Курс валют
$
60.32
0.05
61.16
0.2
Курс валют
Курс валют
$
60.32
0.05
61.16
0.2
Меню
Поиск по сайту

“Айар” кинигэ кыһатын саҥа бырайыага – ААПТАРДЫЫН САРСЫАРДААҤҤЫ АҺЫЛЫК

18.12.2021 12:57 0
“Айар” кинигэ кыһатын саҥа бырайыага – ААПТАРДЫЫН САРСЫАРДААҤҤЫ АҺЫЛЫК

Сахалыы кинигэни сэҥээрээччилэр билэргит курдук “Бичик” национальнай кинигэ кыһата аатын уларытан “Айар” диэн ааттанан турар.

Кинигэ кыһата аатын эрэ буолбакка ааҕааччыны кытары үлэлиир хайысхатын эмиэ сыыйа уларытан эрэр.  Ол курдук “Ааптардын сарсыардааҥҥы аһылык” бырайыага сэргэх буолла. Саҥа тахсыбыт кинигэ ааптардара ааҕааччыны кытары көрсөн айымньыны, айар үлэни ырытыһаллар.

Талааннаах суруналыыс Айталина НИКИФОРОВА уус-уран литератураҕа холоммута ыраатта, бэйэтин суолун-ииһин номнуо тэлэн, эрэллээхтиик иннин хоту баран иһэр суруйааччы.  Ааҕааччыны кытары көсүһүүтун туһунан коллегабыт бэйэтэ кэпсиир:

Сарсыарда аһыы олорон, бу курдук сэһэннээх буоллубут…
“Айардар” (Бичиктэр) @ayar.ru араас сонун тэрээһиннэринэн ааҕаачыларын үөрдэллэр. Бүгүн хайы-сах үгэскэ кубулуйан эрэр “ааптардыын сарсыардааҥҥы аһылык” диэн бырайыактарыгар кытынным. 2020 сыллаахха тахсыбыт “Көрүнньүк олох көлдьүнэ” диэн ааттаах кинигэм тула кэпсэтии буолла. Суруйар тиэмэм буоларын курдук биир – олох. Сирдээҕи олох, сыһыан, дьол-соргу, түһүү-тахсыы, арахсыы-холбоһуу, киһи хайдах сатыырынан бу уустук эрээри судургу олоҕу олоруута.
Сарсыардааҥҥы аһылыкка кэлбит ааҕааччыларбар, доҕотторбор махтанабын. “Айар” үлэһиттэригэр үтүө тэрээһиннэрин иһин эмиэ ис дууһаттан тахсар махталбын тиэрдэбин. Кинигэ кыһатын үлэһитэ Анисья Неустроева кинигэни ааҕан, ымпыктаан-чымпыктаан элбэх ыйытыыны биэрдэ.
Николай Павлов-Ханан эйигин атын Айталина Никифорованы кытта бутуйа сырыттым, онтон билэн баран биирдэ бу кэллим диэн туран, бэйэҥ псевдонимна толкуйдаа диэтэ. Ону кытта атын омуктар саха олоҕун, майгытын билэллэрин туһугар айымньыларгын нууччалыы тылбаастыахха наада диэн этии киллэрдэ. Манна диэн эттэхпинэ, бу кинигэҕэ Алексей Амбросьев-Сиэн Мунду “Эргиллиэм мохсоҕол буолан” диэн сэһэммин нууччалыы саҥардыбыта кистэнэн киирэ сылдьар, ол туһунан өссө бары ытыктыыр киһибит, профессор Виктор Данилович Михайлов туспа кинигэ гынан таһааттарыахха наада, олус табыллыбыт тылбаас диэбитэ. “Эдэр коммунист” (“Сахаада”) саҕаттан бииргэ үлэлээбит үтүө доҕорум Уйбаан Уһунуускай кинигэ таһыгар нууччалыы сэһэниҥ аата киирбитэ буоллар, дьон болҕомтотун тардыа этэ диэн бэлиэтээтэ. Мин бу этиилэри кытта сөпсөһөбүн.
Суруйааччылар Галина Нельбисова, Афанасий Гуринов-Арчылан, виртуоз-хомусист Альбина Дегтярева кэлэн санааларын эттилэр. Кинилэр бөдөҥ айымньыга ылсар наадатын бэлиэтииллэр. Оҕоҕо-ыччакка аналлаах литература аҕыйаҕа эмиэ этилиннэ. Айар үлэ суола-ииһэ араастаан тыргыллар. Онон туох тахсарынан диирбэр тиийэбин. “Айардары” кытта айар аартык алыптаах суолунан салгыы барарбар эрэлим улахан.
***
Aartyk.Ru

 

 

Оставить комментарий    

Школа-интернат для неслышащих обучающихся
Шиномонтаж Левша

Красивые окна
СахаСтройПлит
Новостройки якт ру
Сахатранснефтегаз
Стоматология 32