ХОДУҺАҔА ОТТОР КЭЧИГИРЭҺЭЛЛЭР

Уруккута “Нөмүгү” агрофирма ааспыт сылга “Туймаада” агрохолдиҥҥа киирэн билигин “Туймаада Экоферма” тэрилтэ биир хаһаайыстыбатын быһыытынан үлэлии сылдьар.

Хаһаайыстыба от хампаанньатын тэрээһиннээхтик саҕалаабыта. Ол курдук “Туймаада” Агрохолдинг сааскы, сайыҥҥы үлэлэргэ бэлэмнэнии үлэтин тэрээһинин кииннээн уматыгы, сиэмэни хаһаайыстыбаларга тиэрдии, саппаас чааһынан хааччыллыы боппуруостарын быһааран хаһаайыстыбалар ыһыы үлэтин уонна окко киириини кэмигэр саҕалаабыттара. Ол курдук Нөмүгүлэр окко от ыйын 10 күнүттэн киирэн бу күннээҕи туругунан 900т. от бэлэмнэммит. Онно икки механизированнай звено үлэлии сылдьар. Олортон биирдэстэрин урут совхоз саҕаттан механизатордыыр Семен Семенович Денисов салайар.

Денисов С.С.

Семен Семенович звенотугар сылын аайы оҕолору, эдэр ыччаты талан үлэлэтэн кини салалтатынан элбэх эдэр механизатор үүнэн таҕыста. Соторутааҕыта арыыга баар сирдэрин бүтэрэн билиҥҥитэ 250 туонна оттоохтор.

Эдэр от охсооччу косилкатын көрүнэр

Эдэр механизатор Денисов Семен

Билигин чугаһаан бөһүөлэк аннынааҕы ходуһаларыгар оттуу сылдьаллар. Мантан да 200-тэн тахса туонна оту ылар былааннаахтар. Онтон иккис звено арыыга баар сирдэрин бүтэрэн сиилэс, сенаж бэлэмнээһинигэр киириэхтээх. Онон отчуттар туруоруллубут соругу толорон (былаан 1000т.) кыстыкка дороххой аһылыгынан толору хааччынан киирэргэ бигэ эрэллээхтэр.

***

Прокопий ХАБАРОВ