Сунтаарга бассейн тутуута быйыл түмүктэниэхтээх

“Тутуу Саха” тэрилтэ тутар эбийиэгэ – бассейн үлэтин туругун тутуу миниистирэ Виктор Романов көрдө.

Манна билигин 50-ча киһи үлэлии сылдьар. Ааспыт нэдиэлэҕэ ититэр ситимэ холбонон ис өттүгэр күргүөмнээх үлэ барар. 

Билигин тутууну мэһэйэ суох ыытар курдук, бастакы наадалаах оборудованиелар кэлэн тураллар. Оттон технологическай тэриллэрэ кэмигэр кэлиэхтэрэ диэн эрэннэрэллэр.

Бу нэдиэлэҕэ технологическай колледж устудьуоннара практика быьыытынан төлөбүрдээх субуотунньукка тахсыахтара. Бэдэрээччит Ньургун Саввин эбийиэги ахсынньы ый 28 күнүгэр түмүктүөхпүт диэн эттэ.

***
Сунтаар улууhун пресс-сулууспата