Курс валют
$
68.22
1.32
77.65
0.98
Курс валют
Курс валют
$
68.22
1.32
77.65
0.98
Меню
Поиск по сайту

Сунтаардар Улахан Муунаҕа үлэлии барыахтара

14.04.2018 19:13 0
Сунтаардар Улахан Муунаҕа үлэлии барыахтара

Муус устар 5 күнүгэр, Мииринэйгэ Ил Түмэн сис кэмитиэтин сүбэ мунньаҕа буолла.

Улуус, тэрилтэ салйааччылар, бастатан туран, хааһынаҕа нолуок киириитин тэтимин дьүүллэстилэр.

Мунньахха үп миниистирэ Валерий Жондоров дакылааттаата. Ол түмүгүнэн, бырабыыталыстыбатын бэрэссэдээтэлигэр Евгений Чекиҥҥэ, сир баайын туһанар тэрилтэлэргэ кэлии омук үлэһиттэригэр миграционнай сулууспа хонтуруола наадатын, кинилэркиллэрбит дохуоттарыттан НДФЛ төлөнөр реквизиттэрэ сөпкө толорулларын, нолуогу хойутаппакка  бүддьүөткэ киллэрэн иһиэхтээхтэрин туһугар ситимнээх үлэ барыахтааҕын суругунан туһаайдылар. Ону сэргэ олохтоох былаас баһылыктара дьоҥҥо-сэргэҕэ нолуок кэмиттэн кэмигэр булгуччу төлөнүөхтээҕин өйдөтүөхтээхтэрин уонна нолуокка сыһыаннаах араас боппуруос уталыппакка миэстэтигэр быһаарыллан иһиэхтээх диэн этилиннэ.

Сунтаар улууһун баһылыга Анатолий Григорьев бу улахан мунньахха эмиэ тыл эттэ. Кини 2018 сыл Саха сиригэр дьарыктаах буолуу сыла биллэриллибитинэн сибээстээн,  промышленнай тэрилтэлэргэ олохтоох дьону үлэҕэ ылыы уонна каадыры иитии боппуруостарын таарыйда. АК «АЛРОСАҕа» улуустартан боломуочуйалаах бэрэстэбиитэллэр баар буолуохтаахтарын туруоруста. Итини тэҥэ алмаас хостуур хампаанньа «Үөрэтэр киинигэр» ыччат бүддьүөт суотугар үөрэниэхтээҕин, СТК үөрэтэр базатын кэҥэтэргэ, олохтоох каадырары үөрэтии-такайыы ситимнээхтик барыахтааҕын тоһоҕолоон бэлэтээтэ.

Мииринэйгэ ыытыллыбыт Ил Түмэн сис кэмитиэтин муннаҕар — СР УФНС салайааччытаА.А.Федорова, СР Счетнай палататын бэрэссэдээтэлин солбуйааччыта И.Д.Басова, ООО «ТЮНГД» административнай уонна сервиснай көмө генеральнайдиректорын солбуйааччыта А.А.Панов, ООО «ТЮНГД» персонал управлениятын уонна социальнай программасалайааччыта С.В.Нестеров, АК «АЛРОСА» (ПАО) исполнительнай дириэктэрин солбуйааччыта А.А.Бабиченко, АК «АЛРОСА» (ПАО) Центр подготовки кадров директора С.И.Андреевскай уонна Өлөөн, Υөһээ Бүлүү, Бүлүү, Ньурба, Сунтар, Ленскай улуустарын дьаһалталара, баһылыктара кытыннылар.

Бу мунньах кэнниттэн, Сунтаар улууһун пресс-сулууспата иһитиннэрэринэн,  баһылык Анатолий Григорьев Удачнайга баран ГОК үлэһиттэрин кытары көрсөн сүбэ мунньахха сылдьыбыт.  

Муус устар 6 күнүгэр Удачнай куоратыгар Сунтаар улууһун баһылыга А.В.Григорьев, Сунтаар улууһун дьарыктаах буолуутун киинин салайааччыта А.М.Николаев дьыалабыай сырыынан Удачнайдааҕы ГОК дириэктэрэ А.Ф.Махрачевы кытта көрүстэ. Дьаһалта баһылыга уонна үэһиттэрэ алмаас көстүбүт сиригэр Υөһээ-Муунаҕа биирдойдулаахтарбытын үлэҕэ киллэрээһинин уонна миэстэтигэр үлэҕэ киириэхтэрин иннинэ стажировка ыытыллыахтааҕын туһунан кэпсэттилэр. Муус устар 16 күнүттэн саҕалаан, Сунтаартан Улахан Муунаҕа үлэлии ыйын ахсын 20 киһилээх биригээдэ тэриллэн барар буолла. Ол туһунан салайааччылар сөбүлэҥ түһэристилэр”, — диэн Сунтаар улууһун пресс-сулууспата кэпсиир.

Бүгүҥҥү туругунан Удачнайдааҕы ГОКтэрилтэтэ сүрүн наадыйар үлэһиттэринэн буолаллар: 

1)водитель погрузчика,

2)водитель бульдозера,

3)водитель категории «Е»,

4) машинистэкскваторщик.

Билигин Сунтаар  улууһуттан 100-тэн тахса киһиүлэҕэ киириэх иннинээҕи стажировкатын боппуруоһун быһаарыы үлэтэ барар турар.

***

МТ «Сунтаар улууha»  пресс-сулууспата,

Тимур ИВАНОВ баһылык көмөлөһөөччүтэ

Оставить комментарий    

!