Хордоҕой, Кириэстээх саҥа тутууларын көрдүлэр

Бэс ыйын 7 күнүгэр, улуус Аҕа баһылыга Анатолий Григорьев, тутуу комплексын управлениетын исписсэлиистэрэ Виктор Ефремов уонна Артур Ефимов Хордоҕой уонна Кириэстээх нэһилиэктэригэр бара турар тутуулар хаамыыларын көрдүлэр.

Хордоҕой нэһилиэгэр, нэһилиэк баһылыгын солбуйааччыта Айталина Петрова «Комплексное развитие сельских территорий» судаарыстыбаннай программанан аныгы типтээх спортивно-оздоровительнай зал тутуутун хаамыытын сиһилии билиһиннэрдэ. Эбийиэккэ акылаат уурааһына 100%, каркас таҥыыта 80% уонна тула олбуор турааһына 90% силигэ сиппит, билигин 7 үлэһит баар.

Кириэстээх нэһилиэгэр, нэһилиэк баһылыга Александр Григорьев И.Г. Спиридонов аатынан саҥа тутулла турар 120 миэстэлээх икки этээстээх таас оскуола үлэтин хаамыытын көрдөрдө. Үлэ былаанынан баран иһэр, билиҥҥи туругунан биир этээс истиэнэлэрин ситэриитэ бүппүт, вентиляция таҥан туруорааһына 30% саҕаламмыт, эбийиэккэ 33 киһи үлэлиир.

***

“Сунтаар улууhа (оройуона)” муниципальнай оройуон дьаһалтатын пресс – сулууспата