Курс валют
$
93.44
0.28
99.73
0.95
Курс валют
Курс валют
$
93.44
0.28
99.73
0.95
Меню
Поиск по сайту

Ороһуоспа

07.01.2024 09:58 2
Ороһуоспа

Сүллүүкүттэр тахсаллар. Таҥха саҕаланар уонна бу ый 19 күнүгэр диэри салҕанар.

Ороһуоспа. Балаҕан иһигэр күөх оту тэлгииллэр, алаадьы астыыллар, сыалаах эт буһараллар. Таҥараны ытыктаан, ыраас ырбаахы кэтэллэр. Ороһуоспаттан Кириһиэнньэҕэ диэри аньыырҕаан булка сылдьыбаттар.

Ороһуоспа тымныыта түһэр. Киэһэтин сулус аҕыйаҕа – отон аанньа үүммэтигэр.

***

Р.И. Бравина. Ый-күн, үгэс эргиирэ халандаарыттан

 

КИНИГЭНЭН ТААЙЫЫ

Бастакы ньыма. Ханнык баҕарар эргэ кинигэни, боппуруос биэрээт, арый. Харахха тута быраҕыллыбыт тиэкиһинэн инники олоххун быһаар.

Иккис ньыма. Эргэ күлүүс тылын ыл уонна кинигэ лиистэрин икки ардыгар чорбоҕорунан кыбыт. Кинигэ эмиэ эргэ буолара ордук. Күлүүс түспэтин курдук кинигэни быанан кытаанахтык эрийэ баай. Онтон кинигэни күлүүс тыла тутуллар  сиринэн дьиэ өһүөтүгэр эбэтэр аан үөһээ холуодатыгар ыйаа. Бу сылга тугу күүтэргин (холобур, үөрэххэ киирэбин, үлэ булабын, кэргэн тахсабын) санаа. Ол кэннэ туох буолара этилиннэ да, кинигэ эргийиэ. Эргийбэтэҕинэ, санааҥ сотору кэминэн туолара уустук.

 

АНАЛЛААҔЫН ААТА

Бастакы ньыма. Кыра кумааҕыларга уолаттар ааттарын (кыыс буоллаххына), кыргыттар ааттарын (уол буоллаххына) суруй. Сыттыгыҥ анныгар ук. Сарсыарда тураат, биири ойутан таһаар. Ол кэнэҕэски кэргэниҥ аата буолуо.

Иккис ньыма. Уулуссаҕа тахсан ааһан иһэр киһиттэн ыйыт – эр киһиттэн дьахтар, оттон дьахтартан эр киһи аатын. Этиллибит аат  аналлааҕыҥ аата буолуо.

***

«Таайтарыылаах таҥха» кинигэтиттэн

Обсуждение • 2

Добавить комментарий
  1. Олег

    Кинигэннэн диэн буолбатах, кинигэнэн диэн булуо

  2. толкуйдаан көрдөххө сөп эбит.

    Кэриэс

    Аһыыны аһаама,

    Айыыны саҥарба.

    Таҥараны таптаама,

    Абааһыны ахтыма.

    Уруккуну ороомо,

    Уорбалыы санаама.

    Улаханы ордорума,

    Кыраны кыччатыма.

    Бэйэҕин бэрдимситимэ,

    Бэккин билинимэ.

    1926 сыл. Алампа.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»