Курс валют
$
92.59
0.02
100.27
Курс валют
Курс валют
$
92.59
0.02
100.27
Меню
Поиск по сайту

Маалыкайга эдэр учууталлар уопут атастастылар

17.10.2017 07:27 1
Маалыкайга эдэр учууталлар уопут атастастылар

Тыа сиригэр олорор эдэр учууталлар бэйэ-бэйэлэрин кытта уопут атастаһан билиилэрин хаҥаталлар, идэлэригэр уһуйуллаллар.
Маалыкай орто оскуолатын салалтата бу өрүтү учуоттаан, сыл аайы эдэр учууталлар түмсүүлэрин нөҥүө араас хайысхалаах үлэни ыытар.

Дириэктэри научнай үлэҕэ солбуйааччы Алена Казакова иһитиннэрбитинэн, бу күннэргэ эдэр учууталлар түмсүүлэрин көҕүлээһининэн Маалыкай орто оскуолатыгар куустатааҕы методическай күн буолла. Манна Хатыыттан 9, Малдьаҕартан 14 эдэр учуутал кыттыыны ылла.

Уруок хас биирдии түһүмэҕиттэн биир идэлээҕиҥ “буочарын” сөбүлээн туһаныаххын сөп. Ол да иһин Маалыкай орто оскуолатыттан үрдүк категориялаах учууталлар эдэр кэллиэгэлэрин бэйэлэрин уруоктарыгар сырытыннаран, баай уопуттарын кытта үллэһиннилэр.

Уруоктарга сылдьан баран учууталлар “төгүрүк остуол” ыыттылар. Онно оскуола дириэктэрэ Виктор Кузьмин учуутал үлэтин үс сүрүн хайысхатын ырытта: бырайыагы олоххо киллэрии уонна ол түмүгэ; аныгы сайдыылаах үйэҕэ учуутал оруола; педагогическай кэлэктиип психологическай тутула. Оскуола дириэктэрэ: “В.А. Сухомлинскай этиитигэр олоҕуран, учууталлар биир ситиминэн уонна тыынынан үлэлиир буоллахтарына, иитии суолтата күүһүрэр. Техүлэһиккэ да, учууталга да тэҥ сыһыан баар буолуохтаах”,  — диэн бэлиэтээтэ.

«2012 сыл учуутала» күөн-күрэс хаһаайына Федор Ушканов английскай тыл уруогар предметтэр алтыһыыларыгар маастар-кылаас ыытта.

Эдэр учууталлар көрсүһүүлэрэ волейболга күрэхтэһиинэн түмүктэннэ.

Киирсиилээх оонньууга Маалыкай орто оскуолата бастаата, иккис миэстэҕэ – Малдьаҕар орто оскуолата таҕыста. Ол кэнниттэн ыччат эрэллээх аргыһа ырыа, үҥкүү дьиэрэйдэ.
— Куустанан көрсүһүү эдэр учууталларга үлэлэригэр олус өйөбүллээҕин быһыытынан үгэс буолбут тэрээһини быйылгы үлэ былааныгар киллэрэн салгыы тэрийиэххэ,  — диэн Маалыкай оскуолатын эдэр учууталларын түмсүүтүн салайааччыта Лидия Тихонова санаатын тиэртэ.

Бу тэрээһиҥҥэ Малдьаҕартан 14 эдэр учуутал кыттыыны ылбыта кэрэхсэбиллээх. Бэлиэтээн эттэххэ, Малдьаҕар нэһилиэгин баһылыга Никита Иванов кэлии учууталларга ураты болҕомтотун уурар. Инньэ гынан бу оскуолаҕа эдэр учууталлар былдьаһа-былдьаһа кэлэллэр диэтэхпитинэ сыыспаппыт буолуо. Буолумуна, ханна усулуобуйаны тэрийэр сирдэригэр ыччаттар олохсуйаллара чахчы.
Оттон маалыкайдар холобурдарын атын улуустар эдэр учууталлара батыһаллара буоллар, оҕо иитиитигэр  үлэлэһэр ыччаттарбыт айымньылаах үлэлэрэ өссө көхтөөх буолуо этэ.

****
Елена ПОТОЦКАЯ, «Саха сирэ» хаһыат, edersaas.ru

Обсуждение • 1

Добавить комментарий
  1. Мин

    Молодец Туйаара, дойдын сонунун сырдата турар буол:)

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»