Буруйдаах үһү дуо көлүөнэ?
Аҕам оҕонньор 80-ттан таҕыста. Сэргэх бөҕө, бэлиитикэни аһара сэргиир, туох баар быыбарга барыбытын ыга үктээн туран хомуньуустарга куоластатар. Сарсыардаттан эрдэ турда тураат хотунан-соҕуруунан олорор оҕолорун, сиэннэрин, аймахтарын кэритэн төлөппүөннэтэлиир. Ким быыбарга барбытын-суоҕун, куоластаабытын- илигин быһаарсар идэлээх. Биһиги аҕабытын кытары аахса барбаппыт, кырдьаҕас киһини хомотумаары эппитин хоту куоластыыбыт. Бэйэбит бэлиитикэни сэргээбэппит да, быһаарсыбаппыт да. Аҕабыт модьуйбата буоллар олох да сылдьыа суох этибит.
Хас быыбар ахсын аҕабыт кыайарга букатын эрэллээх. Испитигэр күлэ саныыбыт да, мөҕүллүмээри таспытыгар таһаарбаппыт. Быыбар кэнниттэн долгуйан түмүк истээри утуйбат. Бассаап үрдүгэр олорон дэриэбинэни дэриэбинэн аймаан үөлээннээхтэрин кытары суруксуттуур. Кыайтаран баран аны хас да күн ол мөҕүттүүтэ буолар. “Балыйдылар!”.
Навальнай өлбүтүгэр наһаа хоргутта, олох чугас киһитин сүтэрбит курдук буолла. “Ханна кистииллэрэ буолуой, өлүгүн биэрбиттэрэ дуу, суоҕа дуу”, – диэн күн аайы телевизорын маныыр. Миигиттэн ыйыт да, ыйыт буолбутун хал буолан: “Ол киһини билбэппин ээ, оттон харайаллар ини, тута сыппаттара чуолкай”, – диэн этэн былдьанным.
“Дьэ, ити эһиги курдук “билбэттэр” дойдуну ыспыккыт! Туохха да наадыйбат, туохха да кыһаммат дьон маннык олоххо тиэртилэр!” – мөҕүттүү бөҕө. “Оттон хайдах олоробутуй? Куһаҕан дуо?” – диэн этэн баран кэмсинним.
…Саныыбын ээ, оттон бэйэтин бириэмэтин киһитэ буоллаҕа, ону хайдах баалыаххыный. Кинилэр саҕана идеология күүстээх буолан сэрии кэнниттэн урусхалламмыт дойдуну атаҕар туруордахтара. Хара көлөһүнүн тоҕон үлэ бөҕөтүн көрбүт көлүөнэ буоллаҕа. Аччык, аас-туор олоҕу ааспыт барахсаттар. Хас биирдии кэм бэйэтэ көлүөнэлээх. Онон кырдьаҕас дьоҥнутун “өйдөтө” сатаан сордонумаҥ да, сордоомоҥ да, олороллоро да аҕыйах сыл хааллаҕа. Аны кэлэн уларыйбаттар.
***
Василина ВАСИЛЬЕВА,
Дьокуускай к.
Бу угус ыалга баар дьыала. Только бу автор биири бысаарбатах. Того, хантан бу 80 – наах агата оппозиция матырыйаалын ыларый, хантан хостоон Навальнайдары эгин билэрий диэн. Анардас сэбиэскэй кэм киситэ буолан ол Навальнайы “автоматически” салгынтан билэр дуо ? Суох. Бу кырдьагас , атын элбэх кырдьагастар курдук бука коммунист дуу, справоросс дуу буолуо . ол эрэн либераст Навальнай бокуонньугу асыйар, хараастар. Парадокс ? Компот? Отнюдь. Бысаарыыта борустуой. Бу коммунист, справоросс кырдьагасы унту бутуйдулар, маннаагы коммунистар, спроворосстар тойотторо. Под видом оппозиции , под своим флагом компартии и справороссов они вбухивают в голову этого ветерану весь агитационный мусор против федеральной власти и Путина. И во многом это материалы именно Либерастов, навальнистов , смертельных врагов России. Самим им слабо открыто выступить против Путина и ” режима” и потому рассылают в ватсапе самые оголтелии материалы непримиримой прозападной оппозиции. Нет , не оппозиции, а врагов. И наверняка , главную роль в голове этого ветерана сыграла в свое время такая газеты, как ныне благопристойно почившая в бозе ” Туймаада”. Несчастный ветеран, обработанный умелыми вражескими руками..