Курс валют
$
77.73
0.99
85.74
0.23
Курс валют
Курс валют
$
77.73
0.99
85.74
0.23
Меню
Поиск по сайту

Түбэй-Дьаархаҥҥа С.А. Зверев – Кыыл Уолун 120 үбүлүөйдээх сыла арылынна

13.02.2020 13:09 0
Түбэй-Дьаархаҥҥа С.А. Зверев – Кыыл Уолун 120 үбүлүөйдээх сыла арылынна

Олунньу 12 күнүгэр, Түбэй-Дьаархаҥҥа С.А. Зверев – Кыыл Уолун 120 үбүлүөйдээх сыла арылынна.

Улуу киһибит С.А. Зверев – Кыыл Уолун 120 сылын үөрүүлээх аһыллыытын дьүөрэлии Ыгыатта түмэлигэр сылдьыы буолла уонна «Сибиэрэп оһуордаах оһуохайа, алгыстаах аартыга» — диэн Ытык бэлиэни туттарыы үтүө түһүмэҕэр Михаил Евсеев – Кураһаай Михээлэ алгыстаах тылынан түһүлгэни арыйан оһуохайы оройуттан туттубут.


Ыраахтан-чугастан
анаан ааттаан кэлбит ыалдьыттар С.А. Зверев орто туруу дойду олоҕун дьоллоох оһуорун Алгыс бэлиэтинэн тиспит тоҕус мэҥэ хамсаныытын толордулар. С.А. Зверев кэлэр кэм улаҕатын көрөн олорон, икки үйэни ситимнээбит «Сарсын, сарсын, сарсыарда» — диэн өспөт өс тойуга буолбут, хайа да кэмҥэ иһиллэ сылдьар соргулаахтүөрэх түһүн түстүүр тиһэх ырыатын саха фольклорун толорооччу СӨ Ил Дарханын гранын хаһаайына Айсен Федоров ыллаан иһитиннэрдэ, ону таһынан Тойбохойтон«Далбар» үҥкүү бөлөҕө «Ыаҕыйалаах үҥкүүнү», Түбэйтэн «Кустук» фолклорнай бөлөх «Сайын кэлиитэ» тойугу, Кутанаттан «Күн сардаҥата» үҥкүү бөлөҕө «Саһыл үҥкүүтүн», «Чэлгий» уонна «Дьэргэстэй» фольклорнай бөлөх, Толоонтон Изабелла Макарова – Толоон Туораана«Таас Буурай Бухатыын» олоҥхотто быһа тардыыны, Ньурбаттан «Дьүрүскэн» этно-бөлөх кэлбит ыалдьыттарга ыллаан-туойан, үҥкүүлээн аастылар.

Улуус култууратын уонна духуобунай сайдыытын управлениятын салайааччыта Мария Кобельянова С.А. Зверев 115 сылыгар 2015 сыллаахха төрөөбүт дойдутуттан Түбэй-Дьаархан ытык сириттэн өрөспүүбүлүкэни тилийэ көтөн Москва, Санкт-Петербург куораттарга оһуохай эстафетатын чыпчаала буолан кини аатын ааттаппыт чороонун Ыгыатта түмэлин салайааччытыгар СӨ култууратын туйгунугар Любовь Афанасьевнаҕа туттарда.

Үөрүүлээх тэрээһиҥҥэ Сунтаар улууһун Аҕа баһылыга Анатолий Григорьев, баһылыгы социальна уонна имиджевай бэлиитикэҕэ солбуйааччы Гаврил Еремеев, Түбэй-Дьаархан нэһилиэгин баһылыга Егор Григорьев, тойуксуттар, олоҥхоһуттар уонна ансаамбыллар кыттыыныыллылар. Ону таһынан бүгүҥҥү тэрээһини 1975 с. Москва куоракка ыытыллыбыт ыччаттар Аан дойдутааҕы фестивалыгар, С.А. Зверев – Кыыл Уолун салайааччылаах ансаамбыл кыттыылаахтараСунтаартан Сергей Лидочен, Кириэстээхтэн Венера Семенова уонна Анатолий Иванов, Күндэйэттэн Евдокия Трофимова, Элгээйиттэн Мария Акимова, Кымня Кривошапкина, Захар Саввинов, Елизавета Павлова уонна Маргарита Сидорова, Түбэй-Дьаархантан Любовь Афанасьева, Мария Филиппова киэргэттилэр.

Улуус Аҕа баһылыга Анатолий Григорьев бу үөрүүлээх быһыыга-майгыга Өрөспүүбүлүкэ 18 улууһунан айанныыр «Ытык бэлиэни» С.А. Зверев – Кыыл Уолун ансаамбылын кыттыылаахтарын кытары дьон-сэргэ иннигэр үрдүк сыанаттан уруйдаан-айхаллаан ыаллыы сытар Ньурба улууһуттан кэлбит делегацияҕа – Ньурба улууһун Аҕа баһылыгын бастакы солбуйааччытыгар Артур Яковлевка туттарда.

***

«Сунтаар улууһа (оройуонамуниципальнай оройуондьаһалтатын пресс-сулууспата

Оставить комментарий    

!