Курс валют
$
91.98
0.11
100.24
0.27
Курс валют
Курс валют
$
91.98
0.11
100.24
0.27
Меню
Поиск по сайту

«ПАРААХЫН КЫАЙАН ЭРЭР ҮҺҮ-Ү!!!»

13.09.2017 02:37 1
«ПАРААХЫН  КЫАЙАН  ЭРЭР  ҮҺҮ-Ү!!!»

Куоракка бу баскыhыанньа5а буолан ааспыт быыбар туhунан дьон ол-бу көрдөө5у кэпсээн үллэҥнэтэллэр. Бу «чахчы буолбута» диэн хас да туоhу бигэргэтэр түгэнин суруйабыт.

 Сиидэр Нэстээрэп быыбар күнүн сарсыардатыгар ойо5ун ийэтин бастаан учаастакка илдьэн биэрдэ, таарыччы бэйэтэ эмиэ куоластаата, оттон даача5а бардылар.

Айаннаан иhэн Сидэр ыйытар:

– Хайа, кимиэхэ куоластаатын? Араадьыйга дуо?

– Суох до5ор! Айсенна буо.

– Ээ, сөп.

– Барахсаммыт кыайар ини?

– Кыайан бө5ө буо.

Сиидэр сүрэ5элдьээбэккэ да, умса-төннө түспэккэ да эрэ, күнү быhа даача5а ону-маны гынна5а буолла.

Киэhэ алта диэки сылайан, быыбарга биир тэйиччи сытар учаастакка улэлии сылдьар уолугар бассааптаата:

– Хайа нокоо, быыбар күөстүү оргуйар дуо?

– Суох отой! Быыбарга ким да кэлбэт, а5ыйах о5онньор-эмээхсин эрэ  кэлэн барда.

– Бай ол хайдах?!

– Оттон оннук.

Сиидэр толкуйдуур. Ɵйдеех киhинэн аатырар буолан, төбөтун иhигэр түргэнник буhара о5уста.

Ɵссе төгүл бассааптаата:

– Ол аата коммунистар куоластыы кэллэхтэрэ дии? Араадьый кыайар буолбут?!

– Ким билэр, ба5ар буолуо.

– Бээ! Араадьый бааhынай дуу, бэhиэччик дуу?

– Нуучча.

Сиидэр ыксаата.

Бэйэтэ Амма эрээри, нуучча5а хана олох тардыбат. Куораты саха салайыан ба5арар.

Саатар ол Араадьый өр успортун бэhиэччиктэргэ дуу, таайдарга дуу атыылаан кэбиспит диэбиттэрэ, билэр дьон.

Арайаны куораты атыылаатын?!

Аттынаа5ы даачаларга ыаллара күө-дьаа буола сылдьаллар, ким сарсыардаттан, ким күнүскүттэн ыла. Сорохторуттан ыйытан көрбүтэ – ким да куоластаабакка кэлбит этэ, «Айсен таах кыайар» дииллэр бары.

Акаары сахалар бу дьаабылана сылдьаммыт, куораппытын сутэрэр буоллубут диэн сана Сиидэр мэйиитигэр буомба курдук үлтү ыстанна.

Туох да бокуойа суох ол бу оруттан харбыаласта.

Ɵйдөө5үн өйдөөх киhи, туох диирин тургэнник быhаарынна. Араадьый кыайар диэтэ5инэ кыhаллар киhи а5ыйах буолуо – кырдьа5астар коммунистарга охтоллоро бэрт бө5ө дии.

Олбуоруттан тахсаат Сиидэр хаhыытаан то5о барда:

– Параахын кыайан эрэр үhү-ү-ү!!!

Олох хабар5ата хайа бара сыста.

Онтон-мантан ыаллара быгыалаатылар, «Туох даа?» диэн буолла.

– Параахын кыайан эрэр диэн уолум тыллаата!!!

Сиидэр уола быыбар хамыыhыйатыгар үлэлиирин ыаллар бары билэллэр – кэрийэ сылдьан Сиидэр кэпсээбитэ ыраатта.

Бастаан утаа дөйуөрбут курдук  тура туhээт, дьон үрүө-тараа ыстанна, атын ыалларга тыллыы тэбинээччилэр да баар буоллулар.

Сотору буолаат дьэ онтон ойуттулар, итинтэн элээрдилэр, мантан ыhылыннардылар. Ыксаабыттара сурдээх – учаастактар а5ыс часка сабыллаллар диэн бары билэллэр, үйэлэрин тухары сүүhүнэн быыбар кэнниттэн олох инстинкт буолан хаалла5а дии.

Сиидэр даачатын тула эмискэ им-ньим буола түстэ.

Киhибит турбахтыы туhэн баран, бэйэтэ эмиэ мотуорун холбоон курулатта. Атаhа Арамаан Силэпсиэп чугастыы даачалаах, ол онно тибилиннэрдэ…

 

Из сообщений Якутской территориальной избирательной комиссии:

Проголосовало на 18.00: 52.803 избирателей, 30,93%.

Проголосовало на 20.00: 63.587 избирателей, 37,26%.

 

****

 

Прокопий Федоров

 

Аартык.ру

Обсуждение • 1

Добавить комментарий
  1. Дьэ

    Кырдьык сахалар куоластыы аанньа тиийбэтэхпит.
    Ыксаатахпытына эрэ куоластыыр дьоммут буо.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»