Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Суордаах олохтоохторо Гаврил ЧИРИКОВКА Махтал сурук туттардылар

26.08.2022 08:11 1
Суордаах олохтоохторо Гаврил ЧИРИКОВКА Махтал сурук туттардылар

Дьааҥы улууһун баһылыга Гаврил Ильич Чириков бу күннэргэ улуус биир уһук сытар Суордаах нэһилиэгин олохтоохторун кытары көрүстэ.

Суордаах олохтоохторо баһылык Гаврил Чириковы кытары көрсүһүүгэ

Г. И. Чириков ааспыт биэс сылга Суордаах нэһилиэгин мунньуллубут үгүс уустук кыһалҕаларын быһаарарга ураты болҕомто ууран үлэлээтэ. Ол түмүгэр Суордаах олоҕун – дьаһаҕын сүрүн боппуруостара быһаарыллан эрэллэр. Уонтан тахса сыллааҕыта умайбыт култуура дьиэтин оннугар быйыл саҥа многофункциональнай Култуура киинин тутуута саҕаланна.

Сүүрбэччэ сыллааҕыта Дулҕалаах үрэҕин кытыла сиҥнэн 20 ыал олорор дьиэтиттэн көрө маппыта. Быйыл олортон сэттэ ыал компенсация харчытын ылла.  Атыттар да сотору кэминэн компенсация ылыахтара. Бу барыта ааспыт 2021 сыл сайын улуус баһылыга Гаврил Чириков, Суордаахха, Республика Правительствотын председателин Андрей Тарасенконы аҕалан миэстэтигэр көрдөрбүтүн түмүгэр быһаарылынна.

Правительство председателя Суордаахха сырыытын кэнниттэн, Суордаах аннынан Дулҕалаах үрэх сүнньүн көннөрөр үлэ үбүлэниитэ быһаарыллыбыта. Үрэх сүнньүн көннөрөргө үп – харчы көрүллэн, ыарахан техника атыылаһыллан аны кыһын-саас үлэ барыахтаах.

Суордаахтарга өссө биир үтүө сураҕынан буолар – киин ититэр систиэмэ тутуллуутун бырайыага оҥоһуллунна, үбэ – харчыта быһаарылынна. Эһиилгиттэн тутуу саҕаланыахтаах диэн улуус баһылыга Гаврил Ильич Чириков өссө быйыл саас этэн турар.

Кэнэҕэс өссө да атын бырайыактар, анал оноһуулаах, тэриллээх модульнай фельдшерскэй – акушерскай пуун дьиэтин тутуу, суолга – айаҥҥа сана технологияны киллэрии курдук бырайыактар былааннанар.

Суордаахтар көрсүһүү түмүгэр Дьааҥы улууһун баһылыгар Гаврил Ильич Чириковка үтүө үлэтин иһин махтаннылар, кэнэҕэс да үлэтэ-хамнаһа тахсыылаах буоларыгар баҕардылар.

***

В.В.КРИВОШАПКИН,

Дьааҥы улууһун Мунньаҕын депутата. 

Обсуждение • 1

Добавить комментарий
  1. Мда

    Быыбар сагана нэсилиэнньэттэн махтал сурук ылар кандидат дорогого стоит

Оставить комментарий