Курс валют
$
79.68
1.01
93.02
1.54
Курс валют
Курс валют
$
79.68
1.01
93.02
1.54
Меню
Поиск по сайту

Мэҥэ Хаҥалас волонтердара кырдьаҕастар махталларын ылаллар

28.07.2020 16:34 0
Мэҥэ Хаҥалас волонтердара кырдьаҕастар махталларын ылаллар

Өрөспүүбүлүкэбитигэр коронавирус саҥа инфекцията тарҕанан, кулун тутартан ыла ураты бэлэмнээх буолуу эрэсиимигэр олоробут. Ити кэмтэн ыла көмөлөһөр киһитэ суох, дьиэҕэ соҕотох олорор аҕам саастаах дьоҥҥо маҕаһыыҥҥа, аптекаҕа баралларыттан харыстыыр сыалтан волонтердар хамсааһыннара көмө буолла. Мэҥэ Хаҥалас улууһугар көҥүл өттүнэн көмөлөһөр ыччат сорук оҥостон, күннэтэ кырдьаҕастарга көмөлөһөн абыраата.


Күн бүгүн Мэҥэ Хаҥалас улууһугар волонтердар хайдах үлэлии-хамсыы сылдьалларын туһунан улуустааҕы дьиэ кэргэн дьыалатыгар уонна ыччат бэлиитикэтигэр управление сүрүннүүр исписэлииһэ Нарыйа Нестерова сырдатта:

‒ Улууска саастаах дьоҥҥо бородууктаны, эми-тому илдьиигэ уопсайа 1274 сайаапка толорулунна. Өрөспүүбүлүкэтээҕи ыстаап волонтердарга харыстанар сириэстибэлэри ыыппытын нэһилиэктэринэн тарҕаппыппыт. Билиҥҥи туругунан нэһилиэктэргэ үстүү-биэстии ыччат волонтер быһыытынан күннэтэ сайаапкаҕа үлэлэһэр. Күҥҥэ ортотунан уонча, сорох күн уонтан тахсалыы сайаапка оҥоһуллар. Биллэрин курдук, өрөспүүбүлүкэтээҕи волонтердар ыстааптара волонтердар ахсааннарын аҕыйатарга ирдэбил туруорбуттара. Ол иһин билигин улахан нэһилиэктэрбитигэр 5-тии уонна кыра нэһилиэктэргэ 3 эбэтэр 2 волонтер-ыччат үлэлиир.

Көҥүл өттүнэн көмөлөһөөччүлэр ортолоругар устудьуоннар бааллар. Сайаапка үгүстүк Төҥүлүгэ, Дьабыылга, Майаҕа, Павловскайга, Хочоҕо, Төхтүргэ, Табаҕаҕа күн ахсын киирэр. Биһиги ыччаппыт аҕам саастаахтарбыт махталларын өрүү ылаллар. Кинилэр махталлара ‒ волонтердарбыт үтүөнү оҥороллоругар сыанабыл буолар. Оттон биһиги бэйэбит өттүттэн ытык кырдьаҕас дьоммут доруобуйаларын туругун көрүнэллэригэр, бэйэлэрин харыстаналларыгар, биһиги өҥөбүтүнэн туһаналларыгар баҕа санаабытын этэбит.

Билигин бу ыарыы хаһан суох буоларын чуолкай билэ иликпит. Онон ис сүрэхтэриттэн көмөлөһөр үтүө саанаалаах холобур буолар ыччаппыт этэҥҥэ сылдьан, саастаах дьоммут махталларын ыла турдуннар.

***

Виктория БЕЛОЛЮБСКАЯ

Оставить комментарий