КҮННЭЭҔИ ҮЛЭ-ХАМНАС ТОХТООБОТ

Хатастааҕы сибиинньэни иитэр комплекска  билиҥҥи туругунан  7000 сибиинньэ турар. Онтон төрүүр сибиинньэ ахсаана 400 төбөҕө тэҥнэһэр. 

Быйылгы сылга Хатастааҕы сибиинньэ иитэр комплекс иннигэр улахан соруктар тураллар. Ол курдук 2021 сылга 12000 төрүөх ылыллыахтаах. Бастакы квартал түмүгүнэн  уопсайа  1801 сибиинньэ оҕото ылыллыбыт. Онтон атыыга 3000 сибиинньэ оҕото барыахтаах. Ааспыт сылга төһө да  аан дойдуга бүрүүкээбит пандемия мэһэйдээтэр атыыга 2060 икки ыйдаах сибиинньэ оҕото барбыта. Бүгүҥҥү күннээҕи туругунан нэһилиэнньэҕэ 844 төбө атыыламмыт. Билигин да атыы салҕанан бара турар.

2019 сыллаахтан сөбүлэҥ быһыытынан нэһилиэнньэ дохуоттаах уонна дьарыктаах буоларын хааччыйар “Туймаада Агрохолдинг” ылыммыт анал программатынан нэһилиэнньэҕэ сибиинньэ оҕотун иитиигэ биэрэр буолбута. Ол программа чэрчитинэн бу сыл 4 ыйын түмүгүнэн 442 сибиинньэ оҕото түҥэтиллибит.

***
Прокопий ХАБАРОВ