“Саҥа талыллыбыт баһылык дьону күһэйэн үлэлэриттэн үүртэлиир”
Ватсап ситимигэр Мэҥэ Хаҥалас саҥа талыллыбыт баһылыга Дмитрий ТИХОНОВ тэрилтэ салайааччыларын, дьаһалталар үлэһиттэрин күһэйэн туран үлэлэриттэн уһулталаан эрэрин туһунан элбэх сурах тарҕанна. Билиҥҥи бүдүмүк кэмҥэ үлэттэн уурайыы кими да сыанан аҕаабат, ону таһынан бу ыксалга саҥа салайааччы тэрилтэ үлэтин саҥаттан сааһылыан наада. Ол эмиэ дьылы-күнү барыыр.
Уустук, сытыы быыбар түмүгэр мэҥэлэр икки аҥы хайдан олороллор. Бу маннык хайдыһыы үөскээбитэ ыраатта. Бастаан 2012 сыллаахха Владимир Птицын улуус баһылыгыттан барарыгар, бэйэтин миэстэтигэр солбуйааччытын Николай Старостины хаалларар быыбара этэ. Оппозиция Родион Федоров кандидатуратын өйөөн күүскэ киирсибитэ.
Федоров хотторбута уонча сыл ааста эрээри, оччотооҕу хайдыһыы оһуохтааҕар дириҥээбитэ ааспыт быыбарга ырылхайдык көһүннэ. Бу сырыыга “Единэй Россия” партия чилиэннэрин икки ардыгар атыыр атааннаһыы таҕыста. Урут биир хамаандаҕа сылдьыбыт дьон утарыта турдулар. Мэҥэ биир өттө Старостин кэннигэр хаалларар киһитин Семен Потаповы өйөөтүлэр, иккис өттө – Дмитрий Тихоновы, Майа сэлиэнньэтин баһылыгын.
Түмүгэр элбэх куолаһынан сабырыйан Дмитрий Тихонов баһылыгынан талылынна. Төһө да быыбар ааспытын иһин сиэлэ-кутуруга уһаан, хойдон иһэр. Соторутааҕыта Георгий Артемьев улуус хайдыытыгар буруйдааҕынан республика былааһын, Айсен Николаевы ыйбыта: икки сиргэ оонньоон улууһу сомоҕолуохтааҕар, эбии ыстылар.
Ватсапка тарҕаммыт биир сурук:
ТЭРИЙЭЭЧЧИ МОДЬУЙУУТУНАН УУРАТТЫЛАР…
Быйыл, балаҕан ыйын 11 күнүгэр «Мэҥэ-Хаҥалас улууһа» муниципальнай оройуон дьаһалтатын баһылыгын талыы буолбута. Тихонов Д.И. баһылыгынан талылынна. Ол кэннэ ватсаап ситиминэн «Н.П. Старостин дьоно үлэлэрин быраҕан бары бардылар», диэн араас сурах тарҕанар. Биир бэйэм эмиэ инниккэ хабыллыахпын сөптөөх киһи быһыытынан, хайдах үлэбиттэн тохтоппуттарын суруйабын.
Тихонов Д.И. баһылык буолаат телефонунан «Үлэҕиттэн тохтуугун, эн оннугар атын киһини көрөбүн, миэхэ кэл, быһаарсыах», – диэн эрийэ сылдьыбыта. Мин хардам, уоппускаҕа сылдьабын, уоппускам буттэҕинэ тахсыам диэн эппитим.
Биллэрин курдук, Мэҥэ Хаҥаластааҕы Олимпийскай эрэллэри бэлэмниир спортивнай оскуола учредителэ – улуус дьаһалтата буолар. Уоппускаттан тахсааппын кытта, УУРАЙБАППЫН диэбитим, туох да сайабылыанньа суруйбатаҕым үрдүнэн, онон матыыптаан улууспут баһылыга Тихонов Д.И. бирикээс таһааран үлэбиттэн тохтотто. Ватсаап ситимигэр «Н.П. Старостин дьоно үлэлэрин быраҕан бары бардылар», дииллэрин курдук буолбатах. Атын управлениелар, отделлар, тэрилтэлэр салайааччыларын хайдах уларыппытын, уларытан эрэрин сэрэйиэххэ сөп.
***
Алексей Варламов,Мэҥэ Хаҥалас бочуоттаах гражданина, Сϴ физкультураҕа уонна спортка туйгуна, „Россияҕа сулууспатын иһин“ уордьан кавалера, көҥүл тустууга Иван Ярыгин аатынан Аан дойдутааҕы түһүлгэ икки төгүллээх, Россия чемпионатын, Аан дойду куубогын призера, Полициялар уонна баһаарынайдар XVII‒с Аан дойдутааҕы оонньууларын уонна саха төрүт оонньууларын Манчаары Баһылай спартакиадатын иккилии төгүллээх чемпиона. 2022 сыл, алтынньы 3 күнүгэр диэри Мэҥэ Хаҥаластааҕы Олимпийскай эрэллэри бэлэмниир спортивнай оскуола дириэктэрэ.
Хаһан да наар буоларын курдук, ордук саха улуустарыгар көстөр, быыбар кэнниттэн өс-саас ситиһии барар кэмэлдьилээх. Онто да суох билигин дьон-сэргэ буола турар уустук балаһыанньаҕа ньиэрбэтэ тыҥаан, айманан олорор. Онно эбии олохтоох былаас ортотугар сирэй-харах анньыһыы, өс саас ситиһиитэ, миэстэ былдьаһыыта тахсара сиэргэ баппат. Кэмэ атын. Билигин хайа сатанарынан дьону-сэргэни араҥаччылыырга турунуохтааҕар, төттөрүтүн эбии араллаан төрүөтүн тардыы тохтуохтааҕа.
Эдэр баһылык Тихонов улуус хайдыһыытын дириҥэппэккэ, быыбарга киирсибит дьонун кытары дэми булсан, үлэни, олоҕу чөлүгэр түһэрэргэ дьулуһуохтаах этэ. Балык ыамнаах, киһи күннээх. Дуоһунас букатыннаахтык кэлбэт: бүгүн – баар, сарсын – суох. Онон кэнэҕэскини өйдөөн, дьоһуннаахтык дьаһанан үлэни-хамнаһы өрө тутарыгар баҕарабыт. Кэлин, былаас бүттэҕинэ, дьон сирэйин кыбыстыбакка утары көрөр курдук.
***
Aartyk.Ru
Обсуждение • 25
Добавить комментарийОставить комментарий
Шиномонтаж Левша
Cтоматология 32
Хас быыбар аайы «хайдыьыы» туьунан соннон биэрэ5ит! Муниципальнай быыбардар олохтоохтору хайытар буолбуттара ыраатта. «Хайдыьыы» сурун биричиинэтэ – улэ миэстэтэ. Хас быыбар аайы хайдыьар группалар састааптара уларыйа сылдьар. Ыстаарыьын са5ана улэлэрин мыына сылдьыбыт дьон Тихоновка улэлээннэр дуоьунас ылаары ондонноьо олордохторо. Сана талыллыбыт кулуба Тихонов урут улэлии олорбут дьону ууратта5ына эрэ бэйэтин дьонун улэ5э ылар кыахтаах. Онон билигин араас (соро5ор куьа5ан) ньыманан улэ миэстэтин босхолооьун буолар. Улэттэн уьуллубуттар сууттаьыахтарын соп. Оччо5о кыайаллар. Ол гынан баран салгыы улэлииргэ морально ыарахан буолар, сана кулуба дьоно постоянно кэтии-маныы, утара сылдьаллар. Ити уурайбыт «старостиннар, потаповтар» аныгы быыбарга атын киьиэхэ улэлиэхтэрэ. Ким да буоллун, Тихоновы эрэ утары турбут кандидатка. Ба5ар учугэй дуоьунаьы тэбэн биэриэ. Онон Саха сирин улуустарын, нэьилиэктэрин быыбарыгар итинник быьыы-майгы уоскээбитэ суурбэччэ сыл буолла. Сайдыы туьунан боппуруос суох! Сурун боппуруос – доьунас, улэ миэстэтэ, урдук хамнас! Онон ити билинни быыбар системата тыа сирин нэьилиэнньэтигэр хайдыьыыны эрэ таьаарар. Онон уоьэттэн ананыы (назначение) системата итинник балаьыанньаны уларытыан соп. Ол эрэн улэ миэстэтин боппуруоьун Трудовой кодекс эрэ быьаарыахтаах! Сана кулуба кэлэн дьону улэттэн ууратарын тохтотуохха наада!
Ананыы ньылаҥнааһыны эрэйэр, кэнниги миэстэни салыы сылдьааччы сайдыыны эмиэ аҕалбат.
Маннык түгэҥҥэ үһүс киһи баар буолуохтаах, дьиҥнээхтик сайдыы туһугар дьону сюргэни түмэр, сирдиир!
Улууспут баһӹлыгын утары үлэ күөдьүйэр. Тохтоон сүгүн үлэлэтин, быыбардааччылар санааларын утарыман.
Оннук. Саҥа талыллыбыт киһини сүгүн үлэлэтин. Түксү, сөп боло. Сөптөөҕүн саҥарбыккыт, сууттаспыккыт!
Перед законом и судом – все равны! Сууту – сокуону билбэт, билиммэт тоох-таах ньудьу – балай киьитэ кэлбитэй?!! Позор!!!
Быыбарга эн курдук дьаабыламмыт а5ыйах ини. Анардас бэйэн улэьиккин кигэннин биэстэ сууттаьыннарбытын элбэ5и этэр. Эр киьилии хоттороот сайабылыанньа5ын остуолга ууруохтаах этин. Тугу да сатаабат, кыайбат буоланнын сылаас сиргиттэн уурайыаххын ба5арбаккын.
Оскуола директордарын эмиэ уларыттылар. Хайдах салайааччыта көстөн иһиэ буоллаҕа. Майатын свалкатын кыайбакка гынан баран, баҕар улууһу кыайа тутуо буоллаҕа…
Шамиль в помощь – оннук!
Туох ааттаах ытаннылар, хотторон баран? Оттон быыбар саҕана тыыннаахтыы тутан сиэрилэр ыхханыы, аһыыларын килэтии бөҕө этилэр дии! Бардыннар! Сэнээбиккиттэн сэттэтин ылыаҕын диэн сөпкө этэллэр!
Умейте проигрывать достойно, если пишите, то пишите правду а не эту грязную чушь которую все уже знают, директоров не ТДИ уволил а начальник образования Черкашина за то что не проголосовали за Потапова, и всю информацию весь район знает давно. Ещё до выбора это все произошло с увольнением, а ТДИ тогда ещё не выбрали главой, так что не пишите что якобы он начал увольнять. У него тогда даже полномочий не было.
Да, после драки махать не прилично ) но) все специалисты , вся элита получается уходит в другие районы , города … МК. Вернётся в былые ….
Неприлично – пишется слитно!
Эй глюпыйэ йакуты, астановитес, узбакойтес✌️
Киирсии кэнниттэн киирсии
Бу аата – үлэ эрэ миэстэтин туһугар быыбарга киирсии диэн оруннаах соҕус. Ону киэҥник аттаран сырдатыахха наада. Быыбар аата быыбар – күрэс баар буоллаҕа дии. Бу күрэскэ хотторбут кандидат – бээрэннэн буолбатах кандидат. Кинини өр сылларга үлэлээн кэлбит элбэх баһылыктар уонна араас улахан дуоһунаска үлэлээбит дьон өйөөбүттэрэр, агитационнай хампаанньаҕа быһаччы актыыбынай кыттыыны ылбыттара. Ол аата, улуус дьоно-сэргэтэ ити уопсай хайысханан үлэлээн кэлбит дьон суолун утаран, “атын хайысханан барыахха” диэн санааннан сирдэтэн эдэр уолга куоластаабыттар. Эрэллэрэ – эдэр-эрчимнээх киһи бу кэлбит бириэмэҕэ ордук туттунуулаах-хамсаныылаах буолуо – диэн. Ол эрэллэрэ – кэлэр эрэ кэмҥэ уостар кыахтаах. Ол уостуу бастакы акылаата, быыбар түмүгэ биллибитин 15 мүнүүтэ буолаат, түспүтэ: “брат Шамиль, ТВОЙ кандидат победил” диэн. Уже, хайыы-үйэ политическай мем буолан таҕыста.
Онон, киирсии кэнниттэн киирсии – уостубата биллэр. Кэлбит саҥа салалта сыыһалара – урукку үлэлээбит Николай Старостин уровеныттан саҕаланыа. Именно кини уровенын дьон-сэргэ тэҥнии көрө-билэ, истэ сылдьыахтара. Ол – уже билиҥҥи туругунан, кыаллыбат. Кэлин өттүгэр кыаллыбата – өссө күүскэ “сайдыа”. Эдэр салайааччы ону пока билбэккэ хамсанар быһыылаах. Тоҕо диэтэххэ, ТДИ Николай Старостины кытары быыбар кэннэ алтыспытын көрө иликпит. Ол аата – кабинет иһинэн барар “сэрии” – салҕанан барар. Санаан көрдөххө, 60 бырыһыан уонна 40 бырыһыан кэлэр кэмҥэ тосту уларыйыан сөп. Особенно, эһиил быыбардарга. Эһиил элбэх быыбар буолаары турар: улуус депутаттара, Ил Түмэн депутаттара, Ил Дархан.
Россия үрдүнэн буолаары турар уларыйыылар уже билиҥҥэттэн биллэн эрэллэр. Армияҕа, буолан ааспыт мобилизация уонна Украинаҕа хапсыһыы сыыһа-халты барыылара, салайар систематын уларытыыта номнуо саҕаланна. Ол аата, сотороу кэминэн, экономикаҕа улахан уларыйыылар киирэллэрэ саарбаҕа суох. Экономикаҕа уларыйыы – регионнар салалталарыгар эмиэ “көстүүлээх” буолуо. Ол курдук, Саха Сирин экономиката урукку мобилизационнай халыыпка киирэрэ мэлдьэҕэ суох. Ол киирии – улахан иирсээннээх буолара сабаҕаланар. Урут-уруккуттан айбардаан, үгүс боппуруостары “быһааран” олорбут салалта боломуочуйата улаханнык сарбыллара күүтүллэр. Ити көстүү – “мин Ил Дархан поддержкатынан сылдьабын” диэбит салайааччыларга улахан охсуулаах буолуо. Оннук кэмҥэ ыһыллыбакка, мэлдьи бэлэм сылдьар Николай Старостин уо.д.а. урукку салайааччылар хамаандалара өрө тахсаллар.
Итинник буолаарыы турар быһыыга-майгыга, төһө да “эрчимнээх” салайааччы буоллун, улуус биир эрэ улахан экономическай рычагтаах – улуус бюджета. Уоннааҕы үөскүүр экономическай рычагтарга сабыдыала кыра буолуоҕа – ол аата, киирсии экономическай суолунан дириҥник барыа. Кырдьаҕас, уопуттаах салайааччылар потенциаллара онно биллиэ.
Мешок эбиккин диэччигэ:
Варламов ол Владимиров действиетыгар туох сыьыаннаах буолуой. Алексей Карлович курдук опыттаах, урдук кылаастаах спортсмен киьи сана тэрилтэни с нуля ата5ар туруоран улэлэтэн эрэр салайааччыны уураттылар сурдээх хорсун быьыы. Кини оннугар кэлээччибит да «хорсун» киьи буолан биэрдэ. Биир да кун биир эмит кыра да тэрилтэни салайбатах киьи кэлбит. Туох да улахан ситиьиилэрэ суох спортсмен дииллэр. Комментатор да быьыытынан орто баайыы, сыыс тыла элбэ5ин журналистар бэлиэтииллэр. Аараттан аьынабын.
Майа5а аатырбыт Кыталык уцкуу ансамьлын салайааччыта Винокуровы быыбар кэнниттэн тута сарсыныгар, Потаповка улэлээбитиц диэн, саца Культура Киинин директорыттан устан кэбиспит, Тихонов.
Виокуров да, Варламов да улуус иЬэ эрэ буолбакка, республика масштабтаах дьону саца баЬылык итинник мэрэйдуурэ отой сиэрэ суох быЬыы дии саныыбын, бу мин тэЬэ да туора улуус буолларбын. Ити льон биир Потапов дуу, Тихонов дуу эрэ туЬугар буолбакка, бутун Саха Сирин киэн туттуулара.
Тихоновка бумерангом хардата син биир тэннуэ турда5а
Бэйэтэ тохтообут курдук этэ дии Баьылай
Старостин был не подарок, а Тихонов вообще ,,киндер-сюрприз,,
Дьону ууратары сарсынныга хаалларан сир тоно илигинэ суоллары грейдердэтэн быыбардаабыт дьоннутугар саатар онон махталгытын биллэрин .
Мистер Киндер
Хаха дьаабыланын дьэ мэнэлэр
Мэнэлэр бараххаттар суох (виртуальнай) хайаларын урдун былдьаьыы….
Мэнэлэр бараххаттар суох (виртуальнай) хайаларын урдун былдьаьыы….
Мэнэлэр хайа урдуттэн алаастарын обоччотугар тусэн батыччахтаан, бадарааннанан агай эрэллэр ээ, бысыыта. Аймахтар эрэйдээх эр..
Дьэ айдааннаах быыбар ааспыт, эдэр киһи улэтин арыыйда атын методынан саҕалаабыт. Хоргутааччы киһи элбэх, саастаах дьоҥҥо охсуулаах буолар. Хас эрэ сыллааҕыта биир замглвр.сөбүлээбэт саастаах дьонун күүһүнэн уураппыта, өссө да үлэлиир кыахтаах дьону, ону ити ковид кэлэн дакаастаата, бэйэтэ гл. уган баран туох да практиката суох олорон гл. буолан атын сиргэ туруоруллубута, оннук непотопляемая, олох көрдөрөн иһиэ…