Юрий Николаев уонна Алексей Ефимов Конституцияҕа киирэр уларытыылары быһаардылар
СӨ Судаарыстыбаннай Мунньаҕа (Ил Түмэн) өрөспүүбүлүкэ Төрүт Сокуонун балаһыанньаларын Россия сокуоннарыгар сөп түбэһиннэрэргэ туһуламмыт уларытыылары киллэриини дьүүллэһэр улахан суолталаах тэрээһини ыытыахтаах.
Ил Түмэн Бэрэссэдээтэлин солбуйааччы Юрий Николаевэрэгийиэннээҕи сокуон базатын оҥорорго федеральнай сокуону учуоттуур наадалааҕын тоһоҕолоото. Өрөспүүбүлүкэ баайын-дуолун, ол иһигэр күндү металл уонна таас судаарыстыбаннай пуондатын салайыыга Ил Дархаҥҥа ураты болҕомто ууруллар.
«Биһиги судаарыстыба ресурсаларын туһунан сокуоммутугар күндү металлары атыылааһыны, атыылаһыыны, атастаһыыны хонтуруоллуур хамыыһыйабытыгар боломуочуйаны биэриигэ сыһыаннаах элбэх уларытыылары киллэрдибит. Маннык ыйыылар урут бааллара эрээри, Төрүт Сокуоммутугар официальнайдык киирбэтэхтэрэ», – диэн бэлиэтээтэ Юрий Николаев.
Конституционнай Сэбиэт бэрэссэдээтэлин солбуйааччы Алексей Ефимов уларытыылар сыалларын-соруктарын сиһилии быһаарда. Кини этэринэн, икки сүрүн уларытыы олохтоох салайыныы уорганнарын тутулугар уонна боломуочуйаларын толоруу бэрээдэгэр сыһыаннаах. Олохтоох салайыныы тутулугар улахан уларыйыылар былааннамматтарын бэлиэтиир наадалаах. Бу баар быраабылалары саҥа федеральнай ирдэбиллэргэ техническэй өттүнэн сөп түбэһиннэрии эрэ. Алексей Ефимов уларытыылар билиҥҥи сокуоннарга баар кэһиилэри уонна дьүөрэлэспэт өрүттэри туоратарга киирэллэрин чуолкайдаан эттэ. «Бу уларытыы сыыһа быһаарыылары, алҕастары суох оҥоруоҕа уонна сокуоннай процедуралар чуолкай, аһаҕас буолалларын хааччыйыаҕа», – диэн эбэн эттэ.
Юрий Николаев уонна Алексей Ефимов уларытыылары публичнай истиилэргэ дьүүллэһии улахан суолталааҕын бэлиэтээтилэр. Бу тэрээһин былааннаммыт уларыйыылар сыалларын-соруктарын уонна содулларын туһунан чуолкай өйдөбүлү дьоҥҥо-сэргэҕэ биэриэ диэн эрэллээхтэрин биллэрдилэр.
Саха сирин олохтоохторун сокуоннай интэриэстэрин көмүскүүр саҥа көннөрүүлэри нэһилиэнньэни кытта сүбэлэһэн баран бигэргэтиигэ үлэни Ил Түмэн салгыы ыытар былааннаах.
***
Ил Түмэн пресс-сулууспата
Ил Дархаммыт парламенскай лакейдара барытын быһаардылар. “Норуот Гохраны харабыллыырга биэрбит боломуочуйатын тойоҥҥо ” чего изволите желать? ” диэн туран биэрэбит, республика күндү баайа хараллар ампаарын күлүүһүн , түүннэри – күннэри хаһан баҕаран киирэн ыларыгар, туттарыгар диэн биэрэр сөрү- сөп, биһиги Ил Түмэннэр караулбут олох наадата суох,Гохран ааныгар. Тойоммут түүн да , күнүс да буоллун, республика – норуот эрэ туһугар диэн Гохран ампаарыттан алмааһы – көмүһү хармаанын толору симинэн ылыа диэн булгуччу эрэнэбит” диэбиттэр. Хата хайаан “Ил Түмэни, биһигини за ненадобностью ыһан кэбиһэр сөп, Ил Дархан баар, Ил Дархан большой, ему видней” диэн эппэтилэр..
Ол туох “сыыьа быьаарыылар” баалларый?