Курс валют
$
63.75
0.13
70.53
0.12
Курс валют
Курс валют
$
63.75
0.13
70.53
0.12
Меню
Поиск по сайту

Сунтаарга социальнай эйгэ бэрэстэбиитэллэрин бөлөҕө олохтоохтору кытары көрүстүлэр

07.11.2019 16:11 0
Сунтаарга социальнай эйгэ бэрэстэбиитэллэрин бөлөҕө олохтоохтору кытары көрүстүлэр

Сэтинньи 6 күнүгэр, Сунтаар улууһун Аҕа баһылыгын социальнай уонна имиджевэй бэлиитикэҕэ солбуйааччы Гаврил Еремеев салайааччылаах социальнай эйгэ бэрэстэбиитэллэрин бөлөҕө Хочо эҥэр Маар-Күөл, Дьаархан уонна Арыылаах нэһилиэктэринэн үлэлээтэ.


Бөлөххө улуус бэтэрээннэрин Сэбиэтин бэрэссэдээтэлэ Афанасий Васильев, нэһилиэнньэ социальнай харыстабылын управлениетын салайааччыта Георгий Фролов, улуустааҕы киин балыыһа кылаабынай бырааһа Светлана Иванова, үөрэҕирии информационно-методическэй отделын салайааччыта Туяра Семенова, Сунтаар улууһугар СӨ пенсионнай пуондатын сүрүн исписсэлииһэ Любовь Саввинова, «Кэскил» реабилитационнай киин психолога Розалия Еремеева, «Сахамедстрах» тэрилтэ сүрүн исписсэлииһэ Наталия Потапова, култуура уонна духуобунай сайдыы управлениетын исписсэлииһэ Галина Самойлова олохттохтору кытары көрсөн үлэлэрин, туох саҥа уларыйыылар киирбиттэрин туһунан уонна Улуу Кыайыы 75 үбүлүөйүнэй сылыгар, эһиилгигэ бэлэмнэнии үлэтэ күүскэ ыытыллыахтааҕын бэлиэтээтилэр.

Олохтоохтор үлэ бэтэрээннэригэр, инбэлииттэргэ көрүллэр льготаталары чуолкайдастылар. Маны таһынан, бэйэлэрин туруорсууларын, этиилэрин киллэрдилэр. Мунньахха киирбит этиилэр бары боротокуолланан, боппуруостары быһаарарга хамыыһыйа үлэлиэҕэ. Олохтоохтор бу көрсүһүүнү олуһун биһирээтилэр, инникитин маннык тэрээһиннэр ыытыалла туруохтарыгар баҕа санааларын, махталларын эттилэр.

***

«Сунтаар улууһа (оройуона)» муниципальнай оройуон дьаһалтатын пресс-сулууспата

Оставить комментарий    

!