Атырдьах ыйын 11 күнэ: норуот билгэтэ тугу кэпсиирий?

Тугу гыныахха сөбүй?

• Калина отонун хомуйуу. Бу күн калина отонун хомуйан, онтон минньигэс бөрүөк буһараллар.
• Кэрэ сэбэрэни харыстааһын. Дьахталлар эдэр буоларга калина сүмэһининэн сирэйдэрин сууналлара.
• Ыалдьыттааһын. Ыалдьыттааһын эбэтэр дьиэҕэ доҕоттору көрсүү — дьолу, ситиһиини аҕалар.
• Дьиэни хомуйуу. Дьиэни-уоту көрүнүү, сууйуу-сотуу, бэрээдэктээһин олус туһалаах.
• Үтүөнү оҥоруу. Чугас дьоҥҥо көмөлөһүү, үтүө сыһыан ирдэнэр. Ону таһынан, бу күн Николай Чудотворец төрөөбүт күнэ бэлиэтэнэр буолан, таҥара дьиэтигэр сылдьан үҥэр-сүктэр көҥүллэнэр.

Тугу гынар бобулларый?

• Этиһии уонна өһүргэнии. Этиһэр, мөккүһэр, кими эрэ өһүргэтэр уонна көмөлөһөртөн аккаастанар бобуллар. Бу сибэтиэй Николайы хомотуон сөп диэн ааҕаллар.
• Айылҕаны алдьатыы. Калина маһы алдьатар, лабаатын тоһутар бобуллар. Үүнээйини алдьаппыт киһиттэн доруобуйата уонна дьоло тэйиэн сөп дэнэр.
• Иэс биэрии. Күн ортотугар диэри иэс харчы биэрэр, улахан харчыга тугу эрэ атыылаһар уонна үп-харчы боппуруоһун быһаарсар сүбэлэммэт — дьадайыыга тиэрдиэн сөп.
• Куһаҕаны оҥоруу. Куһаҕан быһыы-майгы киһиэхэ бэйэтигэр хара дьайын тардыан сөп.

Күн-дьыл билгэтэ:

• Бу күн туман түстэҕинэ — эбиэс хойуутук үүнэр.
• Силигилээбит эбиэс саҥаттан күөх өҥнөннөҕүнэ — күһүн ардахтаах, куһаҕан күннээх-дьыллаах буолар.
• Сылаас күн турдаҕына — күһүнэ сымнаҕас, балаҕан ыйын саҥата сылаас буолар.
• Сарсыардааҥҥы туман — мүөт мөлтөхтүк кэлэригэр.
• Ойуурга отон, эриэхэ дэлэй буоллаҕына — кыһына тымныы, элбэх хаардаах буолар.
• Тэллэй аҕыйах буоллаҕына — кыһын тымныы буолар.
• Ардах түстэҕинэ — үүнүү олус үчүгэй буолар.
• Киэһэлик былыттар таҕыстахтарына — сотору кэминэн этиҥнээх ардах түһэр.