Курс валют
Курс валют
Меню
Поиск по сайту

Маахыстаах Мэхээлэ: Эн — соххор, мин — соххор…

23.04.2017 23:22 20

Айдааннаах-майдааннаах икки бэлиитикпит этиһэн биликтэһэн турбуттарын, биирдэрэ бар дьон көрүүтүгэр - "Фейсбукка" таһааран көрүдьүөс майгы буола турар.

Маахыстаах Мэхээлэ: Эн — соххор, мин — соххор…

Аппанаас Махсыымап уонна Мэхээлэ Ээбиристэп биир кэмҥэ биир иһиттэн аһаан-сиэн, биир баартыйа хонноҕун иһинэн иккиэн дьокутаакка хандьытааттаан — аллар атастыы буола сылдьыбыт күөгэйэр күннээхтэрэ.

2007 сыллаахха, элик бэрдэ Ээбиристэп «Биир ньыгыл Арассыыйа» аатыттан Госдума дьокутаатынан талыллан, Москуба куоракка көһөн күккүрээн баарта. Уол оҕото дьокутааттыы сылдьан үнтү «темалаан», сотору-сотору хаһыат сирэйин бараан аатыра ахан сылдьыбыттааҕа.

Тиксиигэ эксээмэн туттара барар оҕолор бөртөлүөттэрин уччутан ыт атаҕын туттаран диэн, рестораҥҥа күндү ыалдьыт буолан түөһүллэн олорор Москуба ньадараалын сулбу суулларан түһэрэн көхсүн көҥүтэ доргуталаан диэн, сахалары үөҕэр омук учуонайын сахсыйыам диэн хаһыат нөҥүө саанан диэн… Өрүөл!

2012 сыллаахха, Госдума быыбарын саҕана, хайдах эрэ балаһыанньабыт кини туһугар кытаатан барар. Ол иннинэ Штыров «аҕата ыалдьан» хаалан, бэрисиэдьинин дуоһунаһын быраҕан, тыҥ хатыыта  Москубалаабыт эрэ сураҕын истэн хаалбыппыт.

Онон сабар «сарайа» суох, тэһэҕэс халлаан анныгар хаалбыт Ээбиристэби былаас обуойуматыттан тибиирэн кэбиһэллэр.

Мэхээлэ, Госдумаҕа иккистээн бараары, араастаан баҕатын биллэрэ сатыыр да, ким да ылыныах сибикитэ көстүбэт. Онуоха туран, элик бэрдэ элбэҕи кучу-мачы гына сатаабакка, Дьокуускайга элээрдэн кэлэр да, киэҥ программатын тардан кэбиһэр.

Ил Дархан Москубаттан кэлбит улахан тойоттору кытары айанныыр суолугар, Мэхээлэ массыынан ойоҕоһуттан ойутан киирэн, быһа түһэн арыаллаһа сатаабытын, формалаах дьон көҥөөн үүрэн таһаараллар. Ону эрэ кэтэспит киһи атыыр араллааны тардан айаҕа кытаран олорор.

Ол — правительство кортеһыгар, сатахха бэйэтин тойоно — Штыров кытары айаннаан испиттээҕэ. Ону ол диэбэккэ, уол оҕо одьунааһа кортеж айанын суолун таах быһыта-орута сүүрэкэлээн элээрдии!

Харабыллар, биллэн турар, кинини холдьоҕоллор. Онуоха дьэ, «суолунан Дархан эрэ сылдьар бырааба ханна баарый диэн?!» уолуктаһан турар.

«Баары» биллэрии, санатыы көмөлөспөт — Москубаҕа атын Мэхээлэ Госдума дьокутаатынан барар — Бастакы бэрисидьиэн.

Биһиги киһибит киҥэ-наара холлор, кытыыта кыһыйар оччоҕо бу баар диэн баран «оппозициялыы» баран хаалар. Уопсайынан биһиги «оппозиционердарбыт» наар көрдөөбүттэрин биэрбэтэхтэрин кимиэхэ эрэ куттаан «оппозицияҕа» бараллар.

Мэхээлэ бэйэтин курдук, эмиэ ол кэмҥэ, буола-хаала сылдьар бэлиитиктиин Маахыстыын ыксалаһаллар. Эрэттэр сарсыардааҥҥы, киэһээҥҥи күөстэрин бииргэ өрүнэн бараллар.

2013 сылга, Ил Түмэн быыбарыгар икки атастыылар «Гражданскай платформа» аатыттан мандат сонордоһо бараллар. Мэхээлэлээх Маахыс уу иһэ-иһэ бэйэ-бэйэлэрин хайҕаһаллар. Суруналыыстар иннилэригэр иккиэн остуолу тилэри олорон кэпсээн-ипсээн үллэҥнэтии…

Мэхээлэ төрөөбүт Кэбээйититтэн дьокутаакка туруох буолан баран, биир үтүө күн Мииринэйгэ барбыт сураҕа иһиллэр. Онно тиийбитин кэннэ, «политкиллер» эккирэтэн тиийэн, хандьытааппытын түҥнэри «ытан» түһэрэн — суутунан уһултаран, быыбартан тохтотон кэбиһэр.

Маахыспыт буоллаҕына, Ил Түмэн мандатыттан ытыһын соттор — «Гражданскай платформата» парламеҥҥа киирэр наадалаах бырыһыаны ылбатах аатырар. Хата, ол оннугар Ил Түмэҥҥэ, көлүөһэнэн эргинээччи  Хабырыыс Бараахын (ЛДПР) ньылыбырыс гынан киирбитэ эрэ баар буолан хаалар. Бүттэхпит ол.

Маахыспыт Дьокуускай куорат Думатыгар эрэ киирэр бырыһыаны нэһиилэ ылар. Аны, сатахха, онтон эмиэ кэлин аккаастанан бэйэтэ тахсан хаалбыта.

Баартыйатын буоллаҕына, олох да атын туора дьоҥҥо туран биэрэр! Бу айылаах быыбар ааҥнаан турдаҕына бэлэм тэриллибит, аата-суола биллибит баартыйаны ааһар дьоҥҥо туттарыы… Харыстаан эттэххэ, улахан алҕас этэ.

Аны балык суоҕар, чоху да баҕалаах диэбиккэ дылы,  2014 сыллаах Ил Дархан быыбарыгар «киһи-хара», «бэлиитик» оҥорбут Эрнст Березкина билигин кэлэн бэйэтин үөҕэ сылдьар…  «Эрнст — четкий пацан!» онтубут «мелкий пацан» буолан хаалла.

Маахыс, уопсайынан, сөбө суох дьону аттыгар чугаһатар идэлээх. Ол Мэхээлэтэ да буоллун, ол Эрнеһэ да буоллун…

Мэхээлэтигэр, 2013 сыллаахха, Ил Түмэҥҥэ «Гражданскай платформа» баартыйатынан аһарарыгар, бадаҕа 3 мөлүйүөнү өссө манньалаабыт быһыылаах. Онто кэлин эргийэн кэбиспит. Сууттаһан тиниктэһэ сылдьыбыттара, хайалара кыайбыта биллибэт эрээри, билигин да ол харчы туһуттан өлө-ситэ сирэй-харах анньыһаллар эбит.

Ол айдааннарын, билигин кэлэн дьон-сэргэ элэгэр «Фейсбукка» бырахтахтара. Эн — соххор, мин — соххор…

***

Aartyk.Ru

 

Обсуждение • 20

Добавить комментарий
  1. Сэмэн

    Икки тарагай быттаспытыгар дылы😂😂😂

  2. Петр

    Эверстов бэйэтин бириэмэтигэр спортсменнарга сыаналаах бириис, бар дьонугар наар илии тутуурдаах буолан уердэрэ. Баайыттан норуокка бэрсэ сатыыра. Онон норуокка кини Макстаа5ар ордук сыаналанара буолуо дии саныыбын.

  3. Петр

    Макс кырдьык синяк буолуон сеп эбит, миитинин тэрийэн баран кэлбэт диэн дьэ дьикти, ньиэрбэтэ тулуйбакка иЬэн кээспит буолуон сеп… Ол эрэн аны кинилэр политик быЬыытынан иккиэн еруттэр кыахтара суох. Онон уоскуйуо да этилэр. Эдэрдэр тахсыахтара турдара. ЭМИ ити Рембо диэн кими эппитэ буолла5а? Паскач бука сэрэйдэххэ Поскачин буолуо…

  4. Сухарь

    детсад

  5. Лариса

    Дьэ диэ! Дьуегэм саха тылын баайын саталлаахтык туттан сэргэхтик суруцарын еруу диэн себулээн, бэркиьээн да аа5абын! Оттон ити уолаттар олох сааскытыйбыттар! 🙂

  6. Лариса

    Фейсбукка мин тыа5а тахсан ытыалаьан кэбиьин, ол эрэн миигин туоьу киьи быьыытынан ыцыраарыц диэн суруйбутум. 🙂

  7. Тайыла

    туьата суохтара уруккуттан да биллэр дьон этэ. Маахыс хотулар мунннаахтары арыгынан манньалаан мааман муоьун кытайдарга атыылаан харчы оностубуту муннаах. летчиктар бары оннук идэлэнэ сылдьыбыттара. хабан эрэ ханнык эрэ хоту нэьилиэк дьоно хаьыакка суруйбуттара баара: Афанасий Масимов диэн суеьу буран, саа, саа сэбэ олбк мотуорка агалабын диэн харчыбытын барытын хомуйан барбыта да сыта да суох буолбута ус сыл буолла диэн ол 90-с сыллардааххха этэ. Ол хаьыаты кердуур киьи булуо этэ.

  8. Сахабын

    Ээ, дьэ эн соххор, мин соххор буолаллара билэр этэ, уруккаттан ойооботох дьонум, оссо бэркиьиирим, Хайыыы, дьэ Ким кыраан ойбутун сууйтэрэн ити бэйэлээхтэр буоллахтара, диэн, хата танара Корбут!!

  9. Лариса5а

    Ити икки синькалар ол тыа5а тахсан ытыалаЬа сылдьан, ааЬа суурэн испит ыты, хонууга от мотуйа турбут о5уЬу, уеЬэнэн кетен тылыбырайан испит чыычаа5ы уонна бу эйигин, туоЬу Ларисаны, барыгытын туннэри ытыалыахтара буо.
    Оттон бэйэлэрэ туох даа буолуохтара суо5а.
    Ботуруоннара буттэ5инэ охсуЬа сатаан баран, буокканы кылбас гыннара ороон, хата омоллоон ыЬыа5ын тэрийиэхтэрэ.

  10. Тайыла5а

    Сымыйа доо!
    Мамонт муоЬа буотах, таба муоЬун хомуйан (панталары) илдьэ барбыт сурахтаа5а.
    Ол таба муоЬа туундара5а мелуйуенунэн таах ыЬылла сытар буо.
    Онон таах сутэр муос оннугар буокка, бурдук, мокоруон ылбыттара да бэрт батта?

  11. Минхоту

    Хаппыт таба муоhа буолбата5а буолуо, тыыннаах табаттан заготовкаламмыт сиикэй, эдэр муостар (панталар), Китайга ол сыана хаата, тигр баппа5айыгар тиийбэтэр да5аны. Хаартыска5а баардары Дархан оностун, кытаатын

  12. Булуу

    Чемпионнары диэбит, значит имел ввиду Афанасия Поскачина, а не Владимира Поскачина

  13. Сэмэн

    Ээ ол иьин. Хата мин Болуодьаны эппит дии санаабытым

  14. Ол кимий доо?

    Оттон ол Рэмбо кимий доо?

  15. саркози

    артыыс баара ди Рэмбо диэн

  16. Тургун буолуо?

    Ити Тургун Попов диэн уолу Рэмбо дииллэрэ буолуо?

  17. Петр

    Рэмбо буолла5ына куттал эбит, ураацхайдар. Ол эрэн ЭМИ эппитинэн сылдьыбаттара буолуо ээ, Путинца уцустуц да Рэмботтан, ЭМИ-ттан туох да хаалбата буолуо ээ, таах киэбирэр… Макска да дьоннордоох ини…

  18. .

    Афанасий Поскачин диэн суурбэччэ сыллаа5ыта буоксалаьар о5о баара. Онтубут аптарытыат буолбут дуо?

  19. петр слепцов

    Сахалар наьаа да ча5ылхай уолаттардаахпыт. Афанасий Максимов биографията юрист идэтигэр практическай хрестоматия буолуон, оттон Михаил Эверестов туьунан профессиональнай таьымна депутат буолан улэлиэн ба5алаахтарга практическай справочник суруллуон соп. Хайа уонна Федот Тумусов, Семен Назаров, Александр Акимов диэн эмиэ туспа ча5ылхай уолаттардаахпыт. Утуо дьоммутун кулуу-элэк оностубакка, улэттэн-сырыыттан туораппакка, туьэрэ-тэпсэ стаабакка, кинилэринэн тииспит хо5оьотун сууммакка киьилии сыьыаннаьыах баара. «Эн-соххор, мин-соххор» буолар кимиэхэ да ыраа5а суох. Ил Дархаммыт баай Эмиэрикээн президенин курдук улахан улэ5э эриллибит-мускуллубут ити уолаттары тоьо хачча субэьит оносторо буолла?.. Кун-дьыл ааьан истэ5ин аайы, хойутун хойут бу уолаттары Дьон-Сэргэ, улахан ыраахтан костор дииллэринии, хайдах сыаналыа5а буолла?.. Ил Дархан билинни бэйэтин илиитин аннынан улэлэтэр субэьиттэрин, аппаратын эргимтэтин кытта тоьо тэннии санаан короро буолла?..

Оставить комментарий    

!