Курс валют
$
63.83
0.64
70.67
0.86
Курс валют
Курс валют
$
63.83
0.64
70.67
0.86
Меню
Поиск по сайту

Күүкэй оскуолата 100 сыллаах үбүлүөйүн бэлиэтиир

14.09.2019 11:48 0
Күүкэй оскуолата 100 сыллаах үбүлүөйүн бэлиэтиир

Күүкэй нэһилиэгиттэн улуус, өрөспүүбүлүкэ социальнай-экономическай сайдыытыгар бэйэлэрин билиилэринэн-көрүүлэринэн, үлэлэринэн-хамнастарынан улахан кылааттарын киллэрбит элбэх биллиилээх дьон үүнэн сайдан тахсыбыттара.


Күүкэй А.К. Акимов аатын сүгэр орто уоспай уөрэхтээһин оскуолата 100 сыллаах үөрүүлээх үбүлүөйүнэн Сунтаар улууһун Аҕа баһылыга Анатолий Григорьев оскуола колектива бэйэлэрин идэлэригэр ис дууһаттан бэриниилээх элбэх көлүөнэ учууталлара элбэх сыраларын, билиилэрин-көрүүлэрин биэрэн үтүө сүбэһит буолан биһиги үөрэнээччилэрбитигэр билии-үлэ аартыгар сирдии, угуйа туралларыгар эҕэрдэ тыллары анаата.

 

Оскуола үбүлүөйүгэр анаан сквер выпускников аһылынна уонна «Күүкэй: сүүс саастаах сэһэнэ» диэн кинигэ сүрэхтэниитэ буолла, үөрүүлээх тэрээһиҥҥэ бэтэрээн учууталлар уонна выпускниктар кэлэн эҕэрдэ тылларынан, ырыаннан, хоһоонунан бырааһынньыгы киэргэттилэр. Маны таһынан элбэх учууталлар Үөрэҕирии Министерствотын бочуотунай грамотатын, махтал суругун туттулар.

Ону тэҥэ экономическай наука доктора, академик, Арассыыйа Бэдэрээссийэтин мунньаҕын чилиэнэ, сенатор Александр Константинович Акимов «Кэрэни кэрэхсээҥ» картиннай галереятын, библиотекатын арыллыыта буолла.

Өр сылларга араас улуу уруһуйдьуттар суруйбут хартыыналарын уонна оскуола үөрэнээччилэрэ билиилэрин-көрүүлэрин хаҥатан, өй-санаа өттүгэр сайдыылаах буолалларыгар элбэх интэриэһинэй кинигэлэри, хомуурунньуктары төрөөбүт дойдутугар, үөрэммит кыһатын 100 сыллаах үбүлүөйүгэр анаан бэлэх уунна.

***

«Сунтаар улууhа (оройуона)» муниципальнай оройуон дьаһалтатын пресс – сулууспата

Оставить комментарий    

!