Курс валют
$
92.59
0.02
100.27
Курс валют
Курс валют
$
92.59
0.02
100.27
Меню
Поиск по сайту

Бэчээт дьиэтин остолобуойа сабылынна

19.01.2021 12:19 6
Бэчээт дьиэтин остолобуойа сабылынна

“Сахабэчээт” саҥа хотуна Ньургуйаана Стручкова дьаһалынан Бэчээт дьиэтигэр баар остолобуой сабылынна диэн коллегаларбыт биллэрдилэр.

Кыс хаар ортото остолобуой 12 үлэһитэ, үксэ оҕолоох, баантан кредиттээх дьахталлар, таһырдьа быраҕыллыбыттар. Дьаҥ турар кэмигэр дьону үлэтэ суох хаалларыы сокуону кэһии этэ да, салалта күһэйэн үлэһиттэр “баҕа өттүлэринэн” уурайбыттар. Инньэ гынан, Бэчээт Дьиэтэ – Бэчээл Дьиэтэ буолла.

Дьиҥинэн, бу остолобуой удамыр сыанатынан, сылаас амтаннаах аһынан хас да уонунан сылларга куорат олохтоохторун, ыалдьыттарын аһатан-тоторон тигинэччи үлэлээн кэлбитэ эбээт. Оннооҕор быстарык 90-с сыллары этэҥҥэ тулуктаһан ааспыта. Этэргэ дылы, дьэ элбэх саха интеллигенцийэтэ, биллэр-көстөр дьон Бэчээт дьиэтигэр түмсэн, көрсөн остолобуойугар аһаан ааспыттара.

Хайдах-туох балаһыанньалаах дьону таһырдьа аспыттарын чуолкайдаһаары остолобуой, урукку салайааччытыгар диирбитигэр тиийэбит, Денис Охлопковка эрийэ сырыттыбыт.

-Денис Михайлович, дорообо. Хас киһи үлэлиир этэй?

-11.

-Бэйэҕит баҕаҕытынан уурайдыгыт?

-Оттон… Тохсунньу 10 күнүгэр миэхэ остолобуой сабыллар, уурайаҕыт диэн эппиттэрэ. Сарсыныгар – 11-скэ – мунньах буолбута, докумуоҥҥа илии баттаппыттара уонна тута 12-кэ докумуоммутун биэрбиттэрэ.

-Эрдэ штат сарбыллар, сабыллаҕыт диэн уведомление туттарбатахтара дуо?

-Суох. Барыта үс күн иһигэр түргэн баҕайытык буолбута. Өйдөөбөкко да хаалбыппыт.

-Юристары кытары эҥин кэпсэппэтэххит дуо?

-Суох… Мин суох.

-Туох биричиинэнэн остолобуой сабыллар диэн эппиттэрэй?

-Иэс мунньуллубут диэбиттэрэ. 1 мөлүйүөн курдук. Пандемия бириэмэтигэр  үлэлээбэккэ турбуппут дии.

-Остолобуой оннугар туох буолар үһүнүй?

-Олох билбэппин.

-Компенсация биэрдилэр дуо?

-Тохсунньу, олунньу ыйдарга хамнаскытын төлүөхпүт диэбиттэрэ уонна ким уоппуска тобохтоох онтун туһанар.

-Атын үлэ, миэстэ булан биэрбэтилэр дуо?

-Суох.

Дьон утарыласпат, быраабын турууласпат буолбут. Сиҥҥэ түһүү. Социология тылынан – депрессивнэй турук. Буолаары буолан бюджет тэрилтэтиттэн пандемия кэмигэр дьону ууратар бобуллар. Билигин киһи барыта иэс-күүс бөҕө, дьиэ кэргэттэрин хайдах көрөн-истэн, иитэн олороллор? Кыһалҕа диэтэҕиҥ… Аныгы салайааччылар – ыараханы этинэн-сиининэн тэлбэтэх ыччат  – киһилии сыһыан диэни билбэт, билиммэт дьон. Карьера, бэйэ амбициятын туһугар дьон төбөтүнэн үктээн баралларын да кэрэйбэттэр, улахаҥна уурбаттар.  Дьикти кэм, дьикти “формат”.

Сурах-садьык элбэх. Остолобуой оннугар СЭТО дириэктэрэ (Бэчээт Дьиэтин бас билээччи) Ил Түмэн дьокутаата, аллаах единоросс Дмитрий Семенов ресторан аһар да диэн этэллэр, “Сахабэчээт” иһинэн тахсар хаһыаттары, сурунааллары ризографка бэчээттиир буолаллар үһү диэн да кэпсииллэр, Стручкова пиар-сыах астар үһү да дииллэр…

Стручковаттан бэйэтиттэн туоһулаһаары төлөппүөннүү сырыттыбыт даҕаны хотун дьахтар эппиэттээбэтэ. Оттон Семенов 12 чаастан 14.00 чааска диэри эбиэттии барбыт аатырда.

***

Aartyk.Ru

 

 

Обсуждение • 6

Добавить комментарий
  1. Улуусник-деребас

    Пахооой😱

  2. Хасаанны эрэ хасыаччыт

    Дьэ,оссо биир сэбиэскэй санаттан дьин норуодунай, ким багарар киирэн асыыр, корсор, кэпсэтэр сирэ сабылыннага. Ол исин иччэ киин, ымсыылаах сиргэ турбут общепиты хата хайаан баччага тиэрдибиттэрэ буолла. Журналиста уйалара, айдаана бэрт буолуо диэн сиэмэхтэр илиилэрэ тиийбэккэ сылдьыбыта, ыарыынан сибээстээн, иэс уоскээбитэ тогоостоох тугэн буоллага. Аны чаасынай илиигэ киирэр чуолкай. Абалаах да, хомолтолоох да эбит..

  3. Куорат олохтоо5о

    Ээ Дьокуускайга элбэх остолобуой сабыоынна. Мээрийэ киэнэ энин.

  4. Галя

    Сабыллан кердун

  5. Дьарбайш

    Оттон избектар, кэлии киркистэр куннуехтэрэ дии аhатар сир арыйан, ону маны арыыга соккуойдаан сиикэй анаардаах астары, дьаабы.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»