Сунтаарга уу ыраастыыр станциялары туруорууга инники ыытыллыахтаах үлэ хаамыытын торумнаатылар

Олунньу 4 күнүгэр, улуус Аҕа баһылыгын бастакы солбуйааччыта Николай Александров, бырамыысылынас салаатын исписэлииһэ Петр Егоров, Сунтаардааҕы «ОДьКХ» филиалын салайааччыта Михаил Петров – ООО “Инженерные сети Проект” тэрилтэ Саха сиринээҕи бэрэстэбиитэлин Александр Уаровы уонна тэрилтэ сүрүн исписсэлииһин Антон Ковалевы кытары көрсөн, улууска уу ыраастыыр станциялары туруорууга инники ыытыллыахтаах үлэ хаамыытын торумнаатылар.

Станциялар техническэй холбооһуннарын РЭС тэрилтэ ноҥүө сөбүлэһиллэн уопсайа улууска 7 станция туруохтаах, олортон 5 станцияҕа оборудования кэлэн турар, Хордогой уонна Туойдаах нэһилиэктэригэр кэлэрэ күүтүллэр.Билигин Хордогой муниципальнай трассаҕа муостаны тумнар суолу оҥоруу уонна матырыйааллары, оборудованиялары тиэйэн аҕалан туруорууга үлэ барар. Туойдаах нэһилиэгэр 40тн. ыйааһыҥҥа диэри кыһыҥҥы суол арыллан турар, онон матырыйааллары тиэйэргэ ыарахаттар суохтар.

***

“Сунтаар улууhа (оройуона)” муниципальнай оройуон дьаһалтатын пресс – сулууспата