Быһах тимирин сылыктааһын

Талаҕы-титириги кэрдэн суол солонор, быһыт, чэҥкээйи охсор идэлээх буоллаххытына, быһаххыт халыҥ өнчөхтөөх, биилээх, тулуурдаах тимир эрээри наһаа сытыы буолуо суохтаах. Маһы кыһан, үүттээн, онон-хаһан улэлиир киһиэхэ суптугур уһуктаах, чараас биилээх быһах ордук буолуо. Малтаҕар уһуктаах, чараас биилээх быһах тирии сүлэргэ табыгастаах. Улахан булка, идэһэ хабарҕатын быһарга улахан «булт быһаҕа» диэни оҕустараллар.

Эккэ аналлаах быһах «киһиргэс» соҕуһа, ол аата кылаанныыры тургэнник билинэрэ ордук. Сиргэ-уокка сылдьан хатан биилээххэ түбэстэххинэ, эрэйи көрүөҥ: кылаана тохтуо, ойдуо, сытыыланан биэрбэккэ сордуо. Сиргэ-тыаҕа үксүн хатанынан кылааннаныллар, хатан биилээх-хатаны билиммэт, оттон «тыһытык» быһах хататтаатын да «дыр» гына түhүө.

***

Aartyk.ru

Мандар Уус субэлиир