Курс валют
$
76.35
0.08
89.25
Курс валют
Курс валют
$
76.35
0.08
89.25
Меню
Поиск по сайту

Ньурбаттан илиинэн оҥоһук күрэххэ ситиһиилэннилэр

11.07.2020 09:44 0
Ньурбаттан илиинэн оҥоһук күрэххэ ситиһиилэннилэр

Инстаграм ситим нөҥүө «Ыллыыр мыраан» оҕо лааҕырын салайааччыта Клим Фёдоров хаааччахтааһын кэмин сэргэхситэн араас күрэхтэри ыыппыта үс ыйтан орто. «Илиинэн оҥоһуктар» 9-с күрэҕэр Ньурба улууһуттан Чаппанда нэһилиэгиттэн Акулина Данилова, Хатыҥ Сыһыыттан Августина Васильева уонна Ньурба куоратыттан Лукерья Иванова кыттыбыттара. Күрэх түмүгүнэн Лукерья Иванова Саха сиригэр бастаан, Ньурбатын аатын өрөспүүбүлүкэҕэ тиийэ ааттатта.


Кыайыылаах, СӨ култууратын туйгуна, Ньурба оройуонун норуотун маастара, иистэнньэҥ Лукерья Александровна:

– Мин Клим Фёдоров Инстаграмыгар баарбын. Кини ыытар араас тэрээһиннэрин сэҥээрэн көрөбүн. Биир үтүө күн «Илиинэн оҥоһуктар» күрэх саҕаланарын истэммин, бэйэбин холонон көрөргө, оҥоһуктарбын дьон-сэргэ көрдүн диэн балтыбар Саргылана Павловнаҕа санаабын эппитим. Дьонум сэргээннэр үлэлэрбин хаартыскаҕа түһэрэннэр күрэххэ ыыппыттара. Өрөспүүбүлүкэбит араас муннуктарыттан: Покровскайтан, Кэбээйиттэн, Амматтан, Чокуурдаахтан уонна Дьокуускай куораттан 12 буолан, ол иһигэр Ньурбаттан үс буолан кытынныбыт.

Бэйэм «Кыталык» култуура дыбарыаһыгар иистэнньэҥинэн 38 сыл үлэлээн кэллим. Иллэҥ кэммэр араас оҥоһуктары оҥоруунан дьарыктаммытым ыраатта, кувшиннары оҥорбутум үһүс сыла буолла.


Сиргэ турар вазаны биир нэдиэлэ оҥорбутум, үрдүгэ 65 см. Скатерть рулонун иһинээҕи турбатын быһан, онно хордуонунан форматын быһан төгүрүччү чычырбас гына килиэйдиигин. Ол кэнниттэн хаһыаты кырыйан 3-4 сулуой килиэйдээн 1-1,5 күн куурдаҕын.Сымыыт ячейкатын ууга илитэн, ПВА килиэйи кытта буккуйан папье-маше оҥорон кувшиныҥ тас өттүн сыбыыгын, 2-3 күн куурдан баран, туустаах тиэстэнэн тас өттүн дизайннаан оҥороҕун, хаппытын кэннэ кырааскалыыгын. Маны таһынан хаһыатынан корзиналары, араас матырыйаллартан ларецтары, сундууктары, джутовай оҥоһуктары оҥоробун.

 

Мин үлэлэрбин сэҥээрбит, куоластарын биэрбит бар дьоммор, чуолаан төһүү күүс буолбут балтыбар Саргылана Павловна Степановаҕа ис сүрэхпиттэн барҕа махталбын тиэрдэбин. Бар дьонум инникитин ыытыллар куонкурустарга көхтөөхтүк кыттыҥ, талааҥҥытын кистии-саба туппакка, дьон-сэргэ көрүүтүгэр таһаарыҥ.

  

***

Ааптар: Антонина СЕМЁНОВА.

Оставить комментарий