төрүт сокуон 9 ыст. 2 чааһын уларытыахха наада диэн. Сиртэн хостонор стратегическэй баай-дуол кэтэх бас билиигэ барыа суохтаах»,-диэн. Ол иһин ити миллиардердар бөҕө баар буоллулар.  Ыраахтааҕы саҕана сир баайын хостуур киһиэхэ саамай кыра хамнас ананара. Биһиэхэ сир баайын хостооччу киһи миллиардер, өссө судаарыстыба политикатыгар кыттыһар. Ону уларытыахха диир этим уонна 2 главаҕа барыта «имеет право» дэнэр туох да гарантията суох ыстатыйаны уларытыахха диирим. Үөрэххэ, доруобуйа харыстабылыгар барытыгар — «имеет право» эрэ дэнэр. Ити самалык киллэриигэ туох да тупсубата.

Киһини сэҥээрдээри самалык нуормалар бааллар — хамнас олох алын кээмэйиттэн намыһах буолуо суохтаах, чиновниктар омук гражданстволара суох буолуохтаах, кыраныысса таһыгар баайдарын ууруо суохтаахтар эҥин диэн… …Владимир Путин дойдуну 20 сыл салайан кэллэ эрээри, тоҕо эрэ дьэ итини тыыппакка олорбута. Билигин даҕаны 1-гы, 2-с главаҕа уларыытылары киллэрэр санаата суох курдук толкуйдуубун. Путин 20 сылы быһа дойдуну салайан кэлбит кэмин тухары 60 трлн солкуобай кыраныысса таһыгар тахсан саһа сытар. Ити — Россия алта сыллаах бюджетын кээмэйэ. Ол харчы Россияҕа төннөн киирэрэ олус саарбах.

Элбэх мөккүөр — «русский язык — язык государствообразующего народа» диэн уларытыыга таҕыста. Араастаан быһаара сатаатылар. Тоҕо эрэ Сэбиэскэй сойуус 70 сыл тухары итини тоһоҕолоон бэлиэтээбэтэҕэ. Өскө «русский язык — общепризнанный государственный язык народов России» диэбиттэрэ буоллар мин сөбүлэһиэм этэ. Ким даҕаны нуучча тыла — нуучча норуотун тыла буолбатах диэн мөккүспэт ээ. Тоҕо биһиги чуолаан «государствообразующий народ» диэн Төрүт сокуонунан бигэргэтиэхтээхпитий? Мин кэлин итинтэн сиэттэрэн шовинизм үөскүөн сөп диэн дьиксинэбин. Ленин, Сталин национальнай боппууростарга улахан специалист этилэр. Ол иһин халыҥ ахсааннаах нуучча норуотун шовинизм үөскүө диэн тоһоҕолоон бэлиэтээбэттэр этэ. Москубаҕа араас омуктары барытын кырбыыллара баар суол. Ол быыһыгар биһиги баар-суох сахалар шахматиспытын өлөрөн тураллар. Ол иһин «нуучча норуота» диэн Төрүт сокуоҥҥа киллэрэн туран бөҕөргөтөр кэнэҕэс улахан үчугэйгэ тиэрдибэтэ буолуо дии саныыбын.

«Обнуление сроков» диэҥҥэ саамай улахан мөккүһүү барда. Ол аата 20 сыл үлэлээбитин суох курдук ааҕынабыт дуо? Губернатордарбыт үлэлээбиттэрин эмиэ «обнули» гынабыт дуо? Саамай куттала диэн — биһиги «культ личности»  үөскэтэбит. Саамай иэдээнэ онно сытар.

Путин 2024 сылга диэри үлэлээтэҕинэ 24 сыл үлэлээн кэлэр. Онтон салгыы барар буоллаҕына — т36 сыл салайарыгар тиийэр. Биһиги «культ личности» диэн тугун билэбит, он оҥорорго маастардарбыт. Бэйэбит оҥорон баран бэйэбит ытыахпыт. Путин билигин фактически биир партия систиэмэтин тэрийэн олорор. Былаас атын салааларын суох гынна, сууттары бэйэтин илиитигэр ылла. Путин туох диэбитинэн сууттуур буолаллар. Билигин Грудинины эһэн таһаардылар. Үчүгэй систиэмэни тэрийбит, сөптөөх экономическай сыһыаны олохтообут киһини — рейдерскэй захват кэриэтэ оҥоттордулар. Суут систиэмэтин биир киһи ылан олорор олус кутталлаах.

«Федеральные территории». 1992 сыллаах республика Төрүт сокуонугар Саха сиригэр химическэй, ядернай тобоҕу  көмөру боппуппутун  ылаттаран кэбиспиттэрэ. Саха сирэ киэҥэ бэрт. Мин билэрбинэн,  Саха сиригэр химическэй, ядернэй, араас куһаҕан тобоҕу кистиэхтэрин сөп. Биһиги дьоммут Германияттан аҕалан кутталлаах отходтары кистиэххэ дииллэр. Саха сиригэр аҕалбакка ханна гыныахтарай?   Онон ити киллэрииттэн дьон дьиксинэрэ саамай сөп.

Россияҕа икки патриотизм баар. «Үрдүку былаас эшалонун патриотизма» уонна «боростой үлэһит норуот патиротизма». Үрдүкү былаас тойотторо-хотуттары оҕолоро бары кыраныысса таһыгар үөрэнэллэр, олороллор. Ыарыйдахтарына омук сиригэр тахсан эмтэнэллэр, сынньаналлар. Баайдарын-дуолларын онно таһаара  олороллор. 100-чэкэ үрдүкү былаас чиновниктара, депутаттара иккис гражданстволаахтар.  Ити иккис гражданствоны суох оҥоруу үчүгэй эрээри, атын федеральнай да сокуонунан оҥоһуллуон сөп этэ. 20 сылы быһа көрөн олорбуппут дии уонна тугу да оҥорботубут. Билигин кэлэн Төрүт сокуоҥҥа киллэрбитэ буола сатыыбыт.

ООН даннайдарынан, Россия сайдыытынан саамай тиһэх сылдьар. Кытайдар этэллэр эбээт «стабильность» диэн сайдыы буолбатах, төттөрү түһүү диэн. Биһиги сайда, инники бара сатыахпаахпыт. Пенсия да чааһыгар, үөрэх, доруобуйа харыстабылын да өттүгэр.  Итиннэ Путины киһи хайгыыра суох.

Сталин, Рузвельт, Черчилль аан дойду сэриитэ суох эйэлээхтик, иллээхтик олордун диэн ООН тэрийбиттэрэ. Билигин Россия туох баар ыаллыы олорор Европа дойдуларын кытары, АХШыны кытары бурҕатыһан баран олорор. Кытайга сыста сатыыбыт да, Кытай улахан бэрт. Билигин сыһыарбыта буолар даҕаны, бэйэтэ атын ис хоһоонноох сыһыарар. Путин улахан киһи эбитэ буоллар аан дойдуга эйэлээхтик, иллээхтик олорууну тэрийсиэх этэ.

Мин саныахпар, Төрүт сокуон 1 уонна 2 главатыгар көннөрүү киирэ илигинэ — уларытыы-тэлэритии харах баайыыта эрэ.

***

Aartyk.Ru

Обсуждение • 28

Добавить комментарий
  1. Минсаха

    Этэрин эттин гынан баран, альтернатива суох. Сэбиэскэй да кэм са5ана сайдыы суох этэ. Народнай депутаттыы олорон тугу кербуккунуй. М. Е. Николаев то5о совхозтары ыспытай.

  2. Негосударствообразующий

    Макар Макарович авторитет, личность государственного уровня! Все правильно высказал.

  3. Лжец и провокатор этот чувак

    Был народным депутатом СССР — участвовал в развале Советского Союза.
    Был чиновником в ельцинские времена — участвовал в укреплении либерализма.
    Таким веры нет, такие лгут и провоцируют народ.

  4. Человек с тундры

    Но почему-то авторитет, личность не был востребован и самим якутским народом

  5. А что МЕН сказал?

    Этот Яковлев кичится тем, что он помощник МЕН.
    А МЕН однозначно сказал — поддержать поправки.
    И кому верить, за кем пойти — за лидером или за его бывшим помощником?
    Я поддержу МЕН, а всяких Яковлевых — нет.

  6. Некрасов

    Ити ыстатыйа ааптара мөлтөх соҕус политик эбит. «Обнуление» — судургутук быһаарыллар эбээт. Ити Путин тиһэх срога диэн баран политическай иирсээни дойдубут иһигэр таһаарарбытын билэ-билэ, туох да диэбэккэ — атыны туойар дуу, тугуй дуу..??? Алын федеральнай сокуоннарга — разработкатын, дьүүллээһинин, ылыныытын — отой кыайыа суохпут диэн эрдэттэн сананан «дьиксиниитин» тиэрдэрэ — олуона соҕус буолаарай… «Государствообразующай» ол аайы куттуур буоллаҕына, тоҕо атын өттүн кыайан таба көрбөтө эбитэ буолла… Холобур, итинтэн дьиксинии олохтоох буоллаҕына тоҕо биһиги бэйэбит Конституциябытыгар сөптөөх өйдөбүлү киллэрбэт буолуохпутуй!? Эбэтэр, ити ыстатыйа ааптара — оннук айылаах «кырабытын-харабытын», депутаттарбыт (даже кэлэр көлүөнэ депутаттарбыт) мөлтөхтөрүн өтө корбүт бэйэтэ дуу…??? Уопсайынан, ити ыстатыйа ааптара Республикабыт даже кэлэр көлүөнэ салайааччыларын түһэрбит быһыылаах… Хайдах эрэ ол курдук санаатым.

  7. Человек с тундры

    Разбирайся без МЕНа, меньше слушай бывших вождей и их советников. Агония. Хорошо живем благодаря ….образующего языка. На халяву старшего …. еще потанцуете свой осуохай.

  8. 😄

    Норуокка бу Яковлев аата «Акаар Акаарович» диэн уЬу
    😄

  9. Малеев

    Макар Макарович отстал от жизни. Стареет…

  10. Reper88

    Талбыттарынан саҥара олороллор. Макар Макарович сөпкө эппит. Администрация эмиэ дьонунан ону-маны суруйтара олорор.

  11. Быыбардааччы

    Эмиэ да септеех уларыйыылар эрээри, биьиги региоммутугар урукку да билинни да конституция толору кыа5ынан улэлээбэт курдук. Сорох сорох санныларыгар сулустаах эрэдэттэр талбыттарынан дьаьайан ыар 37 сыллаа5ы кэмнэри теттеру а5алан эрэр курдуктар. Бары да буолбатар, нууччалыыта «оборотни в погонах» сакаас быьыытынан, себе суох ыччат тахсан эрэр диэтэхтэринэ, эбэтэр эбии сулус ылаарылар дуу талбыттарынан саба баттыыллара хайа да конституция5а, сиэргэ баппат быьыы буолуон сеп! Ол кэмнэ эргиччи мелуйуенунэн коррупция5а харахтара буелэнэр, дьиэ кэргэни дьиэ кэргэнинэн кыргыы, елеруу еьеруу тар5ана турар. Бу маны сурун сокуонна, кемускэллээх буолар гына кэнкириэтинэй со5устук суруллара буоллар!

  12. Дохсун

    Макар респект✊🏻✊🏻✊🏻У айсботов нет аргументов, поэтому пытаются очернить Яковлева как личность. Не держите народ за быдло!

  13. Ааҕааччы

    Айсботы тохтоон. Иноверец, инородец буолаары мачайданныгыт дуу???

  14. Аагааччыга

    Оттон ити Яковлев тойоно МЕН букатын атыны этэр дии — ейуубун диэн.
    Ону ити ол МЕН кемелеЬееччутун тылын истэбит дуу, МЕН тылын дуу?
    Мин МЕН тылын ылынарбын ордоробун.
    Ону туох диигин?

  15. Толкуй

    Михаил Ефимович билиннээннэ диэри куттана сылдьарын ейдуургэ ыарахан. Саатар Штыров курдук саната суох хаалыан сеп этэ. Обязаловката ейденер эрээри…

  16. Snipe

    Тугунан эрэ ыктылар, күһэйдилэр ини

  17. Все-таки

    По Канту осново познания — Интуиция, а не абст. мыш-е. Некоторым хромает интуиция, только не юристу и бывшему народному депутату СССР. Он знает, что говорит.

  18. Саастаах

    Кыымҥа МЕН атын көмөлөһөөччүтэ Иван Николаев ыстатыйатын ааҕыҥ. Өйдөөх киһи барытын саас сааһынан быһааран биэрбит. Устуоруйа бары кэрдиистэрин ырытан, уонна түмүгэр Төрүт Сокуоҥҥа уларытыылары өйүүргэ ыҥырбыт.
    Кыым 23нүөмэрэ (бэс ыйын 18 күнэ). Ыстатыйа аата «Бүдүрүйбүт көммөт».
    Ыстатыйатын түмүгэр суруйбут:
    «Билиҥҥи былаас бэлиитикэтин сөбүлээбэт дьон баара өйдөнөр, омукпут да майгыта оннук — тордуох саха элбэх. Ол да буоллар саха мындыр омук, тургутан-ыараҥнатан көрөн баран саамай сөптөөх быһаарыыны ылынар үгэстээхпит. Ол үгэспитин тутуһуохха, омукпут дьылҕатын, өрөспүүбүлүкэбит инникитин, оҕолорбут соргуларын, сиэннэрбит кэскиллэрин саныахха..
    Бүдүрүйэн биэрбит омук көнөрө уустук буолбат дуо?»

  19. жизнь все расставит по местам

    МЕН дилетант во многих областях жизнедеятельности, на его удачу на момент царствования был всплеск пассионариев в республике на этой волне поднялся,

  20. Кугдаров

    Сталин кэнниттэн, иккис куммутун ууннэрэ сатыы сылдьабыт. Куммут эмиэ хаьан эрэ киириэ буолла5а дии, айыл5а сокуонунан, дьэ оччо5о бу ейуу олорор дьон бука бары уе5э уе5э уцуо5ун урдугэр уцкуулуехтэрэ, кербут да сэрэйбит да биир.

  21. Минсаха

    Сталины сэмэйдик сэмэлээбиттрэ , Хрущебы ункуруппуттэрэ, Брежнебы сугун сытыарбатахтара, Андроповтан куттаммыттара, Горбачебы тыыннахтыы сии сыспыттара, Ельцины кулуу гыммыттара. Айыл5а сокуонунан кууттэххинэ бэйэбит айыл5алыырбыт буолуо

  22. Владимир

    Макар Макарович как всегда умно сказал. Это у нас есть не

  23. Владимир1

    Не далёкие люди

  24. диэн

    Макар Макарович этэрэ олус сэптээх

Оставить комментарий