Сунтаарга саҥа тутуулар хаамыыларын көрдүлэр
Муус устар 28 күнүгэр, улуус Аҕа баһылыга Анатолий Григорьев, тутуу комплексын управлениетын салайааччыта Иван Егоров уонна тутуу салаатын исписсэлиистэрэ Артур Ефимов, Дмитрий Васильев Наахара, Хордоҕой уонна Кириэстээх нэһилиэктэригэр улуус үбүлээһиниттэн уонна Национальнай бырайык чэрчитинэн бара турар социальнай эбийиэктэр тутуулар хаамыыларын көрдүлэр-иһиттилэр.
Нахара нэһилиэгэр, баһылык Владимир Максимов куйаар ситимэ тардыллыбытын иһитиннэрдэ, үлэни «ЯКСТАР» ХЭТ ыыппыт. 2020 сыллаахха баһаартан эмсэҕэлээбит биэс оҕолоох Янковтар дьиэ кэргэттэригэр биирдиилээн дьонтон, тэрилтэлэртэн уонна улуус дьаһалтатыттан көмө көрүллэн ыаллар саҥа дьиэ туттан былырыыҥҥыттан киирбиттэр.
Хордогой нэһилиэгэр, нэһилиэк баһылыга Сергей Барамыгин уонна В.Г. Акимов аатынан лицей-интернат дириэктэрэ Валентина Данилова инникитин саҥа 35 миэстэлээх интернат уонна 120 миэстэлээх оскуола тутуллуохтаах сирин көрдөрдүлэр. Билигин оскуола 118 уорэнээччилээх.
Салгыы нэһилиэк киинигэр аныгы типтээх спортивно-оздоровительнай зал тутуутун хаамыытын билистилэр, эбийиэккэ билигин 10 үлэһит баар, сотору эбии дьон кэлэрэ күүтүллэр, тутуу матырыйааллара уонна техникалар кэлбиттэр, үлэ былаанынан баран иһэр. Саҥа спорт зал быйыл ахсынньы ыйга силигэ ситэн үлэҕэ киириэхтээх.
Кириэстээх нэһилиэгэр, нэһилиэк баһылыга Александр Григорьев уонна И.Г. Спиридонов аатынан оскуола дириэктэрэ Павел Васильев саҥа тутулла турар 120 миэстэлээх таас оскуола үлэтин хаамыытын билиһиннэрдилэр. Билиҥҥи туругунан сантехника таҥан оҥоруутугар, түннүктэри уонна ааннары олордооһуҥҥа, ис өттүн бэлэмнээһиҥҥэ киирбиттэр, эбийиэккэ 22 үлэһит баар, үлэни “ФОРС” ХЭТ ыытар.
***
“Сунтаар улууhа (оройуона)” муниципальнай оройуон дьаһалтатын пресс – сулууспата
Не пропустите
Шиномонтаж Левша
Cтоматология 32
Оставить комментарий