Волонтердар 60 саастарын ааспыт дьоҥҥо сакааһынан астарын, эмтэрин дьиэлэригэр илдьэн көмө оҥороллор

Улуустааҕы суһал штаб быһаарыытынан улуус үрдүнэн тэриллибит волонтерскай штабка бэйэлэрин баҕаларынан кыттан уопсайа 116 волонтер нэһилиэктэр аайы кырдьаҕас дьоҥҥо дьиэлэринэн сылдьан маҕаһыынтан бородуукта уонна аптекалартан эмп тиэрдээһиҥҥэ үлэлии сылдьаллар.

Бэйэни харыстанарга саҥа “Коронавирус” инфекциятын утары туттуллар ньымалары сүбэлиир листовкалары тарҕаталлар.

Үөскээбит быһыыны – майгыны сөпкө өйдүөххэ уонна эппиэтинэстээхтик сыһыаннаһыахха. Эдэр көлүөнэ  саастаах дьоммутугар кыһамньылаахтык, ытыктабыллаахтык сыһыаннаһан, бары бииргэ күндү дьоммутун көмүскүөҕүҥ, доруобуйаларын харыстыаҕыҥ.

***

“Сунтаар улууhа (оройуона)” муниципальнай оройуон дьаһалтатын пресс – сулууспата