Сунтаарга Конституция ылыныллыбыт күнүн бэлиэтээн Арассыыйа уонна Саха сирин Гимнарынан саҕалаата

Ахсынньы 11 күнүгэр, куйаар ситиминэн улахан суолталаах тэрээһиҥҥэ Ил Дархан уонна Бырабыыталыстыба дьаһалтатын салайааччыта Афанасий Владимиров мунньах кыттыылаахтарыгар кирии уонна эҕэрдэ тылы эттэ. Кини быйыл ыытыллыбыт Дойду үрдүнэн Конституцияҕа уларытыы барыллаан куоластааһыныгар Саха сирэ көхтөөхтүк, биир санааннан өйөөн кыттыбытын бэлиэтээн туран, бу уларыйыылар Арассыыйаҕа уонна Өрөспүүбүлүкэбит инники сайдыыларыгар улахан суолталааҕын иһитиннэрдэ.

Бэйэлэрин эҕэрдэлэрин уонна санааларын СӨ сүрүн федеральнай инспектора Евгений Корнеев, Ил Түмэн бэрэссэдээтэлин солбуйааччыта Антонина Григорьева, Саха сирин Конституционнай суутун бэрэссэдээтэлэ Александр Ким-Кимэн, Саха сирин Конституционнай суутун бастакы бэрэссэдээтэлэ Дмитрий Миронов үллэһиннилэр.

Тэрээһин кыттыылаахтарын Саха сирин улуустарын баһылыктарын ааттарыттан Сунтаар улууһун Аҕа баһылыга Анатолий Григорьев эҕэрдэлээтэ. Олохпут балысханнык сайдар кэмигэр Дойдубут Президена Владимир Путин көҕүлээһининэн Төрүт Сокуоммутугар киирбит уларыйыыларга муниципальнай тэриллиилэргэ олохтоох бэйэни салайыныыга Конституция 12 ыстатыйата инники сайдыыны бигэргэтэргэ тоһоҕолуурун бэлиэтээтэ.

***

“Сунтаар улууhа (оройуона)” муниципальнай оройуон дьаһалтатын пресс – сулууспата