«Үүтээн кэпсээннэрэ» кинигэ сүрэхтэннэ

“Айар” кинигэ кыһата Бүлүү куоратыгар олорор уонна үлэлиир Андрей Яковлев “Үүтээн кэпсээннэрэ” диэн саҥа кинигэтин таһаарбыттарын сүрэхтээтилэр. Биэчэргэ биллиилээх суруйааччылар, суруналыыстар, 40 – ча сыллааҕыта Максим Аммосов аатынан Саха государственнай университетын “Сэргэлээх уоттара” литературнай түмсүүтүгэр сылдьыбыт дьон, ол иһигэр  Август Егоров, Валерий Луковцев, Андрей Яковлев, Борис Павлов, Данил Макеев, Виктор Стручков, Борис Гоголев көрүстүлэр.  Авторы Андрей Яковлевы эҕэрдэлээтилэр, айымньылаах үлэни баҕардылар.

Хаҥастан уҥа – Борис Гоголев, Данил Макеев, Андрей Яковлев – Чуос, Август Егоров, Борис Павлов, Виктор Стручков – Дуулаҕа Дьуһаал.

Андрей Яковлев – Чуос “Үүтээн кэпсээннэрэ” саҥа кинигэтин сүрэхтэниитин киэһэтигэр элбэх сахалыы суруйууну, литератураны сэҥээрээччилэр кэлэн кытыннылар, санааларын – сыанабылларын эттилэр.

***

Майя ДМИТРИЕВА,
Дьокуускай к.