Курс валют
$
74
0.36
89.62
0.31
Курс валют
Курс валют
$
74
0.36
89.62
0.31
Меню
Поиск по сайту

Аҕа күнүн декадатын түмүктүүр тэрээһин ыытылынна

15.04.2021 21:35 0
Аҕа күнүн декадатын түмүктүүр тэрээһин ыытылынна

Тэрээһин үөрүүлээх чааһыгар улуус Аҕа баһылыга Анатолий Григорьев кэнчээри ыччаты иитиигэ-үөрэтиигэ уонна уопсастыба иннигэр аҕа оруолун үрдэтиигэ элбэх оҕолоох дьиэ кэргэн аҕаларын ситиһиилэрин туоһулуур «Ытык аҕа» бэлиэни биэс оҕо аҕатыгар, тыа хаһаайыстыбатыгар 70 сыл үлэ стажтаах, кадровай булчукка, СӨ тыатын хаһайыстыбатын туйгунугар, “Бочуот бэлиэ” уордьан кавалерыгар, Элгээйи нэһилиэгин олохтооҕор Григорий Павловка туттарда.


Аҕа оруолун үрдүктүк тутан уонна дьиэ кэргэн иниститутун бөҕөргөтүүгэ кылаатын иһин СӨ “Аҕалар лигаларын” общественнай түмсүүтүн үрдүк наҕараадатынан Саха сирин тыатын хаһаайыстыбатын бэтэрээнэ, СӨ спордун бэтэрээнэ Василий Григорьев наҕараадаланна.

Улууспут нэһилиэктэрин чулуу аҕаларыгар Сунтаар улууһун Аҕа баһылыгын махтал суруктара, ону сэргэ сэрии бэтэрээннэригэр, бойобуой хамсааһыннарга сылдьыбыт бэтэрээннэргэ, олохторугар хааччахтаах дьоҥҥо, олохторугар хааччахтаах оҕолордоох дьоҥҥо алаһа дьиэни тэринэргэ туоһу суруктар туттарылыннылар.

Саалаҕа мустубут эр дьоҥҥо Сунтаар улууһун аҕаларын түмсүүтүн бэрэссэдээтэлэ Вячеслав Данилов аҕалар түмсүүлэрин 5 сыллаах үлэтин отчуоттаата, Сунтаар улууһун 26 нэһилиэктэрин баһылыктарын түмсүүтүн салайааччыта, Устье нэһилиэгин баһылыга Александр Попов, Сунтаар улууһун общественнай сэбиэтин чилиэнэ, медик Константин Павлов, Сунтаар улууһун ис дьыала отделын полиция начальнигар Артем Афанасьев, улуустааҕы “Аҕа уолунаан күрэх” кыайыылааҕа Уһун-Күөл нэһилиэгиттэн Григорий Андреев киэҥ ис хоһоонноох иһитиннэриилэри оҥордулар.

Конференция кэнниттэн санааны үллэстэр аһаҕас кэпсэтии олохтонно. Түмүккэ Аҕа уонна уол оҕо уопсастыба иннигэр оруолларын үрдэтиигэ Концепция ылылынна.

***

«Сунтаар улууһа (оройуона)» муниципальнай оройуон дьаһалтатын пресс-сулууспата

Оставить комментарий    

Россельхозбанк
АЯМ