Петр Кривошапкин аатын ааттаан Нөмүгүгэ хайыһардар дайдылар

Кулун тутар 22 күнүгэр Нөмүгү нэһилиэгэр – Хайыһар бырааһынньыга буолла.  СӨ “Учууталлар учууталлара”, Хаҥалас улууһун, Нөмүгү нэһилиэгин Бочуоттаах олохтооҕо педагогическай үлэ ветерана Петр Кривошапкин төрөөбүтэ 90 уонна Улуу Кыайыы 80 сылыгар анаан хайыһарга аһаҕас турнир ыытылынна. Барыта 55 спортсмен Хаҥалас, Горнай, Мэҥэ-Хаҥалас, Чурапчы, Нам, Амма, Уус-Алдан улуустартан уонна Дьокуускай куораттан күөн көрүстүлэр.

Кытаанах киирсии түмүгэр

18-34 саастарыгар диэри дьахталларга (2 км.) Киприянова Ньургуйаана (Ханалас) бастаата, иккис — Афанасьева Татьяна (Дьокуускай), үһүс Давыдова Маайа (Амма)буоллулар.

18-39 саастаах эр дьоҥҥо (5 км.): бастакыны Шестаков Никита (Амма) эрэллээхтик ылла, иккиһи Зыков Николай (Мэҥэ-Ханалас), үсүһү Заровняев Сергей (Мэҥэ-Ханалас).

Онтон салгыы 40-49 саастаах дьахталларга (2 км.) туһааннааҕынан Соловьева Дария (Нам), Прокопьева Мария, Константинова Мария (Дьокуускай), 40-49 саастаах эр дьонно (5 км.) — Афанасьев Сергей, Заболоцкай Василий, Николаев Юрий (Нам), 50-59 саастаах дьахталларга -Бандерева Мария (Дьокуускай), Степанова Анастасия (Амма), Эверстова Мария (Дьокуускай), 50-59 саастаах эр дьонно (5 км.) — Попов Яков, Яковлев Вячеслав, Иванов Егор, 60-69 саастаах дьахталларга (1 км.) — Белолюбская Надежда, Винокурова Клара (Мэҥэ Хаҥалас), Прокопьева Светлана (Мэҥэ Хаҥалас), 60-69 саастаах эр дьонно (3 км.) — Яковлев Николай (Мэҥэ Хаҥалас), Сивцев Алексей (Уус-Алдан), Новгородов Александр миэстэлэстилэр.

70 саастан үөһээ саастаах дьахталларга (1 км.) — Слепцова Василиса, Троева Раиса, Белюкина Кристина, 70-74 саастаах эр дьоҥҥо (3 км.) — Дорофеев Аркадий (Чурапчы),  Самсонов Г.В. (Хаҥалас, Нөмүгү), Аммосов Василий (Уус Алдан), 75-79 саастаах эр дьонно (2 км.) — Илларионов Афанасий (Мэҥэ Хаҥалас), Оконешников Николай, Кононов Андрей (Хаҥалас, Улахан Аан), 80-84 саастаах эр дьоҥҥо (2 км.) — Захаров Николай, онтон 85 саастарыттан  үөһээ эр дьоҥҥо  (2 км.) кыайыыны ситистилэр. Дьокуускайтан 87 саастаах Абрамов Степан Михайлович кэлэн кыттан көрөөччүлэри сөхтөрдө.  Кыайыылаахтар мэтээлинэн, грамотаннан уонна бэлэҕинэн наҕараадаланнылар.

Махталбытын тириэрдэбит

Күрэхтэһиини Хаҥалас хайыһар федерациятын көҕүлээһининэн салайааччыны солб. Самсонов Г.В., спортка управлениетыттан Прокопьев В.Н. уонна Нөмүгү дьаһалтата олус тэрээһиннээхтик, үрдүк таһымнаахтык тэрийэн ыыттылар.

Бүгүҥҥү күрэхтэһии ыалдьыта Петр Петрович үөрэппит, хайыһарга такыйбыт кыыһа Ревмира Варламова, РФ үөрэҕириитин Бочуоттаах үлэһитэ, СӨ  үөрэҕириитин туйгуна, спордун Бочуоттаах бэтэрээнэ кэлэн аҕабытын ахтан-санаан ааспытыттан олус долгуйдубут. Кини бэйэтэ анал бирииһин Нөмүгүттэн кыттыбыт Ньургуйаана Филипповаҕа анаата, Тиит Арыы нэһилиэгин дьаһалтатын аатыттан Георгий Самсоновка махтал суругу туттарда.

Махтал тылларын аныыбыт 18-39 саастаах уолаттарга, эр дьоҥҥо үс анал бирииһи туруорбут аҕабыт үөрэппит оҕото, улуус хас да төгүллээх чемпиона, өрөспүүбүлүкэ призера Евгений Кировка.

Петр Кривошапкин дьиэ-кэргэнин аатыттан күрэҕи ыыппыт тэрийэр хамыыһыйаҕа, чуолаан Устинов Н.В., Александрова М.И., Самсонов Г.В., күрэхтэһии кылаабынай суудьуйатыгар Олесов В.В., сэкэритээригэр Елисеев А.Д., күүс-көмө, өйөбүл буолбуккутугар, хайыһар көрүҥүн өйүүргүтүгэр ис сүрэхпититтэн махталбытын тириэрдэбит. Бүгүҥҥү күрэх бука бары кыттыылаахтарыгар доруобуйаны, уйгу-быйаҥ олоҕу, этэҥҥэ буолууну баҕарабыт. Бу курдук олох үөһүгэр кэрэни кэрэхсии, үтүөнү үксэтэ, чөл олоҕу өрө тута, үлэлии-хамсыы сылдьыҥ!

***

Татьяна Данилова, П.П. Кривошапкин кыыһа