«ТУЙМААДА АГРОХОЛДИНГ» ХАҺААЙЫСТЫБАЛАРЫГАР ТӨРҮӨХ ҮГЭНЭ, ҮҮТ ЫАМА ҮРДҮҮР

«Туймаада Агрохолдинг» акционернай уопсастыба үрдүнэн сүөһү, сылгы иитиитинэн дьарыктанар 5 хаһаайыстыба баар. Бу хаһаайыстыбаларга барыта  3691 ынах сүөһү, ол иһиттэн 1784 ыанар ынах турар.  

Биирдиилээн хаһаайыстыбаларынан ылар буоллахха “Бөртө сылгы собуота” хааччахтаммыт эппиэтинэстээх тэрилтэҕэ 391 ынах турар, «Кладовая Олекмы» хаһаайыстыбатыгар 425, «Туймаада Экоферма» 513, “Новай” сопхуоска 311 уонна победаларга 144 ыанар ынах турар.  Билигин бу хаһаайыстыбаларга барыта  15т 865кг үүт ыаммыт. Хаһаайыстыбаларынан наардаан көрдөххө «Кладовая Олекмы» ХЭТ-ҕэ бүгүҥҥү күҥҥэ 4735 киилэ үүт ыана турар. Онтон “Бөртөлөр” 3025 кг, “Туймаада Экоферма” 4210 кг үүтү, Новай сопхуоска 3015 кг уонна Победа ХЭТ 885 киилэ үүтү ыыллар.

Хаһаайыстыбаларга билигин төрүөх үгэнэ. Сыл саҕаланыаҕыттан  бастакы квартал түмүгүнэн хаһаайыстыбаларга  924  ньирэй ылыллыбыт. Былаан быһыытынан агрохолдинг үрдүнэн 1714 ньирэй ылыллыахтаах. Бу ыйдааҕы чахчылар киирэ иликтэр. Ол эрээри манна былаан быһыытынан бу ааһан эрэр ый устата 228 ынах төрүөхтээх, онтон ыам ыйыгар 208 төрүөх ылыллыахтаах. Бу күннэргэ төрүөх ылыы үгэнэ, сорох хаһаайыстыбалар былааннарын чугаһаппыттар. Уопсайынан агрохолдиҥҥа киирэр хаһаайыстыбалар туруоруллубут соругу толорорго бигэ эрэллээхтэр.

***

Прокопий ХАБАРОВ