Горнайдар кыайыы өрөгөйүн уруйдаатылар

От ыйын 10 кунугэр Бэрдьигэстээххэ Чыпчаал стадиоҥҥа “Дыгын оонньууларын” кыайыылааҕын Дьулустаан Ноговицын-Таас Боотуру чиэстээтилэр.

Норуот билиниитин ылбыт Таас Боотуру дойдутун дьоно уруйдуу-айхаллыы көрүстүлэр.

Сөҕүмэр дьулуура, кытаанах тулуура, сыаллаах дьарыга үс үйэ тухары Аар саарга аатыра турдун.

-7705702706077541520

Пресс-конференция саҕаламмытын кэннэ Дьулустаан Ноговицыны анаан-минээн көрсө, анабыл хоһоонун ааҕа, кинигэтин бэлэх уунаары Уус Алдантан норуот билиниитин ылбыт Полина ПОБЕДА киирэн кэллэ. Кинини биир идэлээхпит, дьүөгэтэ Павлина Уйгурова арыаллаан илдьэ кэлбит.

Айар куттаах, эдэрдии эрчимнээх Полина ПОБЕДА дойдутугар Дьулустааны чиэстииллэрин истэн, тугу барытын быраҕан туран анаан-минээн көрсө, Таас Боотурга анабыл хоһоонун ааҕа кэлбитэ көрсүһүүнү истиҥ-иһирэх тыыннаата.

Кини Таас Боотурга анабыл хоһоонун дьон-сэргэ ортотугар аахта, кыайыыга дьулууругар сүгүрүйдэ, үтүө тыллары эттэ! Махтал күндү ыалдьыкка, айар куттаах киһиэхэ.

Улуус баhылыга Никита Андреев Таас Боотурга-Дьулустаан Ноговицыҥҥа 1 500 000 туттарда.

Горнай улууhун нэhилиэктэрин баһылыктара 8 убаһаны бэлэх ууннулар.

Контоевтар дьиэ кэргэттэрэ икки убаһаны туттардылар. Уолбут бэлэхтэммит убаһаларын иитэн, үөр кыннын диэн тренерэ Иван Белолюбскай Өймөкөөнтөн кэлбит атыыр соноҕоһу анаата.

«Горнай түмсүүтэ» саха ынаҕын, ону таһынан аймахтара, сүгүрэйээччилэрэ эмиэ ис сүрэхтэриттэн эҕэрдэлээтилэр, алгыс тылларын анаатылар.

Горнайдары Чыпчаалга тириэрдибит киэн туттар бөҕөспүтүн, “Дыгын оонньууларын” муҥутуур кыайыылааҕын өссө төгүл эҕэрдэлиибит.

***
Вячеслав Алексеев