Курс валют
$
89.7
0.55
97.1
0.78
Курс валют
Курс валют
$
89.7
0.55
97.1
0.78
Меню
Поиск по сайту

Бэтэрээннэр хоргуйан олороллоругар дылы сыыс аһы түҥэтии муодата хаһан сүтэр?

06.05.2023 15:40 19
Бэтэрээннэр хоргуйан олороллоругар дылы  сыыс аһы түҥэтии муодата хаһан сүтэр?

Бүгүн бэрт өр тэринэн, өссө биир көмөлөһөөччүнү ыҥыран, икки өттүттэн өйөөн-убаан, тыыл бэтэрээнэ эбээбитин таһырдьа Кыайыы күнүнээҕи тэрээһиҥҥэ таһаардыбыт.

Бэҕэһээ “хайаан да быйыл таһырдьа тахсан, Кыайыы күнүнээҕи тэрээһини көрдүн, мэр эҕэрдэлии кэлиэҕэ, бэлэх туттарыаҕа” диэн ыҥырбыттарын уонна эмээхсин мэри көрүөн наһаа баҕарбытын иһин бэрт өр ырычаахтаһан, таһырдьа таҕыстыбыт.

Балачча үчүгэйдик тэрийэ сатаабыттар: чугастааҕы оскуола оҕолоро, байыаннайдар, депутакка кандидаттар, уокурук үлэһиттэрэ эҥин кэлэ сатаабыттар. Биир Аҕа дойду Улуу сэриитин бэтэрээнэ дьахтарга эҕэрдэ бастыҥа ананна, көтөх муҥунан сибэкки биэрдилэр. Тыыл бэтэрээннэрэ хас эмит дьиэттэн баара-суоҕа биэстэр-хастар.

Кэнсиэр, параад, “Бессмертный полк” хаамыыта туох да бэркэ ааста. Онон бүттэ. Тыыл бэтэрээннэрэ барахсаттар олорбуттарын курдук олордулар, биир устуука гвоздиканы да туттарбатылар. Төннөн киирэн иһэн, бэҕэһээ ыҥырбыт дьахтартан телефонунан ыйыттым:

“Тыыл бэтэрээннэрин эҕэрдэлээбэт, биир устуука сибэкки туттарбат эрээри туохха ыҥырбыккытый, хаартыскаҕа түһэргэ фон оҥостоору дуо?” – диэн.

Онуоха “чаас аҥаарынан маннык нүөмэрдээх квартираҕа кэлэн, продуктовай наборда ылаар” диэтэ. Кыыһырбыппар, пакекка 250 грамнаах рафинад саахар, 1 бытыылка мас арыыта, 1 хах лапса уонна да атын буолар-буолбат аһы аҕалан биэрдэ. Тоҕо бу тэрийээччилэр итиччэ саастаах тыыл бэтэрээннэрин ыҥыртаан баран киһилии эҕэрдэлээбэттэрий? Күлүү гыммыт курдук ол-бу кэнсиэрбэ ас аҕалаллар. Сутаан олорор дьоҥҥо дылы.

Ас наборун бэлэхтээһин диэн 90-с сыллартан хаалан хаалбыт көстүү буолбатах дуо? Тыыл бэтэрээннэрэ кыамматтар, тиийиммэттэр-түгэммэттэр диэн өйдөбүлү үөскэтэр. Билигин бэтэрээннэр пенсиялара саастарын да быһыытынан сорох-сорох үлэһиттэр хамнастарынааҕар  үрдүк. Онон кинилэр, буолаары буолан саастаах дьон, кэнсиэрбэ сиэбэттэр, бэйэлэрин доруобуйаларын көрүнэллэр.  Тооромос саахарга, тушенкаҕа наадыйбаттар. Барыта буоллун-хааллын, итини-маны оҥордубут диэн отчуокка тиһээри эрэ онтон да суох бэйэлэрэ да иннилэрэ кылгаабыт, кэннилэрэ уһаабыт тыыл бэтэрээннэригэр итинник ээл-дээл сыһыаннаһан эрдэхтэрэ…

Киһилии саатар тиийэн олороотторун кытары биэриэхтэрин. Чаас аҥаарынан ханна эрэ ыал дьиэтигэр кэлээриҥ дии-дии сырсан бардахтара үһү.  Ыйыппатах киһи саҥата суох дьиэлиир буоллаҕа. Наһаа ас биэриэхтэрин баҕарбыт буоллахтарына, оттон били хайҕанар “Саюриларын” оҕурсуутун, помидорун бэрсиэх этилэр. Биллэн турар, тыыл бэтэрээннэриттэн дьахтар аймах ордон хаалла. Дьахтар хаһан да дьахтар, 18-таах буоллун 90-наах буоллун. Биир сибэкки сыыһа кинилэргэ ол тушонкатааҕар, пальма арыылаах хойутуллубут бороһуок үүттээҕэр күндү буолуо.

***

Клавдия СПИРИДОНОВА,

Дьокуускай олохтооҕо. 

Обсуждение • 19

Добавить комментарий
  1. Дэлби күллүм

    Күлүү гыммыт курдук ол-бу кэнсиэрбэ ас аҕалаллар. Сутаан олорор дьоҥҥо дылы.

    Источник: Aartyk.ru

  2. Пенсионер

    Питерга ветераннарга бугун %-скидкалаах кырбаммыт упоковкалаах халбаьыы 100 грамм.Туттарбыттар.Интернет оргуйан олорор.Ол аата Ким билбит бэйэтэ кэлэн ылар.Ылбатах дьон киэнин бэйэлэрэ сииллэр.Биллэр.Били Булуугэ 2,0 мол. Комо харчыны уорбуттара Ханна тиийдэ.Сибэкки фирменный открытка сувенир ицин урут подарок курдук буолара.Туох акаары дьоной сахар макарон арыы буола буола.Харчы бо5ото сиэтилэр ини.Сааппаттар.

    • Ветеран кыыьа

      Биьиэннэригэр өссө 1 бытыылка паленай водкалаах чэйдээх,макароннаах,халбаьыылаах буолааччы

  3. Кассир

    Бырааьынньыкка масленица5а ицин ас ылан ДКлар ас астыыллар площадка тахсарга.Ас улахана Бурдук саахар арыы хаалар.Ону дьэ дьиэлэригэр соьоллор.Саатар кыра хамнастаах уборщица5а охранника рабочайга бэрсибэттэр.Ол кыахтаах хамнастаах культ.специалистара дьаабыланаллар.Бэйэм корбутум.Дьоннор уохсэллэр эрэ этэ.

  4. Сындыыс

    Ол продуктовай набордары бэйэлэрэ сиэрилэр, тугу да билбэтэгэ буола сылдьаллар буо. истэригэр бу бэтэээн елен да хаалбат дииллэрэ буолуо. Онтон дьиэлэрин диэки улахан суумкага хаалан баран тиийэн хайдаъх сааппат сырайдарынан дьиэлээхтэргэ кэпсииллэр буолуой?

  5. Егор

    Это за гранью, органиизаторов к ответу

  6. Пенсионер

    Минсоцзащиты общ.ветеранов ВОВ и тыла уонна мэрия тэрийэр ини.Список кинилэргэ баар.Зам.пред.правит.Георгий Степанов соцзащита куратора.Дьоццо комолоьуом диэн анда5айбыта.Ханна баарый.Билигин костубэт да мэнээх чалаарбат да5аны.Со5отох хаалбыт Тулайах ветеран тыла труда пенсионер элбэх.Комо суох.ПФ улэлиир эрдэ5инэ хата проеьы толообот этэ.Суутунан ылар этибит.

    • Бээ итинтикэйиҥ Чурапчы чулуу

      мужчинката ээ. Кыйбаҥныы сытыйан баран диэ…

      • Наталия

        Бэйэтин инстаграмна ” Принц Джордж” дэнэр уьу.уонна кыраныысса таьыгар сылдьар хаартыскатын угар уьу Позор

  7. Альбина

    Дно пробито… Печально…

  8. Ту

    Кырдьык бэтэрээн ытыктаныахтаах…этэ,дии саныыбын, чэ мин улэ бэтэрээнэ, диэн этим, оннук, нагараадалаабыттарын ойдообоппун, ол гынан баран, комо наада диэммин, кыбыстыбакка этэр, эмээхсиммин, инньэ эрэ, гыннаххына ойдууллэр ээ, этэр буолун эьиги, ол бэтэрээннэри ким саныагай, бу ыарахан сэрии буола, турдагына…

    • Ветеран кыыьа

      Кыайыы хас сылын аайы тиийбит дьонно боростуой тимиртэн мэтээл онотторон эгэрджлээн туостэригэр иилэн ыыталлара буоллар кырдьагас дьон үөрүөх этилэр,холобур быйыл улуу кыайыы 78сыла диэн суруктаах,онноогор үҥкүү түмсүүтүн 15 сыла диэн закастаан онотторобут дии,оннук.мин ийэм мэтээллэрин наһаа астынар этэ,сталинскайын оьуоба киэн туттар этэ

  9. Ту

    Ким эрэ биэрэрин дуу, биэрбэтин луу, кэтэспэт багайы… Хайдах баарынан олоробун, кыанарым тухары тилигирии мохсон улэлии сылдьыахха наада ээ, совет ветеранов диэн баар дии онно, этиэххитин соп, тойон хотун, кордоххо аьара элбэх дии…

  10. Киьи

    Пробили очередное дно. Олох бэйэлэриттэн биэрэр курдук кистээн, кымыстаан туьэн

  11. Наһаа үрдүктүк туттунума

    Сорохторго баҕар наада буолуо дии ити биэрэр астара.

  12. Кэлэйбит

    Оннук.Кимиэхэ эрэ киьилии ас тацас наада.Ону учуоттаабаттар.Эрэьиинэ саппыкы.Куртка.Кыьын хаатыцка.Оттон ветераннарга макарон оннугар Саюри о5урсуута помидора клубниката бэристэххэ тугуй.Биьиги дьоммут олбуттэрэ.Туох да комото подарага суох.Мин Ветеран тыла Як.ылан биэртим.Пропискалаан уочараттаан.Райоцца биэрэн да бэрт.Оннук сэнээьин ата5астабыл баара.Онно5ор ветеран ВОВ босхо квартира уочаратыттан соппутарын кыыьа суутунан куттаан ситиспитэ.Булуугэ пред.ВОВ Афанасьев диэн киьи айбардаан олорто.Тыа дьоно оннук туга да суох хаалтара.Билигин сиэмэх былаас саастаах дьону ытыктаабат.

  13. Сааьырбыт саха

    Олох агыйах сэрии, тыыл бэтэрээнэ хаалла. Ковид элбэги сотон барда. Бу Улуу бырааьынньыкка эрдэ бэлэмнэнэн, кимиэхэ чопчу хайдах, хаьан, тугу бэриллиэн себун, эгэрдэ хайдах буоларын толкуйдуур кэм кэллэ.

  14. читатель

    Хомолтолоох. Тыыннаах хаалбыт сэрии уонна тыыл ветераннара ханна да буоллун, тарбахха баттанар инилэр. Куоракка уокуруктарынан аахтахха да оччо үлүгэр сүүһүнэн буолбаттара буолуо. Биир эмэ улахан дьиэҕэ аҕалтаан, сибэкки туттаран, эҕэрдэлээн-махтанан мустахха үөрүө этилэр. Оҕолоро да өйөөн-убаан аҕалыа этилэр. Онтон пакетынан ас биэриитин тохтотуохха наада, 90с сыллар ааспыттара ыраатта. Дьоҥҥо суолта уурбат буоллулар, барыта бэйэ сэбэрэтин социальнай ситимҥэ угарга эрэ интириэстээх буоллулар. Үлэ хаачыстыбата онон мээрэйдэнэр курдук. Сотору кэминэн олох да Кыайыы күнүгэр наадыйбат буоллахпытына, киһи соһуйбат үйэтэ кэллэ быһыылаах

  15. кыайыы кунэ баар буоллун!

    мин а5ам сэрии ветерана,,биирдэ эмит оскуола5а о5олорун кылаас чаастарыгар ынырдахтарына уерэр этэ, эьээбит сэрии ветерана дэриэбинэбитигэр сана магазин аьыллыбытыгар лента быспытын улахан дьоллоох кэминэн аа5абыт. Сталин мэтээллээх ийэбит- тыыл ветерана, ветеранынан тугу да туьаммакка барбыта.. Чугас дьоннут уьун уйэлэнэн этэннэ сылдьалларыгар уерун, ол пакеттаах ас боростуойуттан санаар5аан кинилэри хомотуман.

Оставить комментарий